ఎంతో మందికి న్యాయం చేసి అన్యాయం అయిపోయిన లాయర్.. భార్య దెబ్బకు..

కొంత మంది కొన్ని విషయాలను సీరియస్ గా తీసుకుంటారు. ఏదైనా చట్టపర సమస్యలు ఎదురైతే అందరూ లాయర్ల దగ్గరకు పరుగు తీస్తారు. మంచి లాయర్ ను పెట్టుకుంటే మన సమస్యలు తీరిపోయి కేసుల నుంచి విముక్తిపొంది హ్యాపీగా ఉంటామని చాలా మంది అనుకుంటారు. విడాకులు తీసుకోకుండా వందలాది జంటలను మళ్లీ ఒక్కటి చేసిన లాయర్ విడాకులకు వ్యతిరేకంగా పోరాటం చేశారు. అయితే విడాకులకు వ్యతిరేకంగా పోరాటం చేసిన లాయర్ కే ఆయన భార్య విడాకుల నోటీసులు ఇవ్వడంతో అందరూ బిత్తరపోయారు.

గుజరాత్ లో ఓ లాయర్ ఉన్నారు. ఆయన లాయర్ గా ప్రాక్టీస్ మొదలుపెట్టి ఇప్పటి 15 ఏళ్లు దాటిపోయింది. లాయర్ గా మంచి గుర్తింపు తెచ్చుకుంటున్న సమయంలోనే ఆయనకు వివాహం అయ్యింది. లాయర్ దంపతులకు ఓ కుమార్తె ఉంది. లాయర్ గా అనేక కేసులు వాదిస్తున్న ఆయన దగ్గరకు కొన్ని సంవత్సరాల క్రితం విడాకులు తీసుకోవడానికి ఓ జంట వచ్చింది. అక్కడే ఆ లాయర్ జీవితం మలుపు తిరిగింది.

విడాకులు తీసుకోవాలని అనుకుంటున్న జంట దగ్గర ఫీజు తీసుకుని కేసు వాదించకుండా ఆ లాయర్ ఓ పని చేశారు. మీరు ఎందుకు విడాకులు తీసుకోవాలని అనుకుంటున్నారు ?, మీరు విడాకులు తీసుకుంటే మీ ఇద్దరి జీవితాలు నాశనం అవుతాయని, మీరు కలిసి ఉంటే ఇద్దరి జీవితాలు బాగుపడుతాయని ఆ లాయర్ ఆ జంటకు కౌన్సిలింగ్ ఇచ్చారు. ఆ జంటకు కౌన్సిలింగ్ ఇచ్చిన ఆ లాయర్ తరువాత ఆయన రూటు మార్చారు.

జంటలకు కౌన్సిలింగ్

అప్పటి నుంచి విడాకులు తీసుకోవాలని ఆ లాయర్ ను సంప్రధించిన జంటలకు కౌన్సిలింగ్ ఇచ్చిన లాయర్ దాదాపుగా ఎవ్వరూ విడాకులు తీసుకోకుండా అన్ని ప్రయత్నాలు చేశారు. ఇప్పటి వరకు ఆ లాయర్ విడాకులు తీసుకోవాలని అనుకున్న 138 జంటలను ఒక్కటి చేసిన ఆ లాయర్ మంచి పేరు సంపాధించుకున్నారు. విడాకులకు వ్యతిరేకంగా ఆ లాయర్ గుజరాత్ లో పోరాటం చేస్తున్నారు.

ఊహించని షాక్

విడాకులకు వ్యతిరేకంగా పోరాటం చేస్తున్న లాయర్ కు ఊహించని విధంగా మరో లాయర్ నుంచి నోటీసులు అందాయి. తనకు విడాకులు ఇవ్వాలని ఆ లాయర్ కు అతని భార్య నోటీసులు పంపించడంతో అందరూ బిత్తరపోయారు. నాకు నా భర్త నుంచి విడాకులు మాత్రం ఇప్పిస్తే చాలని, ఆయన నుంచి నేను, నా కుమార్తె ఆర్థిక సమస్యలతో పాటు ఇంట్లో అనేక ఇబ్బందులు ఎదుర్కొంటున్నామని ఆ ఫేమస్ లాయర్ భార్య కోర్టుకు మనవి చేసింది.

లాయర్ భార్య కోర్టుకు

లాయర్ గా పని చేస్తున్న తన భర్త ఏ మాత్రం డబ్బులు సంపాధించకుండా ప్రజాసేవ చేస్తున్నాడని, ఇల్లు గడవడానికి కష్టంగా ఉందని, తన కూతురు చదువు ఆగిపోయే పరిస్థితి ఎదురైయ్యిందని, ఇలాగే ఉంటే మేము రోడ్డు మీదపడుతామని ఆ లాయర్ భార్య కోర్టును ఆశ్రయించింది. తాను భరణం కోరినా నా మొగుడు ఇచ్చే పరిస్థితిలో లేడని, విడాకులు మాత్రమే ఇప్పిస్తే చాలని ఆ లాయర్ భార్య అంటోంది.

హాట్ టాపిక్

విడాకులు తీసుకోవాలని అనుకుంటున్న దంపతులు ఆ లాయర్ ఇంటి వైపు కన్నెత్తికూడా చూడటం లేదని, వేరే కేసులు కూడా ఆలాయర్ ద్గరకు రాకపోవడంతో ఆ లాయర్ ఆర్థికంగా చితకిపోయాడు. ఈ దెబ్బతో ఆయన భార్య విడాకులు ఇవ్వాలని డిసైడ్ కావడం హాట్ టాపిక్ అయ్యింది, ఇంతకాలం విడాకులు తీసుకుంటున్న దంపతులకు పదేపదే అనేక విధాలుగా కౌన్సిలింగ్ ఇచ్చిన లాయర్ కు చివరికి ఆయన భార్య విడాకులు నోటీసులు ఇవ్వడంతో సాటి లాయర్లు ఆయన మీద జాలి చూపిస్తున్నారు. తన జీవితంలో నుంచి భార్య ఊడిపోవడంతో లాయర్ అయోమయంలో పడిపోయాడు.