భార్య వివాహేతర సంబంధం పెట్టుకోవడానికి ప్రధాన కారణం ఇదే!..షాక్ అవ్వకండి,ఇది చూడండి

ఏడడుగులతో అగ్నిసాక్షిగా ఒకటై, కడదాకా తోడుంటామని చేసిన ప్రమాణాలు కొన్నిసార్లు గాలిలో కలిసిపోతాయి. ఒకప్పుడు సంబంధాలలో మోసం అనగానే మగాళ్ల పేరే ఎక్కువగా వినిపించేది. అయితే మారుతున్న కాలంతో పాటు ఈ అపోహ కూడా కరిగిపోయింది. స్త్రీలు కూడా తమ భాగస్వామి కళ్లు కప్పి కొత్త సంబంధాలను వెతుకుతున్నారనేది కాదనలేని వాస్తవం. కొందరు మహిళలు కేవలం పడక సుఖం కోసం మాత్రమే ఎఫైర్స్ పెట్టుకుంటారనేది మాత్రం అవాస్తవం. ఒక స్త్రీ తన భాగస్వామిని మోసం చేయడానికి వెనుక బలమైన మానసిక, భావోద్వేగ కారణాలు దాగి ఉంటాయి. ఆ బంధం పునాదులు కదిలిపోవడానికి దారితీసే ఆ ప్రధాన కారణాలను ఇప్పుడు చూద్దాం.

ప్రేమ రాహిత్యం, భావోద్వేగపు దూరం
ప్రతి స్త్రీ తన బంధంలో కోరుకునేది ప్రేమ, ఆప్యాయత, అటెన్షన్. తన భాగస్వామి నుండి తనకు తగినంత ప్రేమ లభించడం లేదని, తనను పట్టించుకోవడం లేదని భావించినప్పుడు ఆమె మనసులో ఒకరకమైన శూన్యత ఆవరిస్తుంది. ఆ భావోద్వేగపు ఎడారిలో తనకు ప్రేమను, ఓదార్పును పంచే మరో వ్యక్తి ఎదురైనప్పుడు ఆమె అటువైపు ఆకర్షితురాలవడానికి ఆస్కారం ఉంటుంది. ఇది కేవలం శారీరక సాన్నిహిత్యం కోసం కాదు తన ఉనికిని గుర్తించి, తన భావాలను గౌరవించే ఒక తోడు కోసం ఆమె తపన పడుతుంది.

లైంగిక అసంతృప్తి
దాంపత్య బంధంలో శృంగారం అనేది ఒక ముఖ్యమైన భాగం. అయితే చాలా జంటలు ఈ విషయం గురించి బహిరంగంగా మాట్లాడుకోవడానికి ఇష్టపడరు. తన లైంగిక కోరికలు, అవసరాలు భాగస్వామి ద్వారా తీరనప్పుడు లేదా అతను వాటిని గుర్తించనప్పుడు ఆమెలో అసంతృప్తి మొదలవుతుంది. తనలో రగిలే కోరికలను తీర్చగల, తనను ఆకర్షించగల మరో వ్యక్తి కోసం వెతకడం ద్వారా ఆ లోటును భర్తీ చేసుకోవాలని ప్రయత్నించవచ్చు.

ఆత్మగౌరవానికి దెబ్బ
ఒక సంబంధంలో తనకంటూ విలువ లేదని, తన అభిప్రాయాలకు గౌరవం లభించడం లేదని స్త్రీ భావించినప్పుడు ఆమె ఆత్మగౌరవం తీవ్రంగా దెబ్బతింటుంది. తరచుగా విమర్శలకు, చిన్నచూపుకు గురవుతూ, ఆ బంధంలో ఒక బందీలా ఉన్నప్పుడు ఆమె స్వేచ్ఛ కోసం, తనను తాను నిరూపించుకోవడం కోసం తహతహలాడుతుంది. తనను గౌరవించే, ప్రశంసించే కొత్త వ్యక్తితో ఏర్పడిన పరిచయం, ఆమెకు కోల్పోయిన ఆత్మవిశ్వాసాన్ని తిరిగి ఇస్తుంది. ఈ సానుకూల భావనే ఆమెను తప్పుడు మార్గం వైపు నడిపిస్తుంది.

కోపం, ప్రతీకారేచ్ఛ
భాగస్వామి చేసిన మోసం లేదా అతని ప్రవర్తన వల్ల మనసు తీవ్రంగా గాయపడినప్పుడు, కొందరు మహిళలు ప్రతీకారంతో రగిలిపోతారు. నువ్వు చేస్తే తప్పులేనిది, నేను చేస్తే తప్పా అనే కసితో, అతనికి తగిన గుణపాఠం చెప్పాలనే ఉద్దేశంతో మరో సంబంధంలోకి అడుగుపెడతారు. ఇది ప్రేమతో మొదలైన బంధం కాకపోయినా, తమ భాగస్వామికి నొప్పిని కలిగించాలనే ఏకైక లక్ష్యంతో దీనిని కొనసాగిస్తారు.