అమెరికా,జపాన్ కొరియా జంటలు..నెలలో ఎన్నిసార్లు శృంగారంలో పాల్గొంటారో తెలుసా!

అభివృద్ధి చెందిన దేశాలలో మారుతున్న జీవనశైలి, దాంపత్య జీవితాలపై తీవ్ర ప్రభావం చూపుతోంది. ఇటీవల అమెరికన్ పరిశోధన సంస్థ టాకర్ రీసెర్చ్ అండ్ వెల్నెస్ బ్రాండ్ LELO నిర్వహించిన సర్వేలో ఆశ్చర్యకరమైన విషయాలు వెలుగులోకి వచ్చాయి. అమెరికాలో ప్రతి నలుగురు జంటలలో ఒకరు నెలకు ఒక్కసారి కూడా శృంగారంలో పాల్గొనడం లేదని తేలింది.

అమెరికా..ప్రేమ ఉంది,కానీ ఓపిక లేదు

2,000 మందిపై చేసిన ఈ సర్వే ప్రకారం..జంటల మధ్య సాన్నిహిత్యం తగ్గడానికి ప్రేమ లేకపోవడం కారణం కాదు. ప్రధాన శత్రువు అలసట. అమెరికాలో సర్వేలో పాల్గొన్నవారిలో సుమారు 38 శాతం మంది అలసట వల్ల శృంగారానికి దూరంగా ఉంటున్నామని చెప్పగా, ఆరోగ్య సమస్యలు, పని ఒత్తిడి, ఇద్దరి కోరికల మధ్య వ్యత్యాసం ఇతర కారణాలుగా ఉన్నాయి.

సగటున అమెరికన్ జంటలు నెలకు నాలుగు సార్లు మాత్రమే కలుస్తున్నారు. ఒక్కో ఎన్‌ కౌంటర్ సగటున 18 నిమిషాలు ఉంటుంది. ఆసక్తికరమైన విషయం ఏంటంటే.. శారీరక కలయిక తక్కువగా ఉన్నా, 71 శాతం మంది తమ వైవాహిక జీవితం పట్ల సంతృప్తిగానే ఉన్నారు. దీన్ని బట్టి జంటలు సంభోగం కంటే ఎమోషనల్ బాండింగ్(భావోద్వేగ బంధం)కి ఎక్కువ విలువ ఇస్తున్నారని అర్థమవుతోంది.

రోజంతా ఒకరితో ఒకరు మాట్లాడుకునే జంటల్లో సాన్నిహిత్యం ఎక్కువగా ఉంటోంది.

జపాన్,కొరియా..ఆందోళనకరమైన గణాంకాలు

అమెరికాతో పోలిస్తే ఆసియా దేశాలైన జపాన్, కొరియాల్లో పరిస్థితి మరింత తీవ్రంగా ఉంది. ఏ విధమైన శారీరక సమస్యలు లేకుండా, నెల రోజులకు పైగా కలవని జంటలు ప్రకారం చూస్తే.. ప్రపంచంలోనే అత్యధికంగా, జపాన్ లో 64 శాతం జంటలు ఒకే ఇంట్లో ఉన్నా శారీరక సాన్నిహిత్యానికి దూరంగా ఉంటున్నారు. అక్కడి సమాజంలో సంభోగం పట్ల ఆసక్తి పూర్తిగా తగ్గిపోవడాన్ని ఇది సూచిస్తోంది.

కొరియాలో 36 శాతం మంది పిల్లల పెంపకం, పని ఒత్తిడి కారణంగా వేర్వేరు గదుల్లో లేదా వేర్వేరు సమయాల్లో నిద్రించడం కొరియన్ జంటల మధ్య దూరాన్ని పెంచుతోంది.

పరిష్కారం ఏంటి?
ప్రపంచవ్యాప్తంగా సగటున 20 శాతం జంటలు శృంగారం లేని లిస్ట్ లో జాబితాలో ఉన్నారు. ఇది కేవలం వ్యక్తిగత సమస్య కాదు, సామాజిక సమస్య అని నిపుణులు అంటున్నారు.

వర్క్ లైఫ్ బ్యాలెన్స్..అధిక పని గంటలు తగ్గించుకుని, శక్తిని కాపాడుకోవడం ముఖ్యం.

కమ్యూనికేషన్..భాగస్వామితో మనసు విప్పి మాట్లాడటం, ఆరోగ్యకరమైన సంబంధానికి పునాది.

ప్రైవసీ..జంటలకు ఏకాంతం దొరికేలా గృహ వాతావరణం, పేరెంటింగ్ సంస్కృతిలో మార్పులు రావాలి.