మీ రిలేషన్ షిప్ లో స్త్రీ ని అర్ధం చేసుకోవడం ఎలా...

శారీరిక పరిభాష :

స్త్రీలు సాధారణంగా వారి ఆలోచనలు, అభిప్రాయాలు శారీరిక పరిభాష ద్వారానే తెలియచేస్తారు కనుక స్త్రీలోని శారీరిక హావభావాలను గమనించడం తప్పనిసరి.

మూడ్ లో మార్పులు :

ఒక స్త్రీ బాగా చికాకుగా, విసుగ్గా వుంటే ఆవిడ PMS మీద వుందని అనుకోవాల్సిన పని లేదు. కోపం, విసుగు, చికాకు లాంటివి హార్మోన్లలోని అసమతౌల్యం వల్లనే వస్తుందని పురుషులు భావిస్తుంటారు. ఇంత వివరంగా ఆలోచి0చనక్కర్లేదు, ఎందుకంటే మూడ్ లలో మార్పులకు కారణం మీరు కూడా కావచ్చు.

ఆవిడ స్నేహితుల సాహచర్యం :

"మీ స్నేహితుల వల్ల మీరు ఏమిటో తెలుసుకోవచ్చు" అనే నానుడి ఎప్పటికీ పాత బడదు. ఆవిడ మంచి స్నేహితుల సాహచర్యంలో వుంటే, ఆమే వ్యక్తిత్వం కూడా సహజంగా మంచిదే.

ఆవిడ చెప్పేది నిజంగా వినడం ద్వారా :

ఆవిడ ఏదైనా చెప్తున్నప్పుడు కేవలం వినడం కాకుండా, చెప్పే విషయం మీద ధ్యాస వుంచి, ఎలాంటి పదాలు ఆవిడ నోటి నుంచి వస్తున్నాయో గమనిస్తూ వినండి. ఇది ఒక స్త్రీని బాగా అర్ధం చేసుకోవడానికి ఉత్తమమైన మార్గం.

చిన్న చిన్న సైగలను గమనించడం ద్వారా :

సైగల లాంటి చిన్న చిన్న విషయాలను కూడా జాగ్రత్తగా గమనించండి. ఎందుకంటే అవి స్త్రీలకు చాలా ముఖ్యం. మీరు స్త్రీని నిజంగా అర్ధం చేసుకోవాలంటే కొంచెం పొగిడి ఎలా స్పందిస్తుందో చూడండి. అదే సమయంలో ఒక తేలిక పాటి విమర్శ కూడా వదిలి ఆవిడ ప్రవర్తన ఎలా మారుతుందో గమనించండి. చాలా మంది స్త్రీలు విమర్శలను స్వాగతించరు.

ఆవిడతో సంభాషణ ఎలా వుంటుంది :

ఒక స్త్రీని బాగా అర్ధం చేసుకోవడానికి ఆమెతో సంభాషించండి. ఒక ఆసక్తికరమైన అంశాన్ని తీసుకుని చర్చించండి. ఆవిడ మనసులో ఏముందో వినండి, త్వరలోనే ఆవిడ గురించి మొత్తం తెలుస్తు0ది.

ఇతరులతో ఆమె ఎలా వ్యవహరిస్తారో గమన్చించండి.

ఇతర స్త్రీలతో వున్నప్పుడు ఆమె మీద ఒక కన్నేసి వుంచండి, కానీ అది ఆమెకు తెలియనివ్వకండి. ఇలా చేస్తే, మీరు ఆమెను, ఆమె ఇతరులతో ఎలా మెలుగుతారన్న విషయాన్ని తెలుసుకోగలుగుతారు.