మాటలెక్కువ.....స్నేహం తక్కువ?

Relationship

oi-Nageswara

By B N Sharma

Published: Tuesday, June 26, 2012, 14:37 [IST]

స్నేహితులు జీవితంలో ఒక భాగం. వారితో మీరు ఉండి ఎంతో ఆనందిస్తారు. వారి మంచి చెడు రోజులను కలిసి ఆనందిస్తారు. అయితే, ఈ స్నేహితులలో ఇష్టపడేవి మరియు ద్వేషించే అంశాలు రెండూ ఉంటాయి. అవి వారి తీరు కావచ్చు లేదా అలవాట్లు వంటివి కావచ్చు. మీకు చికాకు కలిగించేవిగా వుంటాయి. ఎక్కువగా మాట్లాడే స్నేహితుడు అయితే మంచిదే. సమయం ఎలా గడిచిపోతుందే తెలియదు. కాని ఏదేని అర్జంట్ పనిలో లేదా చెడు మూడ్ లో వున్నపుడు వారు చెప్పే కధలు, మాటలు మీకు కోపం తెప్పిస్తాయి. అధికంగా మాట్లాడే స్నేహితులు మీకు కొన్ని సమయాలలో బాధాకరమే. వారి వాగుడు మీరు ఆపలేరు. కనుక అటువంటి వారితో ఎలా వ్యవహరించాలనేది చూడండి.

దూరం జరగండి - మీ స్నేహితుడు నాన్ స్టాప్ గా వాయించేస్తూంటే, మీ మొబైల్ సాకు చూపి లేదా టివీ లో వార్తల వంటివి చూపి పక్కకు తప్పుకోండి. అంత ఎనర్జీ కల మీ స్నేహితుడు మెల్లగా అర్ధం చేసుకొని మీరు వినే అంశాలే చెపుతూంటాడు.

వదిలించుకోండి - మీ ఫ్రెండ్ మీ వ్యతిరేక భావనలు పట్టించుకోకుండా తన సంభాషణతో కొనసాగిపోతున్నాడా? అతని సాంగత్యం వదిలేయటం మంచిది. వదిలేయటమంటే తాత్కాలికంగా తప్పించుకొని వెళ్ళిపొండి. మీరు కనుక నిలబడి వినటం మొదలు పెడితే, అతను మరింత మాట్లాడతాడు. కనుక జవాబివ్వకండి మార్పు క్రమేణా మీరే గమనిస్తారు.

నిలిపేయండి - కొన్ని సార్లు బాగా వాగుతూండే మీ స్నేహితుడి మాటలను మధ్యలో తుంచేయాల్సి కూడా వుంటుంది. మీరు మెత్తగా వింటూవుంటే అతని తప్పు అతను గ్రహించలేడు. నేరుగా తెలిపి ఆపించండి. లేదా మీ మరో స్నేహితుడిని మధ్యలో పెట్టి అడ్డుకట్ట వేయండి. అతనికి అతని వాగుడు ఏ రకంగా ఇబ్బందిపెడుతోందో తెలుపండి. మెల్లగా సున్నితంగా తెలుపండి. అతని స్నేహం పోకుండా కూడా వుంటుంది.

టాపిక్ మార్చండి - మీ స్నేహితుడు మరీ అనవసరమైన సోది, లేదా చెత్త మాట్లాడుతూంటే, మీరు టాపిక్ మార్చండి. మీ స్నేహితుడు వినే అంశాన్ని మీరు మాట్లాడటం మొదలుపెట్టండి. ఈ విధంగా అతని సంభాషణలకు బ్రేక్ వేయవచ్చు.

మీ పనిలో మీరుండండి - ల్యాప్ టాప్ చూస్తున్నారా? లేక మొబైల్ మాట్లాడుతున్నారా? లేక టి.వి. చూస్తున్నారా? మీ స్నేహితుడు మాట్లాడుతున్నపుడు మీరు ఏ పని చేస్తుంటే ఆ పనిలో నిమగ్నమైపోండి. అతని విషయం పట్టించుకోకండి. జవాబివ్వటం వంటివి చేస్తే మరింత కొనసాగిస్తాడు.

పైన తెలిపిన చిట్కాలు ఏవీ మీ వాగుడుకాయ స్నేహితుడినుండి మిమ్మల్ని తప్పించలేకపోతున్నాయా? చివరి మార్గంగా, మీ స్నేహితుడు మీ వద్దకు వచ్చేసరికి చెవులలో కాటన్ బడ్స్ పెట్టేయండి. మరో మార్గంగా అతనికి ఒక చాక్లెట్ ఇచ్చి దానిని తినమనండి. అతను స్వీట్ ఆరగిస్తూంటే, మీరు ప్రశాంతత భావించవచ్చు. ఎవరు ఎంత వాగుడు కాయలైనా, స్నేహితులు ప్రధానమే.