మహిళను ఆకర్షించాలంటే...ముఖంపై గాటు...!

By B N Sharma

Published: Monday, July 16, 2012, 16:47 [IST]

మహిళలు కాని, పురుషులు కాని కొంతమంది చూడంగానే ఆకర్షించబడతారు. అందం వారికి సహజంగా వచ్చినదే అయినప్పటికి, వారు ఆచరించే కొన్ని కదలికలు, రూప లావణ్యాలు, అలవాట్లు, సంభాషణలు వంటివాటి ద్వారా కూడా సాధారణంగా స్త్రీ పురుషుల సంబంధాలు వారి, వారికి గల ఆకర్షణలపై వుంటాయి. మరి మీ రూపం భాగస్వామికి ఆకర్షణీయంగా కనపడాలంటే, మీరు కొన్ని చర్యలు చేపట్టాలి. ఈ చర్యలను ఒక వెబ్ సైట్ తన సర్వేలో కనుగొని వెల్లడించింది. అవేమిటో పరిశీలించండి.

తల లేదా మెడ విరుపు - మీరు పెట్టే తల యాంగిల్ మీ ఆకర్షణను చెపుతుందంటున్నారు వెబ్ సైట్ నిర్వాహకులు. మహిళ తన తలను వెనక్కి విరిస్తే, ఆమెలో మహిళాతనం తక్కువని తక్కువ ఆకర్షణ కలిగి వుంటుందని, తన గడ్డం క్రిందకు వంచితే మహిళాతనం అధికమని, రతి బాగా చేయగలదని చెపుతున్నారు. అయితే ఈ భంగిమలు పురుషులకు పూర్తిగా వ్యతిరేక ప్రభావం తెలుపుతాయని కనుగొన్నారు. తల కనుక ముందుకు వంచితే, మగతనం తక్కువట. ఆకర్షణ కూడా తక్కువేనట. కనుక మహిళలు తల ముందుకు వంచితే, పురుషులు దానిని వెనక్కు వంచాలి. అపుడే మహిళలో మాధుర్యం, పురుషుడిలో పురుషత్వం వెల్లడవుతూంటాయి.

చిరునవ్వు - మీ ముఖానికి మరో ఆకర్షణ, మీ చిరునవ్వు. చాలామంది చిరునవ్వును అద్దంలో చూసి మరీ సాధన చేస్తారు. ఈ చిరునవ్వు మీ ప్రేయసికి ఆకర్షణగా వుండాలి. ఫొటోలకొరకు నవ్వుతాము. ఎవరినైనా కలిసినపుడు నవ్వుతాము. ఈ రకంగా మీలోని ఆకర్షణను బయటపెట్టుకోవచ్చు. ఇక ఎపుడూ నవ్వుతూండే పురుషులైతే, నవ్వుని ఆపండి. మహిళలకైతే మంచి పలువరస అందాన్నిస్తుంది. మహిళలైనా, పురుషులైనా, చిరునవ్వు వరకు పరవాలేదు. అది వారి ముఖానికి ఎంతో ఆకర్షణీయంగా ఉంటుంది.

రింగ్ ఫింగర్ - జెనీవా యూనివర్శిటీ రీసెర్చర్ల పరిశోధన మేరకు మన రింగ్ ఫింగర్ మన ముఖ ఆకర్షణను తెలియజెపుతుందట. రింగ్ ఫింగర్ కనుక బాగా పొడవుగా వుంటే మీలో టెస్టోస్టిరోన్ అధికంగా వున్నట్లు తేలింది. రింగ్ ఫింగర్ పొడవుగా వున్న పురుషుల్లో ఆకర్షణీయముఖం కూడా వుంటుందని తెలుస్తోంది.

ముఖంపై గాటు - సాధారణంగా మహిళలు, ముఖంపై పెద్ద గాటు వున్న పురుషులకు ఆకర్షించబడతారట. ఆ రకంగా వున్న ముఖం బాగా ఆకర్షణీయం అని సర్వే చెపుతోంది. దానికి కారణం అతనిలో ధైర్య సాహసాలు బాగా వుంటాయని మహిళను, పిల్లలను ఎట్టి పరిస్ధితులలోనైనా సరే ఇటువంటి పురుషుడు బాగా రక్షిస్తాడని వారు భావిస్తారని వెబ్ సైట్ తెలిపింది.