మీ పార్టనర్ మీతో సంబంధానికి భయపడుతున్నాడా?

Relationship

oi-Nageswara

By B N Sharma

Published: Tuesday, June 5, 2012, 14:50 [IST]

ఎంతో కాలంనుండి మీ మధ్య సంబంధం కొనసాగుతోంది. అతని, మీ శారీరక అవసరాలు తీరిపోతున్నాయి. కాని వచ్చిన సమస్యల్లా, ఇంటిలోని కుటుంబ సభ్యులు పెళ్ళి ఎపుడు? అంటూ వేధించేస్తున్నారు. అటువంటపుడు మీ పార్టనర్ ని పెళ్ళికి ఒప్పించటం తప్పని సరి. మరి ఎలా చెపితే ఒప్పుకుంటాడు. మీరు ఎన్నో మార్లు అతనిని ఒప్పించటానికి ప్రయత్నించారు. కాని అతనికి పెళ్ళి పేరు చెపితేనే ఎంతో భయం. పెళ్ళితో తన స్వేచ్ఛ పోతుందనుకుంటాడు. ఆనందాలకు రాజీ పడటమేనని భావిస్తాడు. జీవితాన్ని త్యాగం చేసేయటమేననుకుంటాడు. మరి ఇటువంటి వ్యక్తిని మీతో పెళ్ళికి ఒప్పించటానికి మీరేం చేయాలి? ఏం చేస్తే అతను మీ దోవకు వచ్చి పెళ్ళి ఖాయం చేసుకుంటాడు. అనే దానికి కొన్ని చిట్కాలు చూడండి.

పార్టనర్ పెళ్ళికి ఒప్పుకోకపోవటానికి కారణాలేంటి?! కారణాలు - కారణాలు చాలానే వుంటాయి. కాని వాటిలో కొన్ని ప్రధానమైనవి చూడండి.

వ్యక్తిగత స్వేచ్ఛ దెబ్బ తింటుంది - స్వేచ్ఛ కోరుకునే వారంతా పెళ్ళి అంటే ఇష్టపడరు. అది వారి వ్యక్తిగత స్వేచ్ఛకు భంగంగా భావిస్తారు. ఒక్కసారి పెళ్ళి అయి భాగస్వామికి కట్టుపడితే, ఇక జీవితం ముగిసిందనుకుంటారు. తమ ఇంటిలోకి మరో ప్రియుడు లేదా ప్రియురాలిని తెచ్చుకోవటానికి వీలులేదని భావిస్తారు. వివాహం అనేది చట్టబద్ధమైన లైసెన్స్ గాను అది వారి వ్యక్తిగత జీవితానికి ఆటంకంగాను భావిస్తారు.

ఆర్ధిక అంశాలలో భాగస్వామి - చాలామంది ప్రధానంగా పురుషులు తమ ఆర్ధిక లావాదేవీలను ఎవరికి తెలుపటానికి ఇష్టపడరు. పెళ్ళి అంటే, పార్టనర్ కి జీవితాంతం ఖర్చు పెట్టాలని భావిస్తారు. కాని ఇది సరికాదు. పురుషులు ఎంత స్వేచ్ఛ కోరతారో యువతులు కూడా అంతే స్వేచ్ఛ కోరతారు. తమ సొమ్ము ఇంటికి ఖర్చు పెట్టటానికి వెనుకాడరు.

ఎప్పటికి ఒకరే - అందరితోనూ తిరగాలనుకునే వారు ఒక పార్టనర్ కి కట్టుబడి వుండటానికి ఇష్టపడరు.

మరి వీరితో ఎలా వ్యవహరించాలి?
మరొకరిని కనుగొనండి - మిమ్మల్ని వాస్తవంగా ప్రేమించే వారిని కనుగొనండి. మీ పట్ల పట్టించుకోని వ్యక్తిని వదలివేయండి.

మీ పార్టనర్ తో సంభాషించండి - మీ పార్టనర్ తో పూర్తిగా చర్చించండి. మీ రిరువురూ పరిష్కరించుకోండి. వినండి, ఒకరి భావాలు మరొకరు అర్ధం చేసుకోండి. కూల్ గా సంభాషించుకుంటే అనేక సమస్యలు పరిష్కరించబడతాయి.

ఆనంద క్షణాలు ఆలోచించండి. - గతంలో కుటుంబ సభ్యులు, స్నేహితులతో కలసి ఆనందించిన క్షణాలు గుర్తు తెచ్చుకోండి. అవి మీకు మైండ్ సరిచేసి పరిష్కారం చూపుతాయి. మీరు మంచిగా భావిస్తే, పార్టనర్ తోకూడా మంచిగా సంభాషిస్తారు.