‘మామ్....వంట భలే రుచిగా చేశావ్’!

By B N Sharma

Published: Monday, July 30, 2012, 10:09 [IST]

ప్రతి బిడ్డ కూడా తాను తన తల్లి తండ్రులకు మంచి బిడ్డగా ఉండాలని భావిస్తాడు. అందుకుగాను వారు ఎంతో శ్రమిస్తారు. ప్రత్యేకించి తోడబుట్టినవారుంటే వారికంటే కూడా తానే తన తల్లితండ్రులనుండి అధిక ప్రశంసలు పొందాలని చూస్తారు. మీ తల్లితండ్రులు కనుక మిమ్మల్ని మెచ్చుకుంటే, మీ జీవితం కూడా ఆనదమయమవుతుంది. మరి తరచుగా విందులు, వినోదాలుకు అనుమతి, ఎపుడైనా స్నేహితులతో కలసి మందు పార్టీ లాంటివి మరెన్నో ప్రయోజనాలు కూడా వారివలన మీకుంటాయి. కనుక మీ తల్లితండ్రులను ఎలా మెప్పించాలి లేదా కనీసం మెప్పించేందుకు ఎలా నటించాలి? అనేదానికి కొన్ని చిట్కాలు పరిశీలించండి.

అమాయకం - మంచి బాలుడుగా వారిముందు ప్రవర్తించండి. లేదంటే కనీసం అమాయకపు ముఖాన్ని పెట్టుకు తిరగండి. మీ వయసుకు తగిన ఆలోచన రాలేదన్నట్లుండండి. ఇక వారు ప్రపంచం తమ పిల్లాడిని ఏమీ చేయలేదని వాడు చాలా అమాయకుడని భావిస్తూంటారు. అంతేకాదు, ఇతర పిల్లలకంటే మీరు ఎంతో మెరుగని భావిస్తారు.

చిన్న చిన్న పనులు - మీ తల్లి తండ్రులకు మీరు పెద్దగా ఉపయోగపడకపోవచ్చు. కాని మీరు చేయగలిగిన చిన్న చిన్న పనులు చేయండి. ఉదాహరణకు మీ డ్యాడీ షర్టు లేదా టై వంటివి అతను ఆఫీస్ కు వెళ్ళే సమయంలో చేదికి అందించటం లేదా మీ తల్లికి ఆహారం తయారీ లేదా డైనింగ్ ఏర్పాటు వంటి వాటిలో సహాయ పడటం చేయండి. ఈ విధంగా మీరు మీ తల్లితండ్రులకు మీరంటే మెచ్చుకునేలా చేయవచ్చు.

క్రమశిక్షణ - ప్రతి తల్లి, తండ్రి కూడా తమ పిల్లాడు అందరికంటే బెస్ట్ గా ఉండాలని కలలు కంటారు. దీనికి ముందుగా కావలసింది క్రమశిక్షణ. ఈ వయసులో చాలామంది దీనికి విరుద్ధంగా ప్రవర్తిస్తారు. తల్లితండ్రులు పెట్టే ఆంక్షలు వారికి నచ్చవు. మరి మీరో మంచి బాలుడు అని మీ తల్లితండ్రులు భావించాలంటే, తినటం, నిద్రించటం, స్టడీ చేయటం వంటివి సరైన సమయానికి ఆచరించండి.

చదువులు - చదువులలో బాగా రాణించండి. మీ తల్లి తండ్రులు మిమ్మల్ని ఎంతో మెచ్చుకుంటారు. మ్యూజిక్, క్రీడలు, లేదా మీ తల్లితండ్రులకు ఆసక్తి కల ఇతర రంగాలలో మీరు శ్రమించండి. దీనితో వారు మా పిల్లవాడు అన్నింటా బెస్ట్ అని భావిస్తారు. ఇక మీ జీవితం అంతే చాలా స్వేచ్ఛగా, హాయిగా ఉంటుంది.

పొగడండి - వయసు ఏదైనప్పటికి ప్రతి వ్యక్తికి పొగడ్త కావాలి. ఇది ఒక మానవ బలహీనత. మరి మీ తల్లితండ్రులు అందుకు మినహాయింపు ఏమీ కాదు. కనుక ‘మామ్....వంట భలే రుచిగా చేశావ్ ' ‘డ్యాడ్ మీరు ఎంతో కూల్....ఏం కోపం ఉండదు' వంటి ప్రశంసలను వారికి అందించేందుకు ప్రయత్నించండి.

మరి మంచి బిడ్డ అనిపించుకోవాలంటే, మీ తల్లితండ్రులు మిమ్మల్ని మెచ్చుకోవాలంటే, ఈ పై చిట్కాలు పాటించి వాటి ప్రయోజనాలను తప్పక పొందండి.