రొమాంటిక్ సినిమాలతో ప్రేమికులు దగ్గరవుతారా?

Relationship

oi-Nageswara

By B N Sharma

Published: Friday, June 8, 2012, 15:17 [IST]

ప్రేమ సినిమాలు చూస్తే చాలు, నేటి తరాలకు ఎవరినైనా సరే ప్రేమించి ఆనందిద్దామని వుంటుంది. సినిమాలు జంటలను నేడు అతిగా ప్రభావిస్తున్నాయి. చాలా మంది వీటి ప్రభావానికి లోనై ప్రేమ కధలు సాగించేస్తున్నారు. ప్రత్యేకించి మహిళలు సినిమాలంటే మరింత మక్కువ చూపుతారు. మీ పార్టనర్ తో కనుక ఒక రొమాంటిక్ సినిమా చూస్తే, మీ పార్టనర్ లో సినిమా చూసిన మార్పు తప్పనిసరిగా కనపడుతుంది. ఆ వచ్చే మార్పు తాత్కాలికమే అయినప్పటికి, చాలా విశేషమైనది. సినిమాలు మీ భాగస్వామిపై అధిక ప్రభావం చూపి అందులోని సంఘటనలను ఆచరించేలా చేస్తాయి. వాస్తవంగా చెప్పాలంటే, సినిమాలు చూసి ప్రేమించుకోవడం, అందులోని సంఘటనలనను ఆచరించటం చేసి విజయంపొందిన వారు వున్నారు. విఫలులైన జంటలు కూడా వున్నారు. మరి ఇంతగా ప్రభావం చూసే ఈ సినిమాలలోని అంశాలు ఎలా పని చేస్తాయో చూడండి.

రొమాంటిక్ సినిమాలు చూసినందువలన వచ్చే ప్రభావాలు -
ప్రేమ ఎప్పటికి ఒకటే - ప్రేమ పేరుతో సినిమాలు పుట్టినప్పటినుండి నేటి వరకు ఎన్నో సినిమాలు వచ్చాయి. అవన్నీ కూడా ప్రేమ అమరం అని అది ఎప్పటికి చనిపోదని, పెద్దలు అంగీకరించినా అంగీకరించకపోయినా వారు ఒకటై తీరుతారని తమ శపధాలు నెరవేర్చుకుంటారని, ప్రేమ వివాహాలు అనేకం విజయం పొదినప్పటికి, ఎన్నో విఫలం అయినప్పటికి తమ ప్రేమ ఫలిస్తుందని, జంటలు నమ్ముతారు. యువతులు, తాము చనిపోయేటంతవరకు తాము ప్రేమించిన యువకుడు తమ పక్కనే వుంటాడని కూడా భావిస్తారు.
తార తమ్యాలు - సినిమాలలో ప్రధానంగా చూపబడే మరో అంశం...ధనిక పేద తారతమ్యాలు ప్రేమికులకు లేవని, వయసు వంటి పరిమితులు కూడా వారికి వర్తించవని, ప్రేమకు హద్దులు లేవని భావిస్తారు.

ప్రేమలో మీ ఇష్టాలు కూడా పనిచేయవు - ప్రేమించుకునే వారి మధ్య ప్రేమ పుట్టిందంటే, ఎవరి ఇష్టం వారిదే. వారు వ్యతిరేక ఇష్టాలు కలిగివున్నప్పటికి, ప్రేమికులుగానే వుంటారు. ఈ అంశం అనేక సినిమాలలో చూస్తూనే వుంటాం. వీలైతే, ప్రేమ త్యాగాలు కూడా చేసి ప్రేమికులపై తమ ఇష్టాన్ని చూపే అంశాలు కూడా వుంటాయి.
ప్రేమ భాధ్యత గుర్తింపజేస్తుంది - అప్పటివరకు ఎంతో అల్లరి చిల్లరిగా వున్న యువకుడు లేదా యువతి సైతం ప్రేమలో పడిందంటే, తన తీరు మార్చుకుంటుంది. భావాలు మారతాయి. ఎంతో భాధ్యతగా ప్రవర్తిస్తారు. ప్రేమే వారికి లోకం అవుతుంది. అందుకోసం ఎన్నో త్యాగాలకు సిద్ధ పడతారు. ప్రేమలో పడి వివాహాలు చేసుకొని భాద్యతాయుతంగా కుటుంబాలు నడిపే వారు నేటికీ లేకపోలేదు.

ప్రేమించుకోవటమే ముగింపుకాదు - ప్రేమ వరకే ప్రేమికుల భాధ్యతలు తీరిపోవు. సమాజపరంగా వారు ఆమోదించబడాలి. యువతీ యువకుల కుటుంబ సభ్యుల ఆమోద ముద్రలు పడాలి. ఆ పైన వివాహాలు. వివాహం రెండు వివిధ కులాలు లేదా మతాల మధ్య జరిగితే, మరో మారు వారికి పుట్టే పిల్లలపై వాటి ప్రభావం బాగా వుంటుంది.కనుక ప్రేమికులు, తాము ప్రేమించే ముందరే గుర్తెరిగి భవిష్యత్తులో తమ భాధ్యతలు ఏమిటనేది కూడా నిర్ణయించుకోవాలి. కాని ప్రేమ గుడ్డిది అంటారు. యువతీ యువకులు తమ వయసులో ప్రేమకే ప్రాధాన్యం ఇస్తారు తప్ప, ఇతర అంశాలకు ఎటువంటి ప్రాధాన్యతలను ఇవ్వరు. తర్వాత వచ్చే ఫలితాలకు అనేక కష్టనష్టాలకు గురవుతారు.

ఈ రకంగా సినిమాలు చూపే అంశాలతో ప్రేమికులు ప్రభావించబడి వాటితో తమ వాస్తవ జీవితాలను సైతం పణంగా పెట్టి ఆనందిస్తున్నారు లేదా విఫలమవుతున్నారనే చెప్పాలి. సినిమాల ప్రభావం నేటి యువతపై అత్యధికంగా వుందనటంలో అతిశయోక్తి లేదు.