ట్రూత్ ఆర్ డేర్ గేమ్ ఆట మా మ‌ధ్య బంధాన్ని పూర్తిగా మార్చేసింది... ఎలాగా?

1 న‌న్నెప్పుడైనా మోసం చేశావా?

ఆట‌ను చాలా ప్రాథ‌మిక ప్ర‌శ్న‌తో మొద‌లుపెట్టాను. ఈ 4ఏళ్ల‌లో న‌న్నెప్పుడైనా మోసం చేశావా? నా క‌ళ్ల‌లోకి సూటిగా చూసి ఒక చిరున‌వ్వు న‌వ్వి, ఎంతో విశ్వాసంతో లేదు అని స‌మాధాన‌మిచ్చాడు. ఆ జ‌వాబు చెప్పేందుకు అత‌డు పెద్ద‌గా ఆలోచించ‌లేదు. అత‌డు అబ‌ద్ధ‌మాడ‌లేదు అని ఇట్టే క‌నిపెట్టేయొచ్చు.

2. నాలో బాగా నచ్చేది, న‌చ్చ‌నిది?

నా బాయ్‌ఫ్రెండ్ ఓపెన్ ప‌ర్స‌న్ కాదు. ఇదే స‌రైన స‌మ‌యం అనుకుని ఈ ప్ర‌శ్న వేశాను. అనుకున్న‌ట్టుగానే అత‌డు ఏం అన్నాడంటే... ఇలాంటి గేమ్స్ పెట్టి ఇలాంటి క్వ‌శ్చ‌న్స్ వేయ‌డం అంటే నాకు అస్స‌లు న‌చ్చ‌దు అన్నాడు. నేను న‌వ్వి త‌ర్వాతి జ‌వాబు కోసం వేచిచూస్తున్నాను.

3. కార‌ణాలు వెతుక్కుంటే ప్రేమ ఎలా అవుతుంద‌న్నాడు?

రెండో స‌మాధానం అలా చెప్పాడు. దీంతో అత‌డి మీద నాకున్న ప్రేమ మ‌రింత పెరిగింది. న‌న్ను ప్రేమించడానికి స‌రైన కార‌ణం లేద‌న్నాడు. అదే మ‌న సంబంధాన్ని మ‌రింత అందంగా మ‌లిచింద‌ని చెప్పొచ్చు. ఏదైనా కార‌ణంతో ప్రేమిస్తే అది కొన్నేళ్ల పాటు నిలుస్తుంది. ప్రేమ శాశ్వ‌తం అన్నాడు. దానికి నేను ప‌డిపోయాను. అత‌డు చెప్పిన వివ‌ర‌ణ ఎలా ఉందంటే.. నీ అందం చూసి ప్రేమించానుకో, 5ఏళ్ల త‌ర్వాత నీ పైన మోహం త‌గ్గిపోతుంది. నిన్ను ప్రేమిస్తున్నాను అంటే నీలోని లోపాల‌ను ప్రేమిస్తున్నా అని అర్థం. అలా చెప్ప‌గానే నా క‌ళ్ల‌లో నీళ్లు ఆగ‌లేదు. గ‌ట్టిగా కౌగిలించేసుకున్నాను.

4. ఈ సారి డేర్‌

అత‌డి మూడ్‌ను లైట్ చేసేందుకు స్ట్రిప్ టీస్ చేయ‌మ‌ని అడిగాడు. నా కోరిక‌ను వెంట‌నే అంగీక‌రించాడు. నేను పాడే పాట‌కు ల‌య‌బ‌ద్దంగా డ్యాన్స్ చేస్తూ స్ట్రిప్ టీస్ చేశాడు. అంటే మెల్ల‌గా డ్యాన్స్ చేస్తూ వేసుకున్న బ‌ట్ట‌ల్లో ఒక్కొక్క‌టి విప్పేశాడు. ఐతే వీడియోను రికార్డు చేయ‌ను అనే ఒక్క ష‌ర‌తుపై దీనికి అంగీక‌రించాడు.

5. మ‌ప భ‌విష్య‌త్ గురించి ...

మరో సీరియ‌స్ ప్ర‌శ్న‌ను సంధించాను. దీనికి స‌మాధానాన్ని ఎప్పుడూ దాట‌వేసేవాడు. ఈ సారి నా స‌ర్‌ప్రైజ్‌కు అత‌డు జ‌వాబు చెప్పాడు. మా ఇద్ద‌రి పెళ్లి డెస్టినేష‌న్ వెడ్డింగ్ త‌ర‌హాలో జ‌ర‌గాల‌ని, పెళ్లి రోజు ఎలాంటి బ‌ట్ట‌లు వేసుకోవాలో, పెళ్లి సిమ్లాలోని హిల్ స్టేష‌న్‌లో జ‌ర‌గాల‌ని చెపుతున్న‌ప్పుడు నాకు చాలా ముచ్చ‌టేసింది. అంతే కాదు పెళ్లి త‌ర్వాత హ‌నీమూన్‌కు యూర‌ప్ వెళ్లేందుకు అత‌డు డ‌బ్బు దాచుకుంటున్న‌ట్టు చెప్ప‌డంతో మా గురించి అత‌డు ఇంత‌లా ఆలోచిస్తాడా అనిపించింది.

6. బాయ్స్ గ్రూప్ చాట్ చ‌దువుతాన‌న్నాను...

త‌ర్వాత డేర్.. అత‌డి బాయ్స్ గ్రూప్ చాట్ చ‌దువుతాను అన్నాను. అంత‌కుముందు అత‌డు త‌న స్నేహితుల‌తో చేసే డ‌ర్టీ జోక్స్‌, వీడియోలు చూడ‌నిచ్చేవాడు కాదు. మొత్తానికి అంగీక‌రించేస‌రికి ఇద్ద‌రం క‌లిసి చ‌దువుకున్నాం. మ‌న‌సారా న‌వ్వుకున్నాం.

ఈ 40 నిమిషాల పాటు ఆడిన ఆట నా జీవితంలో మ‌ర‌చిపోలేని అనుభూతిని మిగిల్చింది. నాకు స‌రైన తోడు దొరికాడ‌ని అనిపించింది.