అధ్యయనం! శృంగారంలో మాస్కులతో పాటు అవి తప్పకుండా వాడాలంట...!

కలయికకు దూరమంటే కష్టం..

కొంతమందికి వ్యక్తిగత విషయానికొస్తే, లైంగిక కార్యకలాపాలకు దూరంగా ఉండటం అనేది అస్సలు సాధ్యం కాదు. ఇలాంటి పరిస్థితిలో మీరు స్వీయ నిర్బంధంలో ఉండే వ్యక్తులతోనే లైంగిక సంబంధం పెట్టుకోవడమే మేలని ఈ అధ్యయనం చెబుతోంది. అనల్స్ ఆఫ్ ఇంటర్నల్ మెడిసిన్ లో ప్రచురించబడిన ఈ అధ్యయనానికి డాక్టర్ జాక్ టర్బన్ నాయకత్వం వహించారు.

సంయమనం పాటించాలి..

ఈ కరోనా వంటి సమయంలో మీరు కలిసి జీవించలేకపోతే.. కొంత సంయమనం పాటించాలి. అలా సాధ్యం కాదని ఎవరైతే అనుకుంటారో... ఎవరికైతే కలయికలో పాల్గొనాలని ఆరాటం ఎక్కువగా ఉంటుందో వారు కచ్చితంగా మాస్కులను ధరించాలని, ముద్దుల వంటి వాటికి కొన్నిరోజులు పుల్ స్టాప్ పెట్టాలని సూచించారు.

వీర్యంలో కరోనా వైరస్..

తమ అధ్యయనంలో వీర్యం కరోనా వైరస్ కలిగి ఉంటుందని స్పష్టం అయ్యిందని.. కాబట్టి బ్లో జాబ్ వంటివి నివారించడం మరియు సురక్షిత కలయిక వంటి జాగ్రత్తలు తీసుకోవాలని ఈ అధ్యయనం సిఫార్సు చేస్తోంది.

హస్తప్రయోగం..

కొందరు కరోనా వైరస్ సమయంలో భాగస్వామితో కలయికలో పాల్గొనకుండా హస్తప్రయోగం వంటి ప్రత్యామ్నాయ మార్గాలను అనుసరించొచ్చు. ఇలా చేయడం వల్ల కూడా అచ్చం శృంగారంలో పాల్గొన్న భావప్రాప్తి కలిగే అవకాశం ఎక్కువగా ఉందని సూచిస్తున్నారు నిపుణులు.

ఫోన్ సెక్స్..

ప్రస్తుతం దాదాపు ప్రతి ఒక్కరితో స్మార్ట్ ఫోన్లు ఉన్నాయి. కాబట్టి మీరు సెక్స్ వంటి కార్యకలాపాలకు ఈ ఫోన్లను వాడుకోవచ్చన్నారు. వీడియో కాల్స్ చేయడం.. ఫోన్ సెక్స్ చేయడం వంటివి చేయొచ్చని ఈ అధ్యయనం సిఫార్సు చేస్తుంది. దీని వల్ల కపుల్స్ మంచి అనుభూతిని పొందుతారని చెబుతోంది.

కండోమ్స్ తప్పనిసరి..

మీరు ఎవరైనా కొత్త భాగస్వాములతో శృంగారంలో పాల్గొనేటప్పుడు మాత్రం కచ్చితంగా కండోమ్ వాడాలంటున్నారు. అలాగే కిస్ చేసుకోవడం.. ఫేస్ టు ఫేస్ కాంటాక్ట్ నిరోధించాలన్నారు.