పెళ్ళికి మీది ఇంకా చిన్న వయసేనా?

Relationship

oi-Nageswara

By B N Sharma

Published: Tuesday, July 3, 2012, 14:35 [IST]

పెళ్ళికి ముందు మనలో చాలామంది అనేక ప్రశ్నలు వేసుకుంటారు. ఉదాహరణకు, నాకు దొరికే పార్టనర్ సరైన వాడేనా? వివాహానికిపనికి వచ్చే వాడేనా? అతనితో వివాహం చేసుకొని నేను సుఖపడగలనా? నా తల్లితండ్రులు అందుకు అంగీకరిస్తారా? కాని మనం అసలైన ప్రశ్న ఒకటి మరచిపోతాం. వివాహానికి అసలు నాకు వయసు వచ్చిందా? అనేది. వయసు ప్రతి ఒక్కరికి వ్యక్తిగతమైన అంశం. కొన్ని కులాలలో కొన్ని వయసులలో వివాహం అవుతూ వుంటుంది. మీకు కనుక 30 సంవత్సరాల వయసులో అయినప్పటికి అది కొన్ని కులాలలో త్వరిత వివాహంగాను మరి కొన్ని కులాలలో ఆలస్య వివాహంగాను ఉంటుంది. మరికొంతమంది ఇరవైలు జరుగకుండానే పెళ్ళి చేసుకుంటారు.

కనుక, ఇతరులు పెట్టే ప్రమాణాలను మీరు అంగీకరించకండి. మీరు వివాహానికి చిన్నవారా? కాదా అనేది మీరే నిర్ధారించుకోవాలి. చిన్న జంటలు దిగువ ప్రశ్నలకు జవాబివ్వగలిగితే, త్వరిత వివాహానికి దారితీసే వారి నిర్ణయాలు తొందరపాటుగా వుండవు.

1. మీ బాచిలర్ జీవితం అయిపోయిందా?
మొదటగా, ఈ ప్రశ్న పురుషులకు స్త్రీలకు వర్తిస్తుంది. ఈప్రశ్నకు మీ వాస్తవ వయసుకు అసలు సంబంధం లేదు. మీరు వాస్తవంలో బాచిలర్ రోజులు గడిపారా? అనేది అంశంగా ఉంటుంది. మీరు 40లలో వుండి ఇంకా బాచిలర్ ధోరణిలోనే కూడా వుండవచ్చు. ఇంకా క్లబ్బులు, పేకాటలు, తిరుగుతూండవచ్చు. కనుక అది వ్యక్తిగత ఛాయిస్ కాగలదు.

2. ఒక వ్యక్తిగా మారుతున్నారా?
మనలో చాలామంది కాలేజ్ లో ఎలా వుంటామో అలానే వుంటారు. కాని పెరిగి పెద్దవారమయ్యామంటే వ్యక్తిత్వం మారాలి. చిన్న జంటలు పెళ్ళాడితే, భవిష్యత్తులో వచ్చే మార్పులు గ్రహించరు. జీవితమంతా 20ల వలెనే ఉండదు. మీరు ఎలా మారతారనేది ఎవరికి తెలియదు. కనుక మీకు మీరే నిర్ణయించుకోవాలి.

3. మీకు ఇంకా మీ మమ్మీ అవసరమా?
మీరు కనుక ఇంకా మమ్మీ అంటూ మీ అవసరాలకు ఆమెపై ఆధారపడుతున్నారంటే, మీరు పెళ్ళికి ఇంకా చిన్నవారుగానే వున్నారు. వాస్తవ జీవితంలో మీ వయసు ఎంత అయినప్పటికి మానసికంగా, శారీరకంగా మీరు స్వతంత్రులు కాదు. మీరు కనుక మీ తల్లిపై నేటికి తినటంలో, తాగటంలో, శుభ్రతలో, లేదా పడక సరిచేసుకోవడంలో ఆధారపడుతున్నారంటే, ఆ సేవలన్ని మీ భాగస్వామినుండి ఆశించలేరు.

4. వివాహం ఒక ముగింపు అనుకుంటున్నారా?
మీరు కనుక వివాహం అనేది ఇక అన్ని మంచిపనులకు ఒక ముగింపు అని భావిస్తూంటే, మీరు వివాహానికి ఇంకా పరిపక్వం కానట్లే. వివాహం అనేది ఒక పరిపక్వతగల సంబంధం. దీనికి ఎంతో పరిపక్వత కలిగి దానిని మీరు భవిష్యత్తు అంతా నిలుపుకోగలగాలి.

5. పెళ్ళిని పెళ్ళిగా కాకుండా ఒక వైవాహిక సంబంధంగా చూడాలి. మీరు కనుక పెళ్ళితో వచ్చే ప్రయోజనాలు మాత్రమే పరిశీలించి వాటి కొరకే వివాహం చేసుకునేట్లయితే, మీరు ఇంకా వివాహానికి సిద్ధంగా లేరనే చెప్పాలి. పెళ్ళి హంగామా దాని ప్రయోజనాలే కాదు, మీకు ఇక జీవితాంతం సంబంధాలు వుంటాయని గ్రహించాలి. మరి వాటికి మీరు సిద్ధంగా వున్నారా?