ముగ్గురమ్మాయిలు రూమ్ కు పిలిపించుకున్నారు, రాత్రంతా గడుపుతామన్నారు,సోషల్ మీడియాలో పరిచయం #mystory343

హైదరాబాద్ లో ఉండేవాడితో

నిజమాబాద్ లో ఉండేవాడు హైదరాబాద్ లో ఉండేవాడితో కలిసి ఎలా గేమ్ ఆడుతున్నాడబ్బా అనుకున్నాను. ఇది ఎలా సాధ్యం అని ఆశ్చర్యపోయాను. నువ్వు దీనికే షాక్ అయితే నీకు ఇంకా చాలా చూపిస్తా అని తను నాకు ఫోన్ లో అన్నీ ఆప్స్ డౌన్ లోడ్ చేసిచ్చాడు.

అమ్మాయిలంతా లైక్ చేసేవారు

అవన్నీ ఏమిటో కూడా తెలియదు. అందులో ఒకయాప్ కు ఏదో గ్రామ్ అని లాస్ట్ అక్షరాలుంటాయి. ఆ యాప్ నాకు భలే నచ్చింది. నేను ఫొటోలు దిగి అప్ లోడ్ చేస్తే చాలు చాలా మంది అమ్మాయిలు లైక్ లు కొట్టేవారు.

బానిస అయిపోయాను

రానురాను నేను ఆ యాప్ కు బానిస అయిపోయాను. ఒక్కరోజు యాప్ ఓపెన్ చేయకుంటే చాలు సతమతం అయిపోవాణ్ని. ప్రపంచం ఏమైపోతుందో అన్నట్లుగా ఆందోళన చెందేవాణ్ని. ఒక్కోసారి రాత్రంతా నిద్రపోకుండా సోషల్ మీడియాలోనే గడిపేవాణ్ని.

అమ్మాయిలతో పరిచయం

అంతలా నాకు పిచ్చిపట్టుకుంది. ఈ క్రమంలో నాకు కొందరు అమ్మాయిలు సోషల్ మీడియాలో పరిచయం అయ్యారు. వారంతా కూడా ఒక ఉమెన్స్ హాస్టల్ లో ఉంటారు. వాళ్ల ఫొటోలకు నేను రోజూ కామెంట్స్ పెట్టేవాణ్ని.

ముగ్గురమ్మాయిలతో చాటింగ్

వాళ్లు ఏం పోస్ట్ చేసినా సరే సూపర్బ్ అంటూ మెచ్చుకునేవాణ్ని. క్రమంగా వాళ్లతో రోజూ చాటింగ్ చేయడం మొదలుపెట్టాను. ఒకేసారి ముగ్గురు అమ్మాయిలు నాతో చాట్ చేసేవారు. నేను నా ఫొటోలు పంపితే వాళ్లు కూడా ఫొటోలు పంపేవారు.

అందరికీ ఐ లవ్ యూ చెప్పా

అమ్మాయిలు నేను ఏది అడిగినా కాదు అనరని అనుకునేవాణ్ని. అందుకే వాళ్లతో ఎలా అంటే అలా మెసేజెస్ చేసేవాణ్ని. మొదట ఒక అమ్మాయికి ఐలవ్ యూ చెప్పాను. తను నో చెప్పింది. సరే అని మరో అమ్మాయికి చెప్పాను. తను కూడా నో అంది. మూడో అమ్మాయికి అలాగే మెసేజ్ చేశాను. తను కాస్త టైమ్ కావాలంది.

ముగ్గురితో గడపాలని ఉంది

సరే వెయిట్ చేస్తాను అని చెప్పాను. తర్వాత తనని మరో మాట అడిగాను. నీతో పాటు మిగతా నీ ఇద్దరు ఫ్రెండ్స్ ఉన్నారు కదా.. మీ ముగ్గురితో రాత్రంతా నాకు గడపాలని ఉంది అన్నాను. అలాగా దానికేముంది ఒక రోజు రాత్రి హాస్టల్ కు రా..గడుపుదువులే అంది.

నేను ఒప్పిస్తాను అంది

వాళ్లు ఒప్పుకుంటారా అని అడిగాను. ఎందుకు ఒప్పుకోరు.. నేను ఒప్పిస్తాను అంది. ఇక ఆ రోజు నా ఆనందానికి అవధుల్లేవు. ఉదయమే రెడీ అయి సిటీకి బయల్దేరాను. తను సాయంత్రం రమ్మని చెప్పడంతో కరెక్ట్ ఆ టైమ్ కు తను చెప్పిన అడ్రస్ కు గంపెడాశలతో వెళ్లాను.

తిట్టని తిట్టు తిట్టకుండా..

సాయంత్రం నేను తను ఇచ్చిన అడ్రస్ కు వెళ్లాను. లోపలకి రమ్మంది.. ఆనందంతో స్టెప్స్ వేస్తూ లోపలికి వెళ్లాను. అంతే. నన్ను తిట్టని తిట్టు తిట్టకుండా.. కొట్టని చోట కొట్టకుండా కొట్టారు. అక్కడ ఎవరెవరున్నారని ముఖాలు చూసేంత టైమ్ కూడా నాకు లేకుండా చేశారు.

ఎవ్వరికీ చెప్పుకోలేదు

పోలీస్ కంప్లైట్ ఇచ్చి లోపల పెట్టిస్తాం అన్నారు. వెంటనే బస్ ఎక్కి మా ఊరికి వచ్చేశాను. నాకు జరిగిన ఈ అవమానాన్ని ఎవ్వరికీ చెప్పుకోలేదు. రోజూ పొలం దగ్గర హ్యాపీగా పనులు చేసుకుంటూ ఎంజాయ్ చేసే నేను సోషల్ మీడియాకు అలవాటు కావడంతో చివరకు తన్నులు తినాల్సి వచ్చింది.

మోసపోకండి

సోషల్ మీడియాను మంచికి ఉపయోగించుకుంటే చాలా మేలు చేస్తుంది. దాన్ని మరోరకంగా ఉపయోగించుకుంటే దాని ఫలితం కూడా అలాగే ఉంటుంది. సో ఫ్రెండ్స్ నాలా మీరు ఎవ్వరూ మోసపోకూడదని కోరుకుంటున్నాను.

జీవితాలను నాశనం చేసుకోకండి

ముక్కు మొహం తెలియని వారితో సోషల్ మీడియాలో గంటల తరబడి చాటింగ్ చేస్తూ మీ జీవితాలను నాశనం చేసుకోకండి. అదే సమయాన్ని మీ కెరీర్ పై పెడితే మీ లైఫ్ మరోలా ఉంటుంది. సోషల్ మీడియా భూతానికి దూరంగా ఉండండి.