ఆశ్చర్యం కలిగించే తల్లి - కుమార్తెల సంబంధాలు?

పిల్లలకు ఈ వయసులో సాధారణంగా తల్లితండ్రులనుండి వేరయి స్వతంత్రంగా ఉండటానికి ప్రయత్నిస్తారు. వారి సహచరులకు వీరు అధిక సమయం కేటాయిస్తారు. వారి సహచరులు హీరోలైతే, వీరు కూడా హీరోలుగా అవ్వాలని ప్రవర్తిస్తారు.

Relationship

oi-Staff

By Super Admin

Updated: Tuesday, May 9, 2017, 15:21 [IST]

కుమార్తెకు 13 సంవత్సరాలు అంటే టీన్స్ లోకి ప్రవేశించిందంటే, తల్లితండ్రులు భయపడాలి. పిల్ల పెద్దదైపోతోందనీ కాదు, మీకు వయసు వచ్చేస్తోందనీ కాదు! మరి దేనికి? ఎందుకంటే, ఈ వయసులోనే వారి ప్రవర్తన స్వభావం మారిపోతాయి. ఆమెకు మీరు తెల్లవారు ఝామున 2 గంటలకు నిద్ర లేపి పాలుపట్టారు. ఆమె మీ ఒడిలో కూర్చుని అనేక విషయాలు నేర్చుకొంది. కాని ఇపుడు ఆమె పరిస్ధితి వేరు. యుక్తవయసు వచ్చిందంటే వారిలో పెద్ద మార్పు, కొత్త అలవాట్లు. ఒకప్పటి మీ స్వీట్ బేబీ ఇపుడు తలపొగరు, వాడి వేడి కల యువతి. మీరెంతో ప్రేమించే మీ కుమారుడు కూడా ఉన్నట్టుండి మాట్లాడటం మానేస్తాడు. అతి తక్కువ సంభాషణ. ఏ విషయం చెప్పినా పెడచెవిని పెట్టడం. పిల్లల ఈ దశనే టెర్రిబుల్ టీన్స్ లేదా బెదిరించే యుక్తవయసు అంటారు. ఇది చాలా చెడ్డదని చెపుతున్నాం....వేరుగా భావించకండి.

పిల్లలకు ఈ వయసులో సాధారణంగా తల్లితండ్రులనుండి వేరయి స్వతంత్రంగా ఉండటానికి ప్రయత్నిస్తారు. వారి సహచరులకు వీరు అధిక సమయం కేటాయిస్తారు. వారి సహచరులు హీరోలైతే, వీరు కూడా హీరోలుగా అవ్వాలని ప్రవర్తిస్తారు. వారికి ఒక కొత్త గుర్తింపు కొరకు ప్రయత్నిస్తారు. కొత్త అవతారం ఎత్తాలని చూస్తారు. భవిష్యత్తులో వారెలా వుంటారనేది ఈ దశనుండి వారిని అంచనాలు వేయవచ్చు. ఈ యుక్తవయసు దశలో వారికి స్వతంత్రత ప్రధానంగా కావాలి. కాని అది ఎంతవరకు అనేది తల్లితండ్రులకు ప్రశ్నార్ధకంగానే వుంటుంది. అతిగా స్వతంత్రత ఇచ్చినా సమస్యే. అసలు ఇవ్వకపోయినా సమస్యే.

కనీసం వారిని ఎక్కడికెళుతున్నావ్? ఎవరితో వెళుతున్నావ్ అనే ప్రశ్నలు సైతం వారి స్వాతంత్రాన్ని హరించివేసినట్లు భావిస్తారు. ఇది ఒక మార్పు చెదే దశ అని తల్లితండ్రులు భావించాలి. 22 సంవత్సరాల వయసు వస్తే చాలు మగ బిడ్డలు తల్లిచాటుకు, ఆడపిల్లలు తండ్రి చాటుకు వచ్చేస్తారు. ఆడ పిల్లలకు పెళ్ళి అయితే, తండ్రి లక్షణాలు, క్రమశిక్షణ ఆచరిస్తారు. తల్లితండ్రులు తమ పిల్లలకు కొంత అవకాశం, ఇవ్వాలి, వారితో చర్చించాలి, వారి బాధలు వినాలి. ఈ సమయంలో సంభాషణ ప్రధానం. అలాగని మాట్లాడాలని ఒత్తిడి చేయకండి. కొన్ని మార్లు వారు మౌనంగా వుండటానికి ఇష్టపడతారు.

అయితే, ఒక చక్కని సంభాషణ పరిష్కరించలేని అంశం ఏదీ లేదనేది గుర్తించండి. చిన్నతనంలో వ్యతిరేకించే పిల్లలే పెద్దవారైన తర్వాత భాధ్యతాయుతంగా ప్రవర్తిస్తారు. కనుక మీరు ఆందోళన చెందాల్సింది లేదు. పిల్లలు షుమారుగా వారి 20 సంవత్సరాల వయసు వచ్చే వరకు స్వతంత్రంగా వ్యవహరించటానికి ఇష్టపడతారనేది తల్లి తండ్రులు గుర్తించాలి.