ప్రేమ వివాహాల ప్రయోజనాలు !

Relationship

oi-Nageswara

By B N Sharma

Published: Wednesday, May 9, 2012, 15:10 [IST]

పెళ్ళి అనేది జీవితాంతం ఉండే బంధం. జంటలు సాంప్రదాయకంగా ముడివేసుకొని జీవితమంతా ఒకరితో ఒకరు కలసి వుంటారు. ప్రేమ వివాహానికి, పెద్దలు ఏర్పాటు చేసిన వివాహానికి వివిధ ప్రయోజనాలు వుంటూనే వుంటాయి. కొంతమందికి ప్రేమ వివాహం గొప్పదైతే, మరికొందరికి పెద్దల ఏర్పాటు వివాహం లాభదాయకంగా వుంటుంది. పెద్దలు చేసే వివాహం గురించి అందరకు తెలుసు కాని ప్రేమవివాహం ఏ రకంగా లాభసాటి? మీరు ప్రేమలోపడి ప్రేమ వివాహం జీవితానికి ఎంతమంచిదో, అది ఎన్ని ప్రయోజనాలను ఇస్తుందో తెలుసుకోవాలంటే, దీనిని చదవండి.

ప్రేమ వివాహం ప్రయోజనాలు
మీరు ఒకరికొకరు తెలుసు - ఒకరంటే ఒకరికి ప్రేమ కనుక మీ పార్టనర్ సంగతి మీకు బాగా తెలుసు. పెళ్ళికి సిద్ధ పడేటపటికి, మీ ఇష్టాలు, అయిష్టాలు, ఆశింపులు, పార్టనర్ అవసరాలు అన్ని తెలుస్తాయి. కాని పెద్దల ఏర్పాటు వివాహంలో మీరు జీవితమంతా ఎటువంటి పార్టనర్ తో గడపబోతున్నారనేది మీకు తెలియదు.

ఎంపిక మీదే - ప్రేమ వివాహంలో, మీ కిష్టమైన వారిని ఎంపిక చేసుకుంటారు. పెద్దల ఒత్తిడి వుండదు. ప్రేమ వివాహంలో ఇదే పెద్ద లాభం. మీ కిష్టమైన రీతిలో మీరు మీ జీవిత భాగస్వామిని కోరుకోగలరు.

ముందుగానే అవగాహన - ప్రేమించుకునేటపుడు ఒక అవగాహనకు వస్తారు. ఈ అనుబంధం మీ పార్టనర్ అంటే ఏమిటో మీకు తెలుపుతుంది. వివాహం అయిన తర్వాత ఎంతవరకు సర్దుకుపోవాలనేది తెలుస్తుంది. పార్టనర్ ముందే తెలుసుకనుక మానసికంగా సిద్ధ పడతారు.

కుటుంబ బంధాలు - పెద్దల ఏర్పాటు వివాహంలో మీ భాగస్వామి పెళ్ళికి ముందు తెలియదు. ఈ సామాజిక కార్యక్రమం చేసే వరకు కుటుంబాల సభ్యులకు సైతం ఒకరి కొకరు ఏ మాత్రం తెలియదు. అయితే, ప్రేమ వివాహంలో ఒకరికొకరు ముందునుంచే తెలుస్తారు. ముందునుండే పరిచయాలు ఏర్పడి వారి సామాజిక హోదాలు, ఇష్టాలు, అయిష్టాల వంటివి తెలుస్తాయి. దానిని బట్టి ప్రేమ వివాహం నిర్ణయించుకోవచ్చు కూడాను.

ఇవి ప్రేమ వివాహ ప్రయోజనాలు. అయితే, దీని వలన కొన్ని నష్టాలు కూడా లేకపోలేదు. ఉదాహరణకు, ప్రేమ వివాహంలో ఆమె లేదా అతను అధికారాలు చెలాయించవచ్చు. అయితే, ఆనందకర వివాహజీవితం కొరకు కొద్దిపాటి రాజీలు, అవగాహనలు ఒకరి కొకరు చేసుకుంటూ విలువలనిచ్చుకోవాలి.