మహిళలు క్రీడలను ఎందుకు ద్వేషిస్తారు?

Relationship

oi-Nageswara

By B N Sharma

Published: Monday, June 25, 2012, 15:11 [IST]

ప్రపంచంలో ఎందరో మహిళా క్రీడాకారులున్నారు. వారు ఎన్నో ప్రపంచ రికార్డులను సైతం నెలకొల్పారు. కాని చాలామంది మహిలలకు క్రీడలంటే అసలు ఇష్టం ఉండదు. దానికి కారణం క్రీడలు పురాతనంగా పురుషులమధ్యే చోటు చేసుకున్నాయి. నేడు, టివి, ఛానెళ్ళు వంటి వాటిలో వచ్చే ప్రకటనలు క్రీడలను చూడాలంటే, పురుషులు మహిళలను అభ్యర్ధించే లేదా వారి అనుమతి కోరే విధంగా వుంటున్నాయి. నేడు టి.వి.లలో వస్తున్న క్రికెట్ మాచ్ లు సైతం చూడాలంటే, ఇంటి ఇల్లాలు అనుమతితో పెట్టుకోవలసిందే. ఆమె సీరియల్ కధలకు ఏ మాత్రం భంగం కలిగినా ఆమె అంగీకరించేది లేదు. అందుకే కొద్దిపాటిగా స్కోర్ చూస్తాను డార్లింగ్ అనటం, రిమోట్ కంట్రోల్ ఆమె చేతినుండి లాగేయటం చేస్తూంటారు పురుషులు. మహిళలు పూర్తిగా క్రీడా ద్వేషులు అనేందుకు లేదు. కాని కొంతవరకు క్రీడలంటే ద్వేషం చూపుతారు. అది ఎందుకు? వారికి తమ పురుషులనుండి ఏం కావాలి? మహిళలు కనుక తమ జీవితాలనుండి పూర్తిగా క్రీడలను తొలగించాలనుకుంటే, దానికి కారణాలేమిటనేది మనం తెలుసుకోవాలి?

1. మొదటగా క్రీడలను పురుషులు ప్రేమిస్తారు కనుక స్త్రీలు వాటిని ద్వేషిస్తారు. ఇద్దరి మధ్యా వైరం లేకుంటే జీవితమే బోర్. పురుషులు దేనిని ఇష్టపడినప్పటికి, స్త్రీలు దానికి వ్యతిరేకమే. ఇది వారిలోని సహజగుణంగా భావించాలి.

2. మహిళలకు పురుషులనుండి తమపై పూర్తి ఏకాగ్రత కావాలి. మేచ్ లు లేదా క్రీడలను ప్రేమించే పురుషుడిని మహిళ భరించలేదు. కొద్ది గంటలు పురుషుడు ఏ క్రికెట్ ఆట చూడటంలో ముణిగినా మహిళ ఎంతో ఇబ్బందిపడుతుంది. పురుషుల జీవితంలో క్రీడలకు గల స్ధానం మహిళకు అవగాహన కాదు.

3. మహిళలకు షాపింగ్ చేయటమంటే ఎంతో ఇష్టం. కాని పురుషులు షాపింగ్ ద్వేషిస్తారు. ఈ కారణంగా కూడా తమ షాపింగ్ ను పురుషులు ద్వేషిస్తారంటూ, మహిళలు పురుషుల క్రీడలను ద్వేషిస్తారు. అర్ధ రాత్రి వరకు టి.వి.లలో ప్రసారమయ్యే డే అండ్ నైట్ మ్యాచెస్ వంటివి వారిపట్ల పురుషులకు శ్రధ్ధ తగ్గేలా చేస్తాయని వారు భావిస్తారు.

4. పురుషులు క్రీడలను చూసేటపుడు ఇంటిలో మరొకరు ఉన్నారన్న భావనే వారికి ఉండదు. నగరంలో బాంబు పేలినప్పటికి వారికి పట్టదు. వేరే ఛానెల్ లో మంచి సినిమా వస్తున్నా వారికి పట్టదు. రిమోట్ కంట్రోల్ వారి చేతులలో వున్నంతవరకు చూస్తూనే వుంటారు. కాని మహిళలకు క్రీడలకంటే కూడా వేరే ఛానెళ్ళలో వచ్చే ప్రోగ్రాములు చూడాలనిపిస్తుంది.

5. క్రీడలనేవి పురుషులకు సంబంధించినవి. ఈ వివరణ మహిళలకు చిన్నతనం నుండి వారి తల్లులు, అత్తలు, స్నేహితులు చెపుతూంటారు. ఈ రకమైన సామాజిక నమ్మకం కూడా వారిని వారికి పుట్టబోయే వారిని క్రీడలంటే ద్వేషించేవారిగా తయారు చేస్తుంది.అది వారి రంగం కాదంటూ వారు అంగీకారం చూపరు.పురుషులు చూస్తున్నా సహించలేరు. అలాగని అందరు మహిళలు క్రీడల పట్ల ద్వేషం వహిస్తారని కూడా చెప్పరాదు. వాటిని ప్రేమించేవారు సైతం కొద్దిమందిగా లేకపోలేదు.

క్రీడలనేవి మహిళకు సరి అయిన అవగాహన లేనివి. మీ భార్య లేదా గాళ్ ఫ్రెండ్ లేదా సోదరి కనుక క్రీడలను ద్వేషిస్తూ వుంటే, ఆమెకు ఆ ఆట నిబంధనలు వివరించి ఆసక్తి కలిగించండి.ఒకసారి అవగాహన వస్తే చాలు వారిలో ఆసక్తి పెల్లుబుకుతుంది.