భార్యాభర్తల మధ్య బంధాన్ని తెంచుతున్న ‘దూరం’

Published: Saturday, August 4, 2012, 17:26 [IST]

Long Distance causes to many problems in Family life

ఒకప్పుడు విడాకులనే మాట ఎక్కడోగానీ వినిపించేది కాదు. అందుకు కారణాలు కూడా సబబుగానే అనిపించేవి. ఏ మందులకీ లొంగని రోగాతో, భరించలేని హింస, విపరీతంగా తాగి, దుర్మార్గంగా ఇల్లాలిని తన్ని తగిలేసే భర్త.. ఇలా కొన్ని కారణాలవల్ల విడాకులు పెరిగాయి. ఆలుమగల మధ్య అహంకారాలు, పట్టుదలలు, అంతస్థుల తేడాలు పెరిగి విడాకుల సంఖ్య పెరిగితే, కొన్నిచోట్ల అక్రమ సంబంధాలవల్ల విడాకుల సంఖ్య పెరుగుతూ వచ్చింది. అయితే ప్రస్తుత కాలంలో ప్రతి చిన్న విషయానికి కామన్ గా కోర్టు మెట్లు ఎక్కేస్తున్నారు.

చూడ్డానికి, వినడానికి చాలా సిల్లిగా ఉన్నా బంధాలు, భాందవ్వాలు తెంచుకుంటున్నారు. ఒంటరిగానైనా బతికేందుకు సాహసిస్తున్నారు. కానీ తగాదాలతో బతకాలనుకోవడం లేదు. అందుకు కారణం భార్యభర్త ఇద్దరూ ఎక్కువగా చదువుకొని పట్టణనాగరికతకు అలవాటు పడి ఉండటం లేదా ఇద్దరూ ఉద్యోగాలు చేస్తుండటం వల్ల కూడా ఇద్దరి మధ్య అన్యోన్యత కరువౌ ఒకరినొకరి దూరం చేసుకొని చాలా నష్టపోతున్న జంటలు మన కళ్ళ ముందే మన పరిసరాల్లోనే చాలా మంది జీవిస్తున్నారు.

ఉదాహరణకు భార్యభర్త ఇద్దరూ ఉద్యోగస్తులైతే ఆఫీసు నుంచి ఇంటకి చేరుకోవడానికి మీకు ఒక గంట కంటే ఎక్కువ సమయం పడుతుందా? ట్రావెలింగ్ లోనే ఎక్కువ సమయం గడిచిపోతోందా? అయితే మీ వైవాహిక బంధం ఇరుకున పడ్డట్టే. కొత్తగా పెళ్లయిన జంటల్లో ఈ సమస్య తీవ్రత ఇంకా ఎక్కువగా ఉంటుంది. ప్రయాణానికి, వైవాహిక బంధానికి సంబంధం ఏమిటని ఆశ్చర్యపోకండి....

పెళ్లయ్యి రెండు మూడేళ్లు అయ్యి... ఇంటికి ఆఫీసుకి మధ్య దూరం ఎక్కువగా ఉండి.. ఇల్లు చేరేందుకు ఎంత లేదన్నా కనీసం ఒక గంట సమయం పడుతుంటే కనుక మీరు జాగ్రత్తపడాల్సిందే.. ఎందుకంటే ఈ ఆలస్యమే కొత్తగా పెళ్ళయిన భార్యా భర్తల మధ్య దూరాన్ని పెంచుతోందట. దూర ప్రయాణాలు గొడవలకి ఫ్లాట్ ఫామ్ గా మారుతున్నాయంటున్నారు లండన్ పరిశోధకులు.

తనను అలుసుగా తీసుకోవడం వల్ల భర్త ఇంటికి ఆలస్యంగా వస్తున్నాడని భార్య అనుకుంటుంది. దాంతో ఇద్దరి మధ్యా అడ్డుగోడలు ఏర్పడడం మొదలవుతుంది. అంతే కాకుండా ఉద్యోగం చేసే భార్యను ఇంటికి దగ్గరగా ఉండాలనే నెపంతో అప్పటికే ఆమె చేస్తున్న ఉద్యోగాన్ని మాన్పించి తక్కువ జీతం వచ్చేదయినా సరే వేరే ఉద్యోగంలో చేర్పిస్తున్నారు.

దీని వల్ల తక్కువ జీతమే కాకుండా ఇంటి బాధ్యతలన్నీ ఆమెపైనే పడతాయి. ఇంకేముంది ఆమెలో డిప్రెషన్ మొదలవుతుంది. ఇద్దరి మధ్యా దూరం పెరుగుతుంది. చిన్ని చిన్న గొడవలే గాలివానగా మారి విడాకులకు దారితీస్తున్నాయి. పరిస్థితులు. కాబట్టి అందమైన జీవితాన్ని దూరం పేరుతో ఇంకా దూరం చేసుకోవడమెందుకు ఆఫీసుకి దగ్గరగా ఇల్లు తీసుకుంటే పోలా....