ఆ పనికి పనికిరాని అయిదుగురు పిచ్చోళ్ళు?

By B N Sharma

Published: Thursday, July 12, 2012, 14:11 [IST]

టీనేజ్ పొంగి పొర్లుతోంది. యవ్వనంతో మిస మిసలాడుతున్నారు. ఇక డేటింగ్ చేస్తేగాని పరిస్ధితి అదుపులో ఉండేలా లేదు. ట్రిమ్ గా తయారైపోయారు. అద్భుతంగా ఆనందించేయాలంటూ అబ్బాయిని వెతుక్కున్నారు. కాని....అతనో పిచ్చి వ్యవహారం... నేటిరోజులలో బయటకు కనపడే ఫ్యాషన్ లను బట్టి ఎవరు ఏ టైపో తెలుసుకోవడం కష్టంగా ఉంటోంది. అతను సోషల్ నెట్ వర్కింగ్ వెబ్ సైట్ లో దొరికినా, ఆన్ లైన్ డేటింగ్ లో దొరికినా, లేక ఫ్రెండ్స్ సర్కిల్ లో దొరికినా, చివరకు సరైన భాగస్వామి లేదా జంట వ్యక్తి దొరకటం కష్టమైపోతోంది. మరి ఈ పిచ్చ ప్రేమికులతో వచ్చే సమస్యలు చూద్దాం....

ఆధ్యాత్మిక పిచ్చి - నేటి రోజులలో ఆధ్యాత్మికం అనేది కమ్మర్షియల్ అయిపోయింది. కుర్రాళ్ళకు ఏ మాత్రం చికాకుగా వున్నా, దగ్గరలో ఉండే ఒక ఆధ్యాత్మిక గురువు వద్దకు పోవడం పొద్దస్తమానం కూర్చోటం చేసేస్తున్నారు. మరి ఈ రకమైన ఆధ్యాత్మిక పిచ్చోడితో డేటింగ్ మొదలెడితే, సినిమా ధియేటర్ కి బదులు, స్వామిజీ ప్రసంగాలే మీకు గతి. కనుక అబ్బా ఎంత ప్రశాంతంగా ఉంది? నేను విశ్వ ప్రేమికుడిని అని చెప్పే ప్రసంగాలవారితో జాగ్రత్తగా ఉండండి.

నియంత్రణ పిచ్చి - ఈ రకం వ్యక్తులను ముందుగా కనిపెట్టలేము. ఒకటి లేదా రెండు కలయికలకు కాని వీరు బయటపడరు. అయితే, ఒక వారం రోజుల్లో వారి విషయం తెలిసిపోతుంది. వీరు మీరు వేసే దుస్తుల రంగు కూడా వారికి నచ్చినదిగానే ఉండాలంటారు. మీకు ఆఫీస్ కి ఇంటికి కూడా టాక్సీ ఏర్పాటు చేస్తారు. మిమ్మల్ని బయటకు అడుగుపెట్టనివ్వరు. కనుక మీరు స్వేచ్ఛగా ఉండాలంటే, డేటింగ్ లో వీరిని వదిలేయండి.

రొమాంటిక్ పిచ్చ - కొంతమంది ఎపుడు చూసినా రొమాన్స్ చేయాలంటారు. రొమాన్స్ అధికం అయితే, ఆరోగ్యానికి హాని. అంతేకాదు, బోర్ కొట్టి సిక్ అయిపోతారు. కనుక ప్రియా నీ ముఖం చంద్రబింబంలా ఉందనే వారికి నా గుండె నీ కాళ్ళముందదుంచుతాను అనే వారికి దూరంగా ఉండండి.

ఫిట్ నెస్ పిచ్చి - ఈ మధ్య డేటింగ్ మార్కెట్లలో వీరి తాకిడి అధికంగా ఉంది. వీరికి ఆరోగ్య జీవన విధానాల పిచ్చి. దానిని పాటించని వారికి వీరు సంస్కర్తలుగా తయారవుతారు. మీరు డేటింగ్ కని వెళితే మిమ్మల్ని కూడా జిమ్ లో చేర్పిస్తారు. బర్గర్ లేదా పిజ్జా ఆర్డర్ చేస్తే, ముఖం అదోలా పెట్టేస్తారు. కనుక వీరితో మీరు ఆనందించలేరు కనుక డేటింగ్ చేయకండి.

వెల్ఫేర్ పిచ్చి - వీరెంత సేపూ సంఘ సేవ అంటూ తిరుగుతారు. ఒక పక్క మీరు ఆనందంగా డేటింగ్ చేస్తానంటే, ఆకలితో వున్న పిల్లలకు సేవ చేయాలంటారు. ఎపుడూ ఏదో ఒక సంక్షోభంలో వీరు కొట్టుమిట్టాడుతూంటారు. మీ జీవితంలో ఏ ఆనందం మిగలదు. కనుక వీరు డేటింగ్ కు పనికి రారు.

కనుక, పై లక్షణాలు లేని యువకులను డేటింగ్ చేసి మీ వయసుకు మీరు ఆనందించండి. అతనిని ఆనందింపచేయండి.