వివాహ జీవితానికి నిబంధనలు ముందుగానే పెట్టండి?

Relationship

oi-Nageswara

By B N Sharma

Published: Friday, June 22, 2012, 9:39 [IST]

వివాహం అనేది ఒక కట్టుబాటు. ప్రతి దీర్ఘకాల జీవిత సంబంధానికి కొన్ని ఎక్కడా వ్రాయని నిబంధనలు వుంటాయి. సాధారణంగా ఇతర సంబంధాలలోని నిబంధనలన్ని అర్ధం చేసుకున్నప్పటికి, వివాహ నిబంధనలు ముందుగానే వివరించుకోవాలి. తర్వాత ఏ రకమైన సందేహాలు రావు. వివాహంలో అనేక దశలుంటాయి. మొదటి సంవత్సరం ఎంతో రొమాంటిక్. వివాహ జీవితం తాజాగా వుండి పచ్చి మట్టివలే ఏ రూపం కావాలనుకుంటే ఆ రూపం తీసుకుంటుంది. మరి ఈ వివాహ మొదటి దశలోనే నిబంధనలు ఏర్పరచుకోండి.

వివాహానికి పవిత్రమైన నిబంధనలు
1. ఎంత లేటైనా సరే రాత్రయ్యే సరికి ఇంటికి రావాలి. చాలామంది పురుషులు వారి రాత్రులు ఇంటిబయట గడుపుతారు. అది వారి స్నేహితుల ఇల్లు కావచ్చు లేదా రాత్రంతా ప్రయాణం చేయనూ వచ్చు. వీరు తమ రాత్రి సమయాన్ని తిరగటంలో గడిపేస్తారు. ఇటువంటివారికి మీరు ఇక ఈ రాత్రి తిరుగుళ్ళు మానేయమని తెలుపాలి.

2. పీకలదాగా తాగి ఇంటికి రావద్దు. స్నేహితులతో కలసి బాగా తాగేయటం ఒక తప్పు, తాగి రాత్రివేళ ఇంటికి రావటం మరో తప్పు. మీ ఇంటి పవిత్రత మీ చేతుల్లో వుంది. మీ వివాహ జీవితం కొంత మర్యాద కలిగి వుండాలి గాని అతను తాగి మీ వాకిట నిలబడటం కాదు.

3. మీ స్నేహితులు ఇంటికి రావచ్చు. కాని అన్ని వేళలా కాదు. మీ బాచిలర్ జీవితంలో రాత్రయినా, పగలైనా స్నేహితులను ఇంటికి పిలిపించుకుంటాం లేదా తీసుకు వస్తాం. ఇక వివాహం అయిన తర్వాత మీ స్నేహితులు ముందస్తు సమాచారంతో ఇంటికి రావాలి. అంతేకాదు, మీరు ఇంటివద్ద లేనపుడు రాకూడదు. ఆమెకు ఎంతో అసౌకర్యంగా వుంటుంది.

4. ఇవి నా ప్రతిరోజూ పనులు. అవినీవి. నేటి రోజులలో భార్య, భర్త ఇద్దరూ ఉద్యోగులే. కనుక ఇంటిపని పంచుకోవాలి. మొదటి సంవత్సరంలో ఎంతో ప్రేమ వుండి అన్ని పనులు మీరే చేయవచ్చు. కాని, తర్వాతి దశలో అది మీకు చికాకు కలిగిస్తుంది. కనుక ముందుగానే ఒక నిబంధన మేరకు ఇద్దరూ ఇంటిపని పంచుకోవాలి. లేదంటే ఒకరే పని అంతా చేసి ప్రతిరోజూ గొణగటంగా వుంటుంది.

5. ఇంటిలో ఎక్కడైనా మురికి చేసినా లేదా చెత్త వంటివి వేసినా, మీకై మీరే శుభ్రం చేయాలి. ఎవరి మురికి వారికి బాగానే వుంటుంది గానీ, మరొకరి చెత్త మురికి, ఛండాలం వంటివి వేరొకరు చేయలేరు. కనుక ఈ నిబంధన తప్పక వుండాలి.

6. మనలో ఒక్కొక్కరం ఎంత ఖర్చు పెడుతున్నాం? కొత్తగా పెళ్ళి అయినపుడు, సొమ్ముకు చివరి ప్రాధాన్యతనిస్తాం. కాని, కష్టాలన్నీ తర్వాతి రోజులలో సొమ్ము దగ్గరే వస్తాయని గుర్తించండి. ఖర్చు చేయటం ముందే నిర్ణయించాలని తెలుపండి. మీరు ఇంటి ఇల్లాలయితే, పాకెట్ మనీ ఇవ్వాలని ముందుగానే తెలుపండి.

ఈ నిబంధనలు మరియు ఇతర వివాహ నిబంధనలు పెళ్ళికి ముందే పెట్టేసుకుంటే, మీ వివాహ జీవితం సాఫీగా సాగిపోతుంది. మరి ఏ ఇతర నిబంధనలు మీకు పెట్టాలనిపించినా? వాటిని మాతో పంచుకోండి.