For Quick Alerts
ALLOW NOTIFICATIONS  
For Daily Alerts

ప్రియుడున్నాడు... ఐనా కొలీగ్ పైన మ‌న‌సు మ‌ళ్లింది!

By Sujeeth Kumar
|

లైఫ్‌లో చాలా విష‌యాలు మ‌న కంట్రోల్‌లో ఉండ‌వు. అలాంటివాటిలో ఫీలింగ్స్ ఒక‌టి. ఎవ‌రితోనైనా ప్రేమ‌లో ప‌డ‌డం, ద్వేషించ‌డం మ‌న చేతుల్లో లేదు. ఒక వ్య‌క్తితో రిలేష‌న్‌షిప్‌లో ఉన్నా స‌రే వీటిని మ‌నం కంట్రోల్ చేయ‌లేం. ఇలాంటి సంఘ‌ట‌నే నాకు ఎదురైంది. నాకు ప్రియుడున్నాడు. మేమిద్ద‌రం కొంత‌కాలంగా క‌మిటెడ్‌గా ఉన్నాం. మా ఇద్ద‌రికీ భ‌విష్య‌త్ ప్ర‌ణాళిక‌లున్నాయి. మాది చూడ‌ముచ్చ‌టైన జంట అని స్నేహితులంతా పొగుడుతుంటారు. ఐతే ఇది ఎలా మ‌లుపు తిరిగిందో చూద్దాం..

అలా మొద‌లైంది...

అలా మొద‌లైంది...

కొంత కాలంగా ఆఫీసులో ప‌ని ఒత్తిడి బాగా పెరిగిపోయింది. లేట్ నైట్స్ చాలా కామ‌న్ అయిపోయాయి. ఎక్కువ సేపు కొలీగ్స్‌తోనే గ‌డ‌పాల్సి వ‌చ్చేది. ఆఫీసు రెండో ఇంటిలా మారిపోయింది. దీంతో మా టీమ్‌లోని వాళ్లం మంచి స్నేహితుల‌మైపోయాం.

ఓ మై ఫ్రెండ్‌

ఓ మై ఫ్రెండ్‌

ఆఫీసులో ఒక స్నేహితుడు దొరికాడు. ఒత్తిడినంతా పోగొట్టి ప‌ని వేళ‌ల‌ను హుషారెత్తించేవాడు. లంచ్‌, డిన్న‌ర్‌, కాఫీ బ్రేక్ ఎప్పుడైనా స‌రే అత‌డితో క‌లిసి వెళ్లిపోయేదాన్ని. ఆఫీసు అయిపోయాక కూడా వ‌ర్క్‌, లైఫ్ గురించి ఇద్ద‌రి మ‌ధ్య సంభాష‌ణ కొన‌సాగేది. అత‌డు కేవ‌లం స్నేహితుడు. దీంట్లో త‌ప్పేముంది!

ప్రేమ‌లో ప‌డ్డానా

ప్రేమ‌లో ప‌డ్డానా

మూడు నెల‌ల పాటు ఆఫీసులో అత‌డితో గ‌డిపాక వీకెండ్స్‌లోనూ అత‌డితోనే టైమ్ స్పెండ్ చేయాల‌నిపించింది. స్పీడ్ డ‌య‌ల్ లిస్ట్‌లో అత‌డి పేరు ఉండేది. లైఫ్‌లో చ‌ల్ల‌ని గాలిలా అత‌డు అనిపించేవాడు. ప్రేమ‌లో ప‌డ్డానేమో అనిపించింది.

మోసం చేస్తున్నానా?

మోసం చేస్తున్నానా?

ఆ త‌ర్వాత కొన్ని రోజుల‌కు గిల్టీగా అనిపించింది. నాకు ఆల్రెడీ బాయ్‌ఫ్రెండ్ ఉన్నాడు. అత‌డితో పెళ్లి చేసుకోబోతున్నాను. మ‌రి ఆఫీసు కొలీగ్‌తో ఇప్పుడిప్పుడే పుట్టుకొస్తున్న ప్రేమ సంగ‌తి? నా ప్రియుడితో ఈ విష‌యం చెప్పాలా? నేను మోసం చేస్తున్నానేమో అనిపించింది. చెప్ప‌కుండా ఆఫీసు కొలీగ్‌తోనే ఎక్కువ స‌మ‌యం గ‌డుపుతుంటే నా ప్రియుడితో సంబంధం మాటేంటి? ఇలాంటి ఆలోచ‌న‌లు ప్ర‌తి క్ష‌ణం వేధించేవి.

ఏం చేశానంటే..

ఏం చేశానంటే..

ఒక రోజు దీర్ఘంగా శ్వాస తీసుకొని బాగా ఆలోచించాను. ఇప్పుడున్న ప‌రిస్థితుల్లో ఒక్క విష‌యం మాత్రం క్లియ‌ర్‌గా అర్థ‌మైంది. నా కొలీగ్‌తో నాకున్న బంధం కేవ‌లం ఆక‌ర్ష‌ణే అని తేలిపోయింది. ఆన్‌లైన్‌లోనూ ఇలాంటి క‌థ‌నాలు చ‌దివాను. ఒక‌రితో సంబంధంలో ఉండ‌గా మ‌రొక‌రిపై క్ర‌ష్ క‌ల‌గ‌డం స‌హ‌జ‌మేన‌ని అనిపించిది. ఐతే దీనికి హ‌ద్దులంటూ గీసుకోవాలి అని అర్థ‌మైంది.

100% ల‌వ్ మాది

100% ల‌వ్ మాది

ప్రేమ‌కు, ఆక‌ర్ష‌ణ‌కు మ‌ధ్య స‌న్న‌ని గీతుంటుంది. అది తెలుసుకునే స‌మ‌యం వ‌స్తుంది. ఆఫీసు కొలీగ్ పైన గౌర‌వ భావం ఉంది అయితే మా ఇద్ద‌రి మ‌ధ్య డిస్టెన్స్ ఉంచుకోవాల‌ని నిర్ణ‌యించుకున్నాను. నా ప్రియుడితో స‌రైన స‌మ‌యం గ‌డ‌ప‌లేక‌పోయినందుకే ఇలాంటి ఆలోచ‌న‌ల‌న్నీ చుట్టుముట్టాయ‌ని అనిపించింది. మ‌ధ్య‌లో క‌లిగే ఇలాంటి ఆక‌ర్ష‌ణ‌ల‌న్నీ తాత్కాలిక‌మే అనిపించింది.

ఈ రోజు ఇలా...

ఈ రోజు ఇలా...

నా ప్రియుడితో అనుబంధాన్ని మ‌రింత బ‌ల‌ప‌ర్చాల‌నుకున్నాను. అత‌డితో ఎక్కువ స‌మ‌యం గ‌డిపేందుకు ప్ర‌య‌త్నించాను. ఆ త‌ర్వాత ప‌రిస్థితులు మామూలుగా అయిపోయాయి. ఒక‌రిపైన క్ర‌ష్ ఏర్ప‌డింద‌న్న సంగ‌తి కూడా కొద్ది రోజుల‌కే మ‌ర్చిపోయాను. అయితే ఈ విష‌యం మా ప్రియుడితో చెప్పానా? అంటే కాదు. ఇప్పుడు త‌ను ప్ర‌శాంతంగా ఉన్నాడు. ఆ విష‌యాల‌న్నీ చెప్పి లేనిపోని అపోహ‌లు తీసుకురావ‌డం దేనిక‌ని ఆగిపోయాను.

లైఫ్‌లో ఇలాంటివి జ‌రుగుతుంటాయి. శాశ్వ‌త‌మైన ప్రేమ‌ను గుర్తించి ముందుకు వెళ్ల‌డ‌మే మ‌న‌లోని వివేకాన్ని తెలుపుతుంది.

English summary

I had a crush on my colleague while being in a relationship

Of all the things that are not in our control in life, one is - feelings. You cannot stop loving or hating someone, nor can you stop yourself from developing a crush on someone, even if you are in a ‘committed’ relationship. This happened with me recently. I had a three-year-old committed relationship, and we were in love.
Story first published:Tuesday, March 6, 2018, 15:37 [IST]
Desktop Bottom Promotion