మహిళలచే మెప్పులు ఎలా పొందాలి?

Relationship

oi-Nageswara

By B N Sharma

Published: Saturday, May 19, 2012, 15:47 [IST]

ఎప్పటినుండో డేటింగ్ అడుగుతున్నారు? అయినా ఆమె అంగీకరించటంలేదు. ఎన్నో కారణాలు చెప్పి ఎప్పటికపుడు వాయిదాలు వేస్తోంది. మీకు అసహనంగా వుంది. ఎన్ని అభ్యర్ధనలు చేసినా ఫలితం వుండటంలేదు. ప్రపంచంలో డేటింగ్ కు ఎంతో డిమాండ్. ఒక మహిళను డేటింగ్ కు రమ్మని అడగాలంటే ఎంతో ధైర్యం వుండాలి? అంతేకాదు, ఆమెతో కలసిన కలయికలలో ఆమెను మీరు ఎంతో మెప్పించగలగాలి. అపుడే ఆమె మీరు తన భవిష్యత్తుకు ఎలా ఉపయోగపడతారనేది నిర్ధారిరంచి...అందుకు ఓకే అంటుంది.

మరి ఆమెను మెప్పించాలంటే ప్రధానంగా ఏమి వుండాలి?
గంభీరమైన స్వరధ్వని. మీ స్వర ధ్వనిలో టెస్టోస్టిరోన్ ల ప్రభావం వుంటుంది. ఈ హార్మోన్ అధికంగా వుండే పురుషులు ఆత్మవిశ్వాసంతో వుంటారు. గట్టి నిర్ణయాలు, ఖచ్చితంగా మాట్లాడటం వుంటుంది. ఈ స్వరధ్వని తక్కువలో వుంటే, ఆరోగ్యం, పెద్దరికం, ఆధిపత్యం సూచించి ఆమెను ఆకర్షిస్తుంది.

డేటింగ్ గేమ్ లో మీకు తెలిసినా, తెలియకపోయినా శారీరక స్పందనలు ప్రధానపాత్ర వహిస్తాయి. మీ డేట్ మొదటిసారి కలిస్తే, దీటుగా నిలబడి వ్యవహరించండి. అణగి, మణగి వ్యవహరించకండి. ఆర్ధికంగా, వ్యక్తిగతంగా గట్టిగా వుంటే నిటారుగా నిలబడి వ్యవహరిస్తారు. మహిళలు ఈ రకంగా పొడవైన పురుషులను ఇష్టపడతారు.

ఉన్నతంగా మాట్లాడండి. ఇక మీరు మీ డేటింగ్ ఎదుర్కొనటానికి సిద్ధమయ్యారు. కొన్ని మాటలను ఎంపిక చేసుకోండి. అరుదైన, తెలివైన మాటలు మాట్లాడేవారు డేటింగ్ లో విజయవంతమవుతారని స్టడీలు చెపుతున్నాయి. ఆసక్తి కల, అరుదైన, పాలిష్ పట్టిన మాటలు పురుషులు మాట్లాడితే మహిళలు మెచ్చుకొంటారు.

నవలలలోని భాష మాట్లాడే పురుషులంటే మహిళలకు ఆసక్తికరంగా వుంటుంది. ఆ విధంగా మాట్లాడే పురుషులను వారు తెలివైన వారిగా భావిస్తారు. విషయాలను తెలిపేటపుడు హాస్యంగాను, నూతనంగాను ప్రవర్తించండి. అలాగని చవకబారు జోకులు వదలకండి. హాస్యాస్పద సంఘటనలు వివరిస్తూవుండాలి. అదే సమయంలో మీ వ్యక్తిత్వం కాపాడుకుంటూ వుండాలి.