ఆన్ లైన్ పేమెంట్ ఫెయిల్.. రహస్యం బట్టబయలు..ఉన్న పెళ్లాం పోయింది,ఉంచుకున్న సెటప్ పోయింది

ఎంత పెద్ద నేరాలు చేసినోళ్లు అయినా చిన్న క్లూ ద్వారా దొరికిపోతుండటం మనం చూస్తుంటాం. కొన్ని సందర్భాల్లో నేరం చేసిన ఏళ్ల తర్వాత ఎక్కడో చేసే ఒక చిన్న పొరపాటు నేరస్థులను పోలీసులకు పట్టిస్తుంది. ఇలాంటి మనం తరచుగా వార్తల్లో చూస్తుంటాం. అయితే తాజాగా ఓ వ్యక్తి తన పెళ్లానికి తెలియకుండా ఏళ్ల పాటు నడిపిన వ్యవహారం ఒక్క చిన్న కారణం వల్ల ఆ బయటపడింది. దీంతో ఉన్నది పోయింది..ఉంచుకుంది పోయింది అన్నట్లు అయిపోయింది అతడగాడి పరిస్థితి. అసలేం జరిగిందో ఇక్కడ చూడండి.

చైనా దేశంలోని గ్వాంగ్ డాంగ్ రాష్ట్రలంోని యాంగ్జియాంగ్ నగరంలో నివసించే ఓ వ్యక్తి తన భార్యకు తెలియకుండా మరో మహిళలో వివాహేతర సంబంధాన్ని కొనసాగిస్తున్నాడు. కొన్నేళ్లుగా ఈ యవ్వారం సాగుతున్నా భార్యకు చిన్న క్లూ కూడా దొరక్కుండా జాగ్రత్త పడుతూ వచ్చాడు. అయితే ఇటీవల అతను ఓ మెడికల్ షాపుకి గర్భనిరోధక మాత్రలు కొనేందుకు వెళ్లాడు. అతడు అడిగిన ట్యాబ్లెట్స్ మెడికల్ షాపులో వాళ్లు ఇచ్చారు. బిల్లు 15.8 యువాన్ అంటే మన కరెన్సీలో దాదాపు రూ.200 అయింది.

అయితే ఇప్పుడంతా డిజిటల్ పేమెంట్లు నడుస్తున్న క్రమంలో అతడు కూడా తన మొబైల్ పేమెంట్ కోడ్ ద్వారా బిల్లు చెల్లించాడు. ఆ తర్వాత గర్భనిరోధక మాత్రలు తీసుకొని వెళ్లిపోయాడు. అయితే ఆ మెడికల్ షాపులోని కంప్యూటర్ సిస్టమ్ లో ప్రాబ్లమ్ వచ్చి ట్యాబ్లెట్ల కొనుగోలుకు అతడు చేసిన పేమెంట్ సక్సెస్ అవ్వలేదు. దీంతో పేమెంట్ రికవరీ చేసుకునేందుకు అతడి మెంబర్ షిప్ కార్డుకి లింక్ అయిన ఫోన్ నెంబర్ కి మెడికల్ షాపు సిబ్బంది కాల్ చేశారు. అయితే పొరపాటున ఆ ఫోన్ కాల్ అతడి భార్యకు వెళ్లింది.

ఆమె ఫోన్ ఎత్తి మా ఆయన ఏం కొన్నారు అని అడగ్గా..గర్భనిరోధక మాత్రలు అని మెడికల్ షాపు ఉద్యోగి చెప్పేశాడు. దీంతో తన భర్త తనకు తెలియకుండా ఇన్నాళ్లు నడిపిచ చీకటి బాగోతం ఆమెకు తెలిసింది. వెంటనే భర్తకు వదిలేసి వెళ్లిపోయింది. మెడికల్ షాపు సిబ్బంది చేసిన పని వల్ల రెండు ఫ్యామిలీలు నాశనమయ్యాయని,దీనికి తప్పంతా వాళ్లదేనంటూ ఆగస్టు 12న వాళ్లపై కేసు పెట్టాడు.అతడు చట్టపరమైన చర్యలు తీసుకునుందుకు రెడీ అయ్యాడని..అయితే అది కష్టమని హెనాన్ జెజిన్ లా ఫర్మ్ డైరెక్టర్ ఫు జియాన్ స్థానిక మీడియాతో మాట్లాడుతూ చెప్పారు. ఒక వైపు అతడి మోసమే కుటుంబం నాశమనడానికి ఒక కారణం కాగా, మెడికల్ షాపు అతని గోప్యతను ఉల్లంఘిచినట్లయితే దానిని చట్టబద్దంగా కూడా జవాబుదారీగా చేయాల్సి ఉంటుందని ఫు జియాన్ అన్నారు.

మెడికల్ షాపు బహిర్గతం,అతని కుటుంబ విచ్ఛిన్నం మధ్య ప్రత్యక్ష సంబంధాన్ని చూపించే తగిన ఆధారాలను అతను సమర్పించాల్సి ఉంటదని ఫు జియాన్ తెలినారు. మెడికల్ షాపు సిబ్బంది చేసిన ఫోన్ కాల్ చట్టబద్ధమైనదిగా కనబడుతోందని,అతడి మాచారాన్ని లీక్ చేయడానికి ఉద్దేశ్యపూర్వకంగా లీక్ చేయడానికి చేసినట్లుగా కనబడట్లుదని..కాబ్టటి అతడు తన హక్కులను ఉల్లించాలరని వాళ్ల మీద చట్టపరమైన చర్యలు తీసుకోవడం కష్టమేనని ఫు జియాన్ అన్నారు.