తండ్రీ - కుమార్తెల అనుబంధం!... ‘ ఫాదర్స్ డే ' ప్రత్యేకం....!

Relationship

oi-Nageswara

By B N Sharma

Published: Saturday, June 16, 2012, 14:04 [IST]

కొడుకుల సంబంధం కంటే కూడా తండ్రి - కుమార్తెల సంబంధం ఎంతో చూడముచ్చటగా వుంటుంది. వీరి అనుబంధం, ప్రేమానురాగాలు చూసిన తోబుట్టువు అన్నయ్య లేదా తమ్ముడు అయినా లేదా ఆమె తల్లి సైతం అసూయపడేలా వుంటుంది. తండ్రి కుమార్తెల మధ్య ప్రేమ ఒక ప్రత్యేకం. దానికి కారణం, ఆమె పుట్టినప్పటినుండి తాను చూస్తున్న ఒక హీరో తండ్రి కావటమే. తండ్రిలో ఆమె ఎప్పటికపుడు ఒక అభయ హస్తాన్ని చూసుకుంటుంది. అతని ప్రేమ ఒడిలో అనురాగం పంచుకుని ఆనందిస్తుంది. మరి చక్కనైన తండ్రి - కుమార్తెల సంబంధం కొరకు కొన్ని చిట్కాలు ఆచరించండి.

1. మొదటి నిబంధన స్నేహం - మీ కుమార్తెను ఒక ఫ్రెండ్ గా భావించండి. మీ ఆలోచనలు పంచుకోండి. ఆమె అభిప్రాయాలు అడగండి.

2. మీ కుమార్తెను మీకు సమానంగా చూడండి - ఆమెకు ఏమీ తెలియదు అనే భావన వదలండి. పిల్లలు నేటి రోజులలో ఎంతో తెలివైనవారుగా వుంటున్నారు. వారు ఏం చేస్తున్నారనేది వారికి బాగా తెలుసు.

3. మధ్య వర్తిగా ప్రవర్తించండి - మీ కుమార్తెకు, మీ భార్యకు మధ్య సమస్యలు ఉంటే, మీరొక మధ్యవర్తిగా వ్యవహరించండి ఒక పురుషుడు ఇద్దరు మహిళల మధ్య జోక్యం చేసుకుంటే, కొన్ని సమస్యలు తేలికగా పరిష్కరించబడతాయి.

4. ఆమెతో సంభాషించండి - మీ కుమార్తెతో వీలైనంత సమయం గడపండి. ఆమె చదువునుగురించి లేదా ఆమె షాపింగ్ గురించిన అంశాలు తెలుసుకుంటూ ఆమెతో చనువుగా సంభాషించండి. అపుడపుడు రెస్టరెంట్లలో ఆమెకిష్టమైన తిండితినిపించండి.

5. నమ్మండి - ఆమె టీన్స్ కు వచ్చిందంటే, అధిక రక్షణ కల్పిస్తారు. అలాకాక ఆమెను విశ్వసించండి. ఆమె కదలికలను అతిగా అనుమానించకండి.

6. స్వతంత్రంగా - మీ కుమార్తె చిన్నది కాదు. ఆమెకు సంబంధించిన కొన్ని నిర్ణయాలను ఆమె తీసుకోగలదు. కనుక ఆమె తప్పులనుండి ఆమెను నేర్చుకోనీయండి. ఆమె తప్పులు చేస్తుందని భయపడకండి. ప్రతిదానికి ఆమెకు బోధించకండి.

7. ఏ షరతులు లేని ప్రేమనివ్వండి - ఆమె మీ స్వంత కుమార్తె. ఆమెను ఏ షరతులు లేకుండా మీరు ప్రేమనందించాలి. మీ ప్రేమ ఆమెను తన జీవితంలో సరైన ఎంపికలు చేసుకునేలా చేస్తుంది.

8. ఆమె స్నేహితులను అంగీకరించండి - ఆమెకుగల సోషల్ సర్కిల్ మీరు ఆమోదించటం కష్టమైనప్పటికి పూర్తిగా కాకపోయినా, కొంతమేరకు భాధ్యతాయుతంగా మీరు ఆమె స్నేహితులను అంగీకరించాలి.

9. సహనంగా వుండండి - ఆమెలో హార్మోన్లు అధికంగా వుండి కోపతాపాలు, ఆవేశాలు వుంటాయి. కనుక ఆమె కొన్ని అంశాలలో ఆవేశంగా ఎంతో సంభాషిస్తుంది. మీరు సహనంగా వుండాలి. అపుడు ఆమె కూడా మీకు ఎదురు చెప్పకుండా తగ్గి వుంటుంది.

10. కలసి సమయం గడపండి - సమయం కలసి గడిపితే, అనుబంధం పెరుగుతుంది. ఆమెకిష్టమైన రీతిలో ఆమెతో మీరు సమయం గడిపి వ్యత్యాసం గమనించండి. మీ పట్ల వారు తప్పక ప్రేమానురాగాలు కలిగి వుంటారు. తండ్రి - కుమార్తెల బంధం గురించిన మరిన్ని చిట్కాలు మీకు తెలిసినట్లయితే వాటిని మాతో పంచుకోండి.