Valentine's Day:‘ప్రేమ’తో మీకు నచ్చిన ఈ డైలాగ్ తో మీ ప్రేయసి/ప్రియుడి మెప్పించి.. మనస్సు దోచేయండి

Relationship

oi-Saraswathi N

By Saraswathi N

Published: Tuesday, February 13, 2024, 23:01 [IST]

మీరు మీకు నచ్చిన వారికి ప్రేమను వ్యక్తం చేయాలని చూస్తున్నారా? అయితే ఈ స్టోరీ మీకోసమే. కింది వాటిలో ఓ డైలాగ్​ను ప్రాక్టీసు చేసి, అబ్బాయి/అమ్మాయి మనసు గెల్చుకోండి.

ఇది ప్రేమ పక్షుల వారం. ఈ వారమంతా ఎక్కడ చూసినా ప్రేమ పక్షులతో కళకళలాడుతుంటుంది. 'ప్రేమ.. రెండక్షరాల మహా కావ్యం. ప్రతి మనిషి అన్వేషణ ప్రేమ కోసమే. ఈ ప్రపంచం ఇంత అందంగా ఉందంటే అది కేవలం ప్రేమ వల్లే'.. ఇదీ ప్రేమలో ఉన్న వారికి కలిగే భావన. గతించిన చరిత్రలో, ప్రస్తుత వర్తమానంలో ఎంతోమంది గొప్ప ప్రేమికుల గురించి మనం వినే ఉంటాం. ఇక ఫిబ్రవరి 14 వచ్చిందంటే చాలు.. ప్రేమికులు తమ మనసులోని భావాలను వ్యక్తం చేయడానికి తహతహలాడుతుంటారు.

అప్పటికే ప్రేమ మైకంలో తేలియాడుతున్న వారు ఈ ప్రత్యేకమైన రోజున తమ ప్రియమైన వారిని ఎలా ఇంప్రెస్‌ చెయ్యాలని ఆలోచిస్తే.. మొదటిసారి ప్రేమను వ్యక్తపరచాలనుకునే వారికి వాలంటైన్స్‌ డే ఓ మధురానుభూతిగా మిగిలిపోతుందని చెప్పుకోవచ్చు.

ఇలా నిజ జీవితంలోనే కాదు.. వెండితెరపైనా ఎన్నో ప్రేమ కావ్యాలు సినీ ప్రియుల మనసును తాకాయి. అందులోని పాటలే కాదు.. డైలాగ్స్‌ కూడా ఈతరం ప్రేమికులు తమ ప్రియమైన వారితో చెబుతూ తమ మనసులోని ప్రేమను పంచుకోవడం మనం చూస్తూనే ఉంటాం.. ఈక్రమంలో ఈ ప్రేమికుల దినోత్సవం సందర్భంగా తెలుగు చిత్రాల్లోని కొన్ని పాపులర్‌ లవ్‌ డైలాగ్స్‌ మీకోసం.

1) పది నెలలు మోసి కన్న మీ అమ్మకు నువ్వు సొంతమైతే.. ఇన్నాళ్లుగా మనసులో మోస్తున్న నాకు కూడా నువ్వు సొంతమే. (Janu)

2) మనకేమైనా ఎఫెక్ట్‌ అయితే.. మనం పోతే.. ది మోస్ట్‌ ఎఫెక్టెడ్‌ పర్సన్‌ ఒక్కరుంటారు. అది నా లైఫ్‌లో ఆ పిల్లే. ఆ పిల్లకి ఏమన్నా అయితే ఐ విల్‌ బి మోస్ట్‌ ఎఫెక్టెడ్‌ (Arjun reddy)

3 ) నీ కోసమే నా అన్వేషణ.. నీ కోసమే నా నిరీక్షణ. నిన్ను చూసే క్షణం కోసం.. కొన్ని వేలసార్లు మరణించైనా సరే.. ఒక్కసారి జన్మించడానికి సిద్ధంగా ఉన్నాను (Arya)

4) నువ్వు ఇచ్చిన ధైర్యమే ఇంత బాగుంటే... లైఫ్‌ అంతా నువ్వు నాతో ఉంటే ఇంకెంత బాగుంటుంది? (Ninnu kori)

5)పెళ్లికి ముందులాగా.. పెళ్లి తర్వాత ప్రేమ కంటికి కనబడదు. అది ఒకరి మీద ఒకరికి ఉండే హక్కులోనే ఉంటుంది. ఒకరికోసం ఇంకొకరు తీసుకునే బాధ్యతలోనే ఉంటుంది (Majili)

6) కళ్లు కూడా మాట్లాడగలవని నాకు తెలియదు.. నీ కళ్లు నాతో మాట్లాడేదాకా! ప్రాణం లేకపోయినా బతకొచ్చని నాకు తెలియదు.. అది నువ్వు తీసుకెళ్లిపోయేదాకా! (malli malli rani roju)

.
7) నువ్వంటే ఎందుకు ఇష్టమో చెప్పలేను.. కానీ ఎంతిష్టమో చెప్పగలను!(Manmadhudu nagarjuna movie)

8) సంపాదించటం చేతకాని వాడికి ఖర్చు పెట్టే అర్హతలేదు. చెప్పే ధైర్యం లేని వాడికి ప్రేమించే హక్కు లేదు (nuve nuve)

9) నా ప్రేమను చాపలా పరిస్తే ఈ భూమి సరిపోదు. గాలిలో నింపితే ఈ విశ్వం బద్దలవుతుంది. నీళ్లలో కలిపితే సముద్రాలు ఇంకిపోతాయి. శివుడు విషాన్ని దాచినట్టుగా దాయగలను.(andala rakshasi)

10 ) అందరూ ప్రేమించిన అమ్మాయిని పెళ్లి చేసుకుంటారో లేదో..కానీ పెళ్లి చేసుకున్న అమ్మాయిని ప్రేమించొచ్చు (Raja Rani)