జంటల వివాదాలు - తెగిపోతున్న సంబంధాలు!

Relationship

oi-Nageswara

By B N Sharma

Published: Thursday, May 24, 2012, 12:35 [IST]

జంటలకు తగవులు తప్పేవికావు. ఏదో ఒక అంశంపై వివాదాలు వస్తూనే వుంటాయి. అయితే, సంబంధం బలపడాలంటే, మీరు సరైన రీతిలో న్యాయపరంగా పోట్లాడండి. వివాదాలు సాధారణమే అయితే, మీరు వివాదించే పద్ధతి సరైనదిగా వుండాలి. అపుడు వారిమధ్య గల సంబంధం బాగా బలపడుతుంది. చెడుగా వాదించినట్లైతే, ఎదుటి వ్యక్తి కూడా అదే ధోరణిలో కొనసాగి నిందిస్తూ వుంటాడు. ఫలితం శూన్యంగా వుంటుంది. చివరకు ఎవరు సరైన రీతిలో వున్నారనేది కూడా అర్ధం కాని అంశమే అవుతుంది.

ఈ వివాదాలను నిర్మాణాత్మకం లేదా విచ్ఛినం అనే రెండు పద్ధతులలోను కొనసాగించవచ్చు. విచ్ఛిన్నకర పద్ధతులలో శత్రుత్వం, పగలు పెరిగిపోతాయి. అంశాన్ని బాగా పరిశీలించి నిర్మాణాత్మకంగా వాదించాలి. అపుడు అది పెద్ద వివాదం కూడా కాకుండా వుంటుంది. జంటలు, సాధారణంగా కొన్ని సార్లు బయటపడి మరి కొన్ని సార్లు రహస్యంగా వివాదాలు సాగిస్తారు. బయటపడే వాటిలో చాలావరకు వ్యతిరేక ధోరణి వుంటుంది. రహస్య వివాదాలు మెల్లగా వుంటాయి.

చెడు వివాదాలు ఎలా వుంటాయంటే....
- ఛండాలంగా తిట్టుకోవడం, కొట్టుకోవడం లేదా తప్పులు ఎత్తి చూపుకోవడం
- పెద్దగా అరుస్తూ పార్టనర్ అహంకారాన్ని దెబ్బతీయడం, నీవు చెడ్డ వాడివి అని వేలెత్తి చూపడం
- గత సంఘటనలు తవ్వుకొని తిట్టుకోవడం
- పార్టనర్ తల్లితండ్రులను పిలిపించి నిదించటం
- ఒకరినొకరునిందించుకోవడం.
- నిశ్శబ్దంగా వుంటూ నిరంతరంసాధించడం
- అభధ్రత కలిగించేలా నేను వెళ్ళి పోతాను అని బెదిరించడం

ఈ రకమైన బెదిరింపులు సమస్యలకు పరిష్కారం చూపకపోగా సమస్యలను జంటల మధ్య మరింత జటిలం చేస్తాయి. కనుక సామరస్యంగా అంశాలను పరిష్కరించుకోవాలి. లేదంటే, జంటలు కనుక వారి మధ్య వారు పరిష్కరించుకోలేకపోతే, మధ్యవర్తులు, కోర్టులు వంటి వాటిని ఆశ్రయించాలి. వాటిద్వారా తగిన పరిష్కారం పొందాలి.