మీ భాగస్వామి మిమ్మల్ని అనుమానిస్తోందా?

పార్టనర్ సందేహ పడుతూంటే లక్షణాలు ఎలా వుంటాయి?
ఒక కంట కనిపెడుతుంది - మీరు ఏ పని చేసినప్పటికి మీ భాగస్వామి మిమ్మల్ని అనుసరిస్తూనేవుంటుంది. ఒంటరిగా వెళితే, వెంటనే ఫోన్ మెసీజీలు, కాల్స్, మీరేం చేస్తున్నారు ? అంటూ చేస్తుంది. ఏదో పనుండి చేసానంటుంది. మీరు ఉద్యోగానికి వెళ్ళినా సరే ఆఫీస్ ఎన్నింటికైపోయింది? అని అడుగుతుంది.

అసహనం - మీరంటే ఎంతో అసహనంగా వుంటుంది. సంబంధంలో నమ్మకంపోతే, అనుమానం వస్తుంది. అభధ్రత భావించబడుతుంది. కనుక మిమ్మల్ని పట్టుకోవాలనేటందుకుగాను మీ ప్రతి కదలిక అసహనంగాఆమెకుంటుంది.

మీకు అసలు అవకాశం ఇవ్వదు - తన వ్యక్తిగత అంశాలలో మీకు అవకాశం ఇవ్వదు. మిమ్మల్ని, మీ విశ్వాసాన్ని నిరంతరంశంకిస్తుంది.

వేరుగా చూస్తుంది - మీ స్నేహితులనుండి మిమ్మల్ని వేరుపరచటానికి చూస్తుంది. అందులోనూ మీకు మహిళా స్నేహితులుంటే వారిని తప్పక వేరు చేసి మరల మిమ్మల్నికలవకుండా చూస్తుంది.

ఈ లక్షణాలు ఆమెలో వుంటే, ఆమె మిమ్మల్ని ఖచ్చితంగా అనుమానిస్తున్నట్లే.

మరి ఇలా అనుమానపడే వారితో ఎలా వ్యవహరించాలి?
అనుమానాలు తీర్చండి - వారి అనుమానాలను తీర్చండి. భాగస్వామితో చర్చించండి. ప్రశాంతంగా చర్చించండి. కారణాలు తెలుపండి. వివరణలు ఇచ్చి వాటికి పరిష్కారాలు చేసుకోండి.

తెలివిగా వ్యవహరించండి - మీ పార్టనర్ అనుమానపడుతున్నట్లు మీకు తెలిస్తే, మీరు చేసే పని ముందుగా తెలియపరచండి. ఇది ఆమెలో నమ్మకం ఏర్పరుస్తుంది. మీరేమీ దాచటంలేదని ఆమె సంతోషపడుతుంది.

మనసులో తొలగించండి - సందేహాలు కారణాలుంటేనే కానీ రావు. మీపార్టనర్ కు గల గత అనుభవంతో లేదా మీసంబంధంలో నమ్మకం పోవడంతో సందేహాలు వస్తాయి. కారణాలు తెలుసుకొని వాటిని మీ భాగస్వామి మదినుండి తొలగించి ఆమెకు లేదా అతనికి మరోమారు మీకుగల సంబంధంలో నమ్మకం ఏర్పడేలా చేయండి.

ఈ మార్గాలు ఆచరించి మీ పార్టనర్ కు మీపైగల అపనమ్మకాలను తొలగించుకొండి. అనుమానం చిన్నగా వున్నపుడే దానిని తొలగించండి. అది పెరిగి పెద్ద చెట్టుగా కారాదని గుర్తుంచుకోండి.