జంటల తగవులు.... పరిష్కార మెళుకువలు?

Relationship

oi-Nageswara

By B N Sharma

Published: Friday, May 25, 2012, 8:05 [IST]

జంటలు అసలు తాము ఏ అంశంపై వాదించుకుంటున్నారు. లేదా తగాదా పడుతున్నారు? దాని లక్ష్యం ఏమిటి అనేది వారికి అవగాహనలో వుండాలి. భాగస్వామిని ప్రతి అంశంలోను విఛ్చిన్న దశగా వ్యతిరేకించటంకాదు. భావావేశాలలో నియంత్రణ వుండాలి. వారు వ్యతిరేకించే అంశం పూర్వాపరాలు వారికి పూర్తిగా తెలియాలి. లేకుంటే, వారు తగిన సలహా సంప్రదింపులు ఇతరులనుండిపొందాలి. ఈ సమయంలో వారేం చేయాలి?

- ప్రతి ఒక్కరూ ఒక డబ్బా తీసుకొని దానిపై వివాదించే అంశాన్ని రాసి అందులోని సమస్యలను విడి విడిగా ఆ డబ్బాలో వేయాలి. ఇది వారికి ఆలోచనా ప్రక్రియలకు మరింత అవకాశమిస్తుంది.

- ఇద్దరూ కలసి ఒకే పని చేయాలి. ఉదాహరణకు వంటలేదా కలసి నడవడం, లేదా టి.వి. చూడటం.

- ప్రశాంతపరచే వ్యాయామాలు అంటే ఆర్ట్ ఆఫ్ లివింగ్ కోర్సు, నిద్రించే ముందు ధ్యానం, తాము గతంలో చూసిన మంచి ప్రదేశాల చర్చ వంటివి తగాదా తర్వాత వారికి ఆనందం ఇస్తాయి. వారిలో వున్న పాజిటివిటీని పెంచుతాయి.

- ఎవరికి వారు స్వయం నియంత్రణ, క్రమశిక్షణలు కలిగి వుండటానికి ప్రయత్నించాలి. తలుపులు పెద్ద శబ్దంతో వేయడం, ఇంటిలోని వస్తువులు విసురుకోవటం చేయరాదు.

- సమస్యలను బెడ్ రూమ్ వరకు తీసుకు వెళ్ళరాదు. ఒకరినొకరు నిందించుకోరాదు. బెడ్ రూమ్ వద్ద ప్రశాంతంగా వుండాలి.

- మీ పార్టనర్ కు గట్టి గోడ కట్టేయకండి. మాట్లాడటం ఇష్టం లేకుంటే, అక్కడనుండి వెళ్ళిపొండి. కాని వివరణ ఇవ్వండి.

- తగవులు అధిక కాలం కొనసాగించవద్దు. పగ ప్రతీకారాలు అధికం అవుతాయి.

- పార్టనర్ అలసి వున్నా లేక ఆకలిగా వున్నా వివాదించవద్దు.

- ఒకరిపై మరి ఒకరు నిందలు వేసుకోవద్దు. మిమ్మల్ని బాధిస్తున్న అంశాలు వ్రాసి చాకచక్యంగా పరిష్కరించుకోండి.

- సరైన ఆలోచనా సరళికిగాను కొత్త స్నేహాలు, హాబీలు ఏర్పరచుకోండి.

- కోపంగా వున్నారా? బయటకు వెళ్ళి నడవండి. తిరిగి ప్రశాంతంగా వాపసు రండి.

- పోట్లాడాలనుకుంటే, ఆలోచించి తెలివిగా పోరాడండి.

- సంబంధ విలువలను గౌరవించండి. మధ్య వర్తి ఇద్దరికి ఇష్టమయితే నే తప్ప బయటివారితో చర్చించకండి.