వింతలకే వింత... విమానంతో వివాహమాడనున్న ఆ మహిళ... మీరు విన్నది నిజమే...

ఆరేళ్ల క్రితమే..

బెర్లిన్ కు చెందిన మిచెల్ కోబ్కే 2014లో బోయింగ్ 737 విమానాన్ని చూసింది. అంతే అప్పటి నుండి తన మనసంతా దానిపైనే ఉండిపోయిందట. తొలి చూపులోనే అది తెగ నచ్చిందట.అంతే అప్పటి నుండి ఆ విమానంతో ప్రేమలో పడిపోయిందట..

ఊహాల్లో తేలుతూ..

అప్పటినుండి నిత్యం ఆ విమానం గురించి ఊహాల్లో తేలియాడుతూ ఉండేదట. అంతేకాదు దానికి ‘స్కాట్జ్ (డార్లింగ్)‘ అని ముద్దు పేరు కూడా పెట్టేసిందట.

2019లో తొలి ముద్దు..

ఇక 2019 సంవత్సరంలో 40 టన్నులు ఉన్న జెట్ ను తొలిసారిగా ముద్దు పెట్టుకున్నట్లు తెలిపింది. అలా ఆ విమానంపై తనకు ఎంత ప్రేమ ఉందో చెప్పే ప్రయత్నం చేసింది. అంతేకాదు విమానాన్ని ముద్దు పెట్టుకున్న క్షణాన్ని తన జీవితంలో మరచిపోలేను అంటోంది.

ఇలాంటి క్షణాల్ని..

తన జీవితంలో ఇలాంటి క్షణాల్ని శాశ్వతం చేసుకునేందుకు ఆ విమానాన్ని వివాహం చేసుకోనున్నట్లు చెప్పుకొచ్చింది. తొలుత ఈ విమానంతో పెళ్లి విషయం చెప్పగా తన తల్లిదండ్రులు అయోమయానికి గురయ్యారట. అయితే ఆ తర్వాత వారు ఈ నిర్ణయాన్ని స్వాగతించారట.

నెదర్లాండ్ లో పెళ్లి..

ఈ సంవత్సరం మార్చి నెల 18వ తేదీన తన కలల జెట్ బోయింగ్ 737 నెదర్లాండ్ దేశంలో వివాహం చేసుకోనున్నట్లు సోషల్ మీడియా ద్వారా వెల్లడించింది. ఈ విమానాన్ని ఆరేళ్లుగా ప్రాణప్రదంగా ప్రేమిస్తున్నట్లు కూడా వివరించింది. అంతే కాదండోయ్ ఎప్పుడూ వైట్ డ్రెస్ వేసుకునే ఆమె.. పెళ్లి రోజు బ్లాక్ డ్రెస్ వేసుకుంటుందట.

తనని చూడగానే...

అంతేకాదు ‘తనతో గత ఆరేళ్లుగా డేటింగ్ చేస్తున్నట్లు చెప్పింది. ఎయిర్ పోర్టులో ఎప్పుడూ ఈ జెట్ ను కేవలం కిటికి దగ్గర నుంచే కలుసుకునే దాన్ని.. దీంతో ఉన్నంత సేపు నాకు సమయం అనేదే తెలియదు.. ఈ జెట్ యొక్క వింగ్స్, వింగ్లేట్స్, థ్రస్టర్లను చూడగానే ఆకర్షితులిరాలిని అయ్యాను‘‘ అని తెలిపింది.

దీనిపై వైద్యులు ఏమంటున్నారంటే..

ఈ ప్రపంచంలో చాలా మంది చాలా వస్తువులను ఇష్టపడతారు. వాటికి ప్రాణం లేకపోయినా.. వాటిని ప్రాణప్రదంగా చూసుకుంటారు. వారి పర్మిషన్ లేకుండా ఎవరైనా వాటిని తాకితే తెగ కోపం తెచ్చుకుంటారు. అయితే వస్తువులను తమ భాగస్వామిగా ఊహించుకోవడం అనే దానిని ఓ వ్యాధి అని వైద్యులు చెబుతున్నారు.

అబ్జెక్టోఫీలియా వ్యాధి..

అబ్జెక్టోఫీలియా వ్యాధి (ఆబ్జెక్టు సెక్సువాలిటీ) అనే ఓ డిజార్డర్ తో ఆ అమ్మాయి బాధపడుతుందని వైద్యులు స్పష్టం చేశారు. ఈ స్థితిలో ఉన్న వారంతా వస్తువులను చూస్తూ.. వాటితో రొమాన్స్ చేయాలని భావిస్తారట.

All Images Credited to :airlover737instagram