‘పెళ్లైన వ్యక్తిని ప్రేమిస్తే తప్పా? తనతో కలిసి జీవితాన్ని పంచుకోలేనా’

ఏడాది కాలంగా..

తను.. నేను ఓ రోజు అనుకోకుండా కాలేజీ దగ్గర కలుసుకున్నాం. సినిమాల్లో చూపినట్టుగానే ముందుగా కళ్లు కళ్లు కలిశాయి.. తర్వాత మాటలతో పరిచయం పెరిగింది.. అప్పటి నుండి ఫోన్ నెంబర్లు మార్చుకున్నాం.. రెగ్యులర్ గా టచ్ లో ఉండే వాళ్లం. అలా ఏడాది వరకు ఆనందంగా గడిపాం.

పెళ్లి గురించి తెలీదు..

అలా నేను తనతో ప్రేమలో పడిపోయాను. కానీ తనకు పెళ్లయ్యిందన్న విషయం నాకు తెలియదు. అయితే ఏడాది తర్వాత తనకు పెళ్లై, ఇద్దరు పిల్లలు కూడా ఉన్నారని తెలిసింది. అప్పుడే నాకు ఆశ్చర్యమేసింది. అయితే నేను ఆగిపోవాలని అనుకోలేదు. ఎందుకంటే నేను తనతో గాఢమైన ప్రేమలో పడిపోయాను. భవిష్యత్తులో నేను కూడా విజయం సాధిస్తాననే నమ్మకం ఉంది.

భార్యతో సమస్యలు..

తను వాళ్ల భార్యతో ఏదో సమస్యతో ఇబ్బంది పడుతున్నాడని మాత్రం తెలుసు. అలాగే వాళ్ల ఫ్యామిలీలో కూడా కొన్ని గొడవలు జరుగుతున్నాయని స్పష్టంతా తెలుసు. ఆ ఇంట్లో సంతోషం దొరకడం లేదు కాబట్టే.. తను పక్క చూపులు చూస్తున్నాడని నేను అనుకున్నాను. అందుకే తను కూడా నన్ను ప్రేమించడం మొదలుపెట్టాడు.

నా కంటే ఎక్కువగా..

నేను తనను ఎంతలా ప్రేమిస్తున్నానో.. తను నా కంటే ఎక్కువగా ప్రేమిస్తున్నాడు. ఎందుకంటే తన భార్య కన్నా నేను తనని ఎక్కువగా అర్థం చేసుకున్నాను. అయితే నా ప్రియుడు మాత్రం ఫ్యామిలీకి ప్రియారిటీ ఇచ్చేవాడు. వారిని వదిలిపెట్టి నాతో తిరిగేందుకు రమ్మంటే వచ్చేవాడు కాదు. తను బంధాలకు మంచి ప్రియారిటీ ఇస్తాడు.

ఫ్యామిలీకే ప్రాధాన్యత..

తను ఎల్లప్పుడూ తొలి ప్రాధాన్యత వారి కుటుంబానికే ఇచ్చేవాడు. వాళ్లతోనే ఎక్కువ సమయం గడిపేవాడు. వారి పిల్లలను, భార్యను బయటకు తీసుకెళ్లేవాడు. అందులో నాకేం తప్పు కనిపించలేదు. నేను తన బాధ్యతలను అర్థం చేసుకున్నాను.

తన ప్రేమను పొందుతున్నా..

అంత మంచి వ్యక్తిని ప్రేమించినందుకు నాకు చాలా సంతోషంగా ఉంది. అయితే తన భార్య మాత్రం అది కోల్పోతుంది. తను సరిగ్గా చూసుకోకపోవడం వల్లే కదా.. తను నా వైపు చూపులు కలిపాడు. నాతో కలిశాడు. తిరిగాడు. అంతేకాదు తనకు విడాకులిచ్చేందుకు కూడా సిద్ధమయ్యాడు.

అందరూ వ్యతిరేకిస్తున్నారు..

ప్రస్తుతం నేను చాలా ఫ్రస్టేషన్లో ఉన్నాను. ఈ సమస్య నుండి నేను ఎలా బయటపడాలి.. నేను నా ప్రియుడితో కలిసి ఆనందంగా జీవించేందుకు ఏం చేయాలి' అని ఓ మహిళ నిపుణులను సంప్రదించింది.. అందుకు వారు ఏం సమాధానం చెప్పారనే ఆసక్తికరమైన విషయాలను ఇప్పుడు తెలుసుకుందాం...

ఇంకో దారి లేదా?

ఇది విన్న నిపుణులు ముందుగా తనకే ఒక ప్రశ్న వేశారు? మంచి పరిష్కారం అంటే మీరు ఏమి అనుకుంటున్నారు? సమాజానికి వ్యతిరేకంగా, చట్టానికి వ్యతిరేకంగా ఉన్న పని చేయాలనుకుంటున్నారు మీరు. తనే ఎందుకు కావాలనుకుంటున్నారు? ఇంకో మార్గం లేదనుకుంటున్నారా? అని ప్రశ్నించారు.

విసుగొచ్చిందట..

ఇందుకు తను చెప్పిన సమాధానం విని వారు ఆశ్చర్యపోయారు. ఎందుకంటే తను ఇలాంటి ప్రశ్నలని ఇది వరకే ఫ్యామిలీ, ఫ్రెండ్స్ తో విని విని విసుగొచ్చిందని చెప్పింది. ఆ తర్వాత తన ప్రియుడి ఏమనుకుంటున్నారని ప్రశ్నలడిగారు. అప్పుడు తను ఇలా చెప్పింది.

విడాకులకు సిద్ధం..

తన ప్రియుడు కూడా భార్యకు విడాకులిచ్చేందుకు సిద్ధంగా ఉన్నట్లు చెప్పింది. దీంతో వారు భవిష్యత్తులో ఎదురయ్యే సమస్యల గురించి చెప్పారు. ఒకవేళ మీరు తనని పెళ్లి చేసుకుంటే.. అందరి నుండి దూరంగా వెళ్లిపోవాల్సి ఉంటుంది. ఎందుకంటే అందరూ మిమ్మల్ని వ్యతిరేకిస్తున్నారు. దీనికి మీరు రెడీగా ఉన్నారని మానసికంగా సిద్ధం కావాల్సి ఉంటుంది. అన్నింటికంటే ముందుగా తను భార్యకు విడాకులిచ్చి, ధైర్యంగా ముందుకొచ్చేలా చేస్తే.. మీకు ఎలాంటి బాధ ఉండదు. ఇలా చేయడం వల్ల తన భార్యకు కొంత బాధ కలిగినా.. మీరు హ్యాపీగా ఉండొచ్చని నిపుణులు సమాధానం ఇచ్చారు.