ఆనంద పరచే తండ్రి....కుమార్తెల అనుబంధం!

Relationship

oi-Nageswara

By B N Sharma

Published: Friday, June 15, 2012, 13:58 [IST]

సాధారణంగా మన ఇండ్లలో తండ్రి, కుమార్తెలు ఒక విభిన్నమైన అనురాగ సంబంధాన్ని కలిగి వుంటారనేది వింటూ వుంటాం. కుమారుడు తల్లికి దగ్గరగా వుంటాడని, తల్లికి కుమారుడికి అనుబంధం అధికమని, కుమార్తెలకు తండ్రులంటే ఇష్టంగా వుంటుందనేది కూడా చెపుతూంటారు. తండ్రులు, కుమార్తెలు ఈ రకమైన బలమైన అనురాగాన్ని ఎందుకు కలిగి వుంటారు? తల్లులతో పోలిస్తే తండ్రులు వారిపై అరుపులు, కేకలు పెట్టకుండా మౌనంగా వుంటారని కాబోలు. లేదా డ్యాడీ ఆమె కోర్కెలన్నీ తీర్చి సంతోషంగా వుంచుతాడని అయినా కావచ్చు. కారణం ఏదైనప్పటికి, వాస్తవం ఒకటే. తండ్రులకు తమ కుమార్తెలతో తీరని అనుబంధం వుంటుంది. ఈ నెల అంటే జూన్ నెలలో వచ్చే మూడవ ఆదివారం, ప్రపంచ వ్యాప్తంగా ‘ ఫాదర్స్ డే ' అనే పేరుతో ఆచరించబడుతోంది. మరి మీరు మీ తండ్రితో మీ అనురాగాన్ని, సంబంధాన్ని మరింత బలపరచుకొని అతను ఆ రోజు ఒక ప్రత్యేకంగా భావించేలా చేయండి.

శ్రద్ధగా వినండి - మీరు ఇంకా మీ తండ్రితోనే వుండి గారాలు పోతూ ఒక కప్పు కాఫీ లేదా టీ వంటివి తాగేస్తున్నారు. సడన్ గా మీ డ్యాడీ సొమ్ము పొదుపు, ఉద్యోగాలు, మొదలైన వాటిపై తన ఉపన్యాసం మొదటెట్టాడు. మంచి విషయాలు వినటం కష్టమే. బోర్ కొట్టేస్తాయి. కాని ఆ మంచి సంగతులు వినటం ద్వారా మీ తండ్రి మీకు ఒక ప్రత్యేకం అనేలా వినండి. అవి ఎంత బోర్ కొట్టేసినా సరే. అతను అసందర్భమైనవి ఏవీ సంభాషించడు. రాబోయే కాలంగురించి తెలుసుకోమంటాడు. ఆయ తెలియజెప్పే లెక్చర్లు మీరు స్వతంత్రంగా వ్యవహరించేందుకు తోడ్పడతాయి. కనుక మీ డ్యాడీతో కూర్చున్నపుడు ఆయన తెలియజేసే విషయాలు శ్రద్ధగా వినండి.

సమయం గడపండి - మీ తండ్రితో కొంత సమయం గడపండి. మీకు ఎన్నో కొత్త విషయాలు తెలుస్తాయి. అసలు మీ డ్యాడీ గొప్పతనం ఏమిటో కూడా మీకు తెలుస్తుంది. ఎంతో సమయం గడిపితేగానీ కొన్ని దాచివుంచిన రహస్యాలు తెలియవు. ఆయనతో కలసి కాఫీ లేదా ఐస్ క్రీమ్ తినేందుకు వెళ్ళి సమయం గడపండి. అది ఒక రొటీన్ గా వారానికొ ఒక రోజుగా అలవాటు చేసుకోండి. ఈ రకంగా మీ తండ్రితో సమయాన్ని గడిపి తండ్రి కుమార్తెల బంధాన్ని బలపరచుకోండి.

కలసి షాపింగ్ - కొంచెం వింతగా వుండే ఆలోచనే. ఎందుకంటే అభిరుచులలో తేడాలుంటాయి. ఆయన వుండగా మీరు కొన్ని కొనలేరు. అయినప్పటికి మీరు ఆయనను షాపింగ్ సమయంలో ఆహ్వానిస్తే, మీరు అతనిని ఎంతో ప్రధానంగా భావించినట్లు అనుకుంటాడు. ఆనందిస్తాడు.

పర్సనల్ ట్రిప్ - తండ్రి కూడా బిడ్డలతో మాట్లాడేటపుడు ఆడపిల్లతో మాట్లాడినట్లుగా వుండరాదు. ఆడపిల్లలు తమకు ప్రాధాన్యత కోరుకుంటారు. సాధారణంగా వీరు అతిగా మాట్లాడతారు. చొరవ కోరుకుంటారు. కనుక మీ కుమార్తె స్కూల్ కు రెడీ అవటంలో, అమెకవసరమైన వస్తువులు కొనుగోలు చేయటంలో ఆధునికత ప్రదర్శించి ఆమె ....అవును మా డ్యాడీ గొప్పే....అనేలా చేసుకోవాలి. తండ్రీ కుమార్తెల అనుబంధమే అంశంగా మీకు తెలిసిన మరిన్ని అంశాలు మాతో పంచుకోండి.