ముఫ్ఫై ఏళ్ళకే మరుగునపడే కామవాంఛలు!

Relationship

oi-Nageswara

By B N Sharma

Published: Tuesday, May 8, 2012, 13:25 [IST]

30 ఏళ్ళ వయసులోను మహిళలు, పురుషులు తమ శృంగార జీవితంలో పొందేటంత అసంతృప్తిని మరే వయసు వారు పొందటం లేదని ఒక రీసెర్చిలో తేలింది. దానికి కారణం, వారికి అప్పటికే పుట్టిన పిల్లల బాగోగులు, ఆర్ధిక బాధలు మొదలైనవి వారిని బెడ్ రూమ్ లో పటాకీలు పేల్చకుండా చేస్తున్నాయట. అయితే, ఆందోళన చెందవద్దని ముఫ్పైలకంటే కూడా ఏభై ఏళ్ళ వయసులో చేసుకునే రతి క్రీడలు మరింత మజాగా వుంటాయని అప్పటికి కోర్కెలు మరింత అధికంగా వుండి జంటలకు ఆనందాలను మెరుగుపరుస్తాయని కూడా రీసెర్చర్లు తెలుపుతున్నారు.

వీరు 2012 లో చేసిన సెక్స్ సెన్సస్ అనబడే తమ రీసెర్చిలో సుమారు 25 వేలమందిని స్టడీ చేశారు. వారిలో 30 నుండి 39 సంవత్సరాల మహిళలు, పురుషులు సుమారు 25 శాతంమంది ఆధునిక జీవనం కొరకు గల అవసరాలకు సొమ్ము చాలక తమ సెక్స్ జీవితంలో నిరాశ చెందుతున్నట్లు వెల్లడి చేశారు. అదే వయసు గ్రూప్ లో 35 శాతంమంది తమకుగల చిన్న బేబీలు, పిల్లలు కూడా తమ సెక్స్ జీవిత సంబంధాలపై వ్యతిరేక ప్రభావం చూపుతున్నారని, వారి బాగోగులను చూసేటప్పటికి జంటలు అలసి పోయి ఇక తమ రతిక్రీడలకు సమయం కేటాయించుకోవటం లేదని కూడా తెలిపారు.

కాని వీరికంటే అధికంగా వయసుకల 50 మరియు 52, 59 సంవత్సరాల వయసులున్న జంటలు సంతోషకరమైన లైంగిక జీవితాలను గడుపుతున్నట్లు తెలిపారు. పది అంకెలుగల స్కేలులో 18 సంవత్సరాల వయసున్నవారు తమ లైంగిక తృప్తిని 4 వరకు తెలుపగా, 60 నుండి 69 సంవత్సరాల వయసున్నవారు పది అంకెల స్కేలులో తమ లైంగిక తృప్తిని ఆరు అంకెగా తెలిపారట.

వయసు ఏదైనప్పటికి సంబంధాలు ప్రధానమని, ఆర్ధిక అంశాలు, ఇతర పరిస్ధితులు ఏవైనప్పటికి జంటలు తరచుగా సంభాషణలు జరుపుతూండాలని, ఏభైలలో భాధ్యతలు తీరిన పిమ్మట జంటలు మరోమారు ఆనందకరంగా తమ లైంగిక జీవితాలను గడుపుతున్నారని రీసెర్చి ఫలితాలను డెయిలీ మెయిల్ ప్రకటించింది.