రంజాన్ ఉపవాస సమయంలో శృంగారంలో పాల్గొనవచ్చా? ఇస్లాం ఏం చెబుతుంది?

ఇస్లామిక్ క్యాలెండర్ ప్రకారం ఈ ఏడాది మార్చి 2 నుండి పవిత్ర రంజాన్ మాసం ప్రారంభమైంది. ఈ సమయంలో నెల రోజుల పాటు ముస్లింలు ఉపవాసం ఉండి సూర్యోదయం నుండి సూర్యాస్తమయం వరకు ఏమీ తినరు లేదా త్రాగరు. ఎక్కువ సమయం అల్లాను ఆరాధించడంలో గడుపుతారు. దీంతో పాటు సాయంత్రం వేళల్లో మసీదులలో ప్రత్యేక ప్రార్థనలు చేస్తారు..దీనిని తరావీహ్(Tarawih)అని పిలుస్తారు. ఈ నమాజ్‌ లో మొత్తం ఖురాన్ పారాయణం చేయబడుతుంది. ఈ పవిత్ర రంజాన్ మాసంలో మంచి పనులకు 70 రెట్లు ఎక్కువ ప్రతిఫలం లభిస్తుందని అంటారు. రంజాన్ సందర్భంగా ముస్లిం జంటలు అనేక నియమాలను పాటించాలి. ఈ నియమాలలో ఒకటి ఏమిటంటే ఉపవాస సమయంలో శారీరక సంబంధాలు కలిగి ఉండకూడదు.

ఇస్లాం రూల్స్ ప్రకారం రంజాన్ సందర్భంగా ముస్లిం జంటలు రాత్రిపూట మాత్రమే శారీరక సంబంధం కలిగి ఉండటానికి అనుమతి ఉంది. సమ్మర్ లో వాస్తవానికి రాత్రి సమయం చాలా తక్కువగా ఉంటుంది..రంజాన్ సమయంలో ముస్లింలు సెహ్రీ కోసం తెల్లవారకముందే మేల్కొవలసి ఉంటుంది..దీని వలన వారికి శారీరక సంబంధాలు కలిగి ఉండటం మరింత కష్టమవుతుంది. కాబట్టి ఈ సమయంలో ముస్లిం జంటలు ఏమి చేయాలి?

వివాహిత జంటలు తమ సంబంధాన్ని బలోపేతం చేసుకోవడానికి రంజాన్ రాత్రులలో రెండు ప్రత్యేక సమయాలను ఉపయోగించవచ్చు. అందులో ఒకటి..తరావీహ్ ప్రార్థన తర్వాత మసీదు నుండి ఇంటికి వచ్చిన తర్వాత ఒకరితో ఒకరు కనెక్ట్ అవ్వడానికి మంచి అవకాశంగా ఉంటుంది. రెండోది..ఫజ్ర్ ముందు రాత్రి చివరి రెండు గంటలలో ఇద్దరూ ఒకరితో ఒకరు సమయం గడపవచ్చు.

ఉపవాసం విరమించిన తర్వాత, ఉపవాసానికి ముందు అంటే సెహర్ వరకు ఒకరికొకరు దగ్గరగా ఉండవచ్చు.. కానీ ఆ తర్వాత కాదు. ఉపవాస సమయంలో భార్య, భర్త అన్యోన్యంగా ఉంటే అప్పుడు ఉపవాసం అపవిత్రం అవుతుంది. రంజాన్ సమయంలో వివాహిత ముస్లిం జంటలకు ఒక ముఖ్యమైన విషయం ఏమిటంటే రంజాన్‌ లో భార్యాభర్తలు శృంగారం చేసినా.. స్నానం చేయడం చాలా ముఖ్యం, స్నానం చేయకుండా రంజాన్‌లో పవిత్రంగా పరిగణించబడరు. వారు లైంగిక అశుద్ధ స్థితిలో ఉంటే..వారు సిద్ధంగా ఉన్నప్పుడు లేదా ముందే రంజాన్ ఉపవాసం ప్రారంభించడానికి వారికి అనుమతి ఉంది. అయితే వారు ఫజ్ర్ ప్రార్థన సమయం తర్వాత వీలైనంత త్వరగా గుస్ల్ (శరీరాన్ని స్వచ్ఛమైన నీటితో కడుక్కోవడానికి ఉపయోగించే స్నానం) తీసుకోవడం, ఆ సమయంలోపు ఫజ్ర్ ప్రార్థనను నిర్వహించడం చాలా అవసరం.

ఇస్లాంలో జంటలు ఫజ్ర్ వరకు కలిసి ఉండటానికి ఈ మినహాయింపు ఇవ్వబడింది. కానీ భార్యలు అర్థం చేసుకోవలసిన, గుర్తుంచుకోవలసిన ఒక ముఖ్యమైన విషయం ఏమిటంటే లైంగిక సంపర్కం పురుషుడి శక్తిని, శారీరక బలాన్ని హరించివేస్తుంది, అయితే స్త్రీలు దాని వల్ల శారీరకంగా తక్కువగా ప్రభావితమవుతారు. అందువల్ల భార్యలు తమ భర్తల కోరికలు కొంతవరకు నెరవేరకపోయినా రంజాన్ సమయంలో లైంగిక సంబంధాల సమయం, ఫ్రీక్వెన్సీని ఎంచుకోవడానికి వారిని అనుమతించాలి. దీనివల్ల వారి భర్తలు అదనపు అలసట లేకుండా సులభంగా ఉపవాసం కొనసాగించగలుగుతారు.