ఆఫీస్ పని సమర్ధతా...? అంగాంగ ప్రదర్శనా....?

Relationship

oi-Nageswara

By B N Sharma

Published: Monday, May 14, 2012, 12:17 [IST]

అందం అనేది చర్మం లోతా? ఊహించండి.అంతకు మించి వద్దు. తాజాగా చేసినఒక అంతర్జాతీయసర్వేలో అందమైన వ్యక్తులు మిగతా వారికంటే అధిక జీతాలను అందుకుంటున్నట్లు వెల్లడైంది. మరి చక్కని శారీరక రూపం, అందం వుంటే మన దేశ కంపెనీల్లో ఉన్నత పదవులు పొందటం అంత కష్టం ఏమీ కాదు. అందంగా వున్న వారిని అధికంగా చూసే వ్యక్తుల మనస్తత్వాలను ఈ సర్వే నిందించింది. అందంగా వుండే వారిని అధికంగా చూడటమే కాదు, వారు చేసే పనిని సైతం మరింత సమర్ధవంతంగా వున్నట్లు భావిస్తారని కూడా తెలిపింది. అంతటితో ఆగక, ఆచూపు అనేది వారి జీతాలు పెరగటంలోను, ప్రమోషన్లలోను కూడా ప్రతిబింబిస్తుందట.

మరి ఉదాహరణగా నేటి కార్పోరేట్ కంపెనీలలో మహిళలైనా పురుషులైనా, అందంగా వుండి, మంచి దుస్తులు ధరించి, శారీరక సౌష్టవంతో వుంటే చాలు, వారు అనేక రకాలుగా వారి వర్క్ లైఫ్ లో ప్రయోజనాలు పొందుతున్నారు. దానికి తగ్గట్లు వారిలో ఆత్మ విశ్వాసం,సంభాషణా చాతుర్యం వంటివి వుంటే వారు మరింత ముందుకు పోతారనటంలోను, వారి జీతాలు తప్పక పెరుగుతాయనటంలోను సందేహం లేదు. అయితే,అందం, సామాన్య రూపం, అంద వికారం అనేవి ఏవోకొద్దిపాటి ఫ్యాషన్, గ్లామర్, లేదా హాస్పిటాలిటీ పరిశ్రమ అంటే, హోటల్స్ వంటివాటిలో ప్రధానంగా చూడబడుతాయని సాధారణంగా పనితనమే వెల్లడి అవుతుందని, ఫలితాలు పనిచేసేవారికే ప్రధానంగా వుంటాయేవారుకూడా లేకపోలేదు.

అయినప్పటికి, తెలివిగా, స్మార్ట్ గా దుస్తులు ధరించి వచ్చేవారు, సాదా సీదాగా వుండే వారిసహచరులకంటేకూడా ఒక మెట్టు పైనే వుండి తమ పదవులు లేదా ఇతర ప్రయోజనాలు సాధించుకంటారనేది వాస్తవం అయినప్పటికి, కీ రిసల్స్ ఏరియాలలో అంటే పని సామర్ధ్యం రికార్డ్ అయ్యేది బ్లాక్ అండ్ వైట్ లో మాత్రమేనని పని సామర్ధ్యానికి పెద్దపీట వేయబడుతుందని కూడా చెపుతారు. అందంగా వుండి, తక్కువ జీతాలు పొందేవారినికూడా చూస్తూనే వుంటాం. అయితే, అన్నిటికి మించి వారు పని చేసే బాస్ ల మానసిక స్ధితి బట్టి కూడా ప్రయోజనాలు కలుగుతాయనేది మరో వాస్తవంగా సర్వే గుర్తించింది.

సశాస్త్రీయంగా రూపొందించిన ఎప్రైజల్స్ వంటి వాటిలో అందచందాలకు తావుండదు. అవి పూర్తిగా పనిసామర్ధ్యం పైనే ఆధారపడి వుంటాయి. అయితే, తాము తమ తమ సామర్ధ్యాలను ప్రదర్శించుకోవడంలో వున్న నైపుణ్యంపై కూడా ఆధారపడి వుంటాయి. కనుక ఈ అంశాలన్ని కలిపి ఒక వ్యక్తిని తన కెరీర్ లో ఉన్నత పదవులకు, అధిక జీతాలకు కృషి చేసేలాచేస్తాయి. అయితే, పరిశ్రమలు ఏదైనప్పటికి అందానికి, రూపలావణ్యాలకు వాటి ప్రదర్శనాతీరుకు, అందాలు లేని వ్యక్తుల పనిసామర్ధ్య ప్రదర్శనలకు మధ్య వత్యాసం సహజంగా ఎప్పటికి వుంటూనే వుంటుందని చెప్పాలి.