చాణక్య నీతి : ఈ లక్షణాలుండే వారిని అస్సలు వదులుకోకండి...

మంచి సేవకుడు..

ఆచార్య చాణక్యుని ప్రకారం, ఏదైనా ముఖ్యమైన పనిని చేసేటప్పుడు ఒక మంచి సేవకుడిని గుర్తించాలి. ఎందుకంటే సేవకులు వారి మంచి లక్షణాల వల్ల ఎన్నుకోబడతారు. అతను మంచి పని చేయగలిగితే అతని విశ్వాసం మాత్రమే బలపడుతుంది. అయితే అతను తప్పుడు పనులు చేస్తే అతడు మంచి సేవకుడు కాదని అర్థం.

ఇబ్బందుల్లో ఉన్న సమయంలో..

క్లిష్ట సమయాల్లోనే సోదర, సోదరీమణులు గుర్తించబడతారని చాణక్యుడు చెప్పాడు. ఎందుకంటే ఆనందకరమైన సమయంలో ప్రతి ఒక్కరూ కూడా మీకు మద్దతు ఇస్తారు. అయితే మీకు ఏదైనా ఆపద కలిగినప్పుడు మాత్రం చాలా మంది సొంతవాళ్లు మొహం చాటేస్తారు. అందువల్ల మీకు ఎవరైతే కష్టాల్లో ఉన్నప్పుడు అండగా ఉంటారో వారిని మాత్రమే గుర్తంచుకోవాలి. ఎందుకంటే సహకారం, మమకారం ఉన్నచోటే బంధుత్వం, ప్రేమ, ఆప్యాయత, శ్రేయస్సు ఉంటుంది.

నిజమైన స్నేహితులు..

మీరు ఇబ్బందుల్లో ఉన్న సమయంలో మాత్రమే నిజమైన స్నేహితుడు గుర్తించబడతాడు. మీరు కష్టాల్లో ఉన్నప్పుడు మిమ్మల్ని ఆదుకునే స్నేహితుడే నిజమైన స్నేహితుడు అని పిలవడానికి అర్హుడు. అలాగే, మీరు బాగున్నప్పుడు మీతో బాగా కలిసిమెలసి తిరిగి, మీరు విచారంగా ఉన్నప్పుడు, విలువల గురించి మాట్లాడి మీ నుండి దూరమయ్యే స్నేహితుడు, నిజమైన స్నేహితుడు కాదని గుర్తుంచుకోవాలి.

జీవిత భాగస్వామి గురించి..

మీతో సంపద నిండుగా ఉన్నప్పుడు కాకుండా.. మీతో సంపద లేనప్పుడు మీ జీవిత భాగస్వామిని గుర్తించాలని చాణక్య సూచించాడు. ఏ సమయం వచ్చినా, జీవిత భాగస్వామి మీతో ఉంటే, మీ కష్టాలు ఎంత పెద్దవైనా ఇట్టే తొలగిపోతాయని చెప్పాడు. అయితే మీ జీవిత భాగస్వామి క్లిష్ట సమయాల్లో మీకు సరైన మార్గదర్శకత్వం ఇచ్చి మీతో సమన్వయంగా పని చేస్తే అలాంటి భాగస్వామిని మీరు నిజమైన భాగస్వామిగా భావించాలి.