పెళ్లైన వారి కంటే.. సింగిల్ గా ఉంటేనే ఎక్కువ ఆనందంగా ఉంటారట...! ఎందుకో తెలుసా..?

పెళ్లి అపొహల గురించి..

లండన్ స్కూల్ ఆఫ్ ఎకనామిక్స్ కి చెందిన బిహేవియర్ సైన్స్ ప్రొఫెసర్ పౌల్ డోలన్ పెళ్లి చేసుకున్న వారి కంటే సింగిల్ గా ఉండేవారు ఆడవారైనా.. మగవారైనా జీవితం చివరివరకూ చాలా హ్యాపీగా ఉంటారట.

పెళ్లి తర్వాత..

ఆ ప్రొఫెసర్ రాసిన హ్యాపీ ఎవర్ ఆఫ్టర్ : ఎస్కేపింగ్ ద మిత్స్ పర్ఫెక్ట్ ఆఫ్ లైఫ్ అనే పుస్తకంలో పెళ్లికి సంబంధించిన అపొహల గురించి.. పెళ్లి తర్వాత జీవితంలో ఎదురయ్యే ప్రభావాల గురించి ఆయన చెప్పుకొచ్చారు. ఇటీవలే ఈ విషయంపై తన అభిప్రాయాన్ని కూడా పంచుకున్నారు.

ఆనందం ఉండదని..

పెళ్లి చేసుకున్న వ్యక్తులు ఆనందంగా ఉండాలంటే.. తమ పార్ట్ నర్ తో కేవలం పడకగదిలో ఉండి వారితో మాట్లాడుతూనే ఉండాలని అలా జరగకపోతే వారిలో హ్యాపీ అనేదే ఉండదని వెల్లడించారు. అదే పెళ్లి అయిన వారితో కంపేర్ చేస్తే పెళ్లి కాని వారికి ఇలాంటి ఇబ్బందులేవీ ఉండవట.

చాలా బాధగా..

అదే విధంగా పెళ్లి చేసుకున్న వారు తమ పడకగదిలో తమ పార్ట్ నర్ లేకపోయినా కూడా హ్యాపీగా ఫీలవ్వరు. ఎందుకంటే తమ పార్ట్ నర్ తమ గదిలో లేకపోతే వారు ఏదో కోల్పోయినట్టుగా.. చాలా బాధగా ఫీలవుతారట.

మగవారికి కొంత హ్యాపీ..

అయితే ఈ బాధ ఎక్కువగా ఆడవారికి ఎక్కువగా ఉంటుందట. మగవారికి మాత్రం పెళ్లి చేసుకున్న తర్వాత కొంత ఆనందం లభిస్తుందని చెప్పారు. అదే పెళ్లి చేసుకున్న ఆడవారు మాత్రం తమ ఆనందాన్ని కోల్పోతున్నారు.

ఒత్తిడి తట్టుకోలేరు..

పెళ్లి చేసుకున్న వారికి మొదటి మూడు రోజులు లేదా మూడు నెలలు బాగున్నప్పటికీ.. ఆ తర్వాత నుండి అసలైన పరీక్ష మొదలవుతుంది. భార్య బాధ్యత.. పిల్లలు పుట్టాక ఖర్చులు ఇతర సమస్యలు, ఒత్తిడి పెరిగిపోతాయి. దీన్ని వారు తట్టుకోలేరట.

ఫ్యామిలీ లైఫ్..

అప్పటిదాకా ఒంటరిగా హాయిగా ఎంజాయ్ చేసిన వారికి, అకస్మాత్తుగా ఫ్యామిలీ లైఫ్ అంటే చాలా కష్టంగా ఉంటుంది. ఎందుకంటే ఫ్యామిలీ గురించి వారికి పెద్దగా తెలియకపోవడం ఒక ఎత్తు అయితే.. అత్త,మామయ్యలు, పిల్లలు, బంధువుల నుండి ఎప్పుడు ఎలాంటి ప్రశ్నలు ఎదురవుతాయో తెలీదు.

ఎక్కడికి వెళ్లాలన్నా..

సింగిల్ గా ఉన్నప్పుడు ఎక్కడికైనా ఎప్పుడైనా.. ఎలాగైనా హాయిగా వెళ్లొచ్చు. అది సినిమా అయినా.. జర్నీ అయినా.. ఇంకేదైనా.. అదే పెళ్లి అయినప్పుడు మాత్రం వీటన్నింటికీ బ్రేక్ చెప్పాల్సిందే. ఎక్కడికి వెళ్లాలన్న జంటగా వెళ్లాల్సి వస్తుంది. ప్రతి దానికీ ఒక టైం అంటూ మెయింటెయిన్ చేయాలి.