ఫుల్ మీల్స్ తిన్నాక.. ఫుల్ రొమాన్స్ చేయొచ్చా?

రాత్రి, పగలు తేడా లేకుండా..

చాలా మంది జంటలు ప్రస్తుతం కరోనా లాక్ డౌన్ నేపథ్యంలో ఇళ్లకే పరమితమవ్వడంతో ఆ కార్యంపై ఎక్కువ శ్రద్ధ చూపుతున్నారట. ఇది వరకు ఎక్కువగా రాత్రి సమయంలోనే ఆసక్తి చూపే జంటలు ప్రస్తుతం రాత్రి, పగలు అనే తేడా లేకుండా రెచ్చిపోతున్నారట.

భోజనం తిన్న వెంటనే..

అయితే చాలా మంది జంటలు భోజనం తిన్న వెంటనే కలయికలో పాల్గొనేందుకు ఆసక్తి చూపుతున్నారట. అయితే ఇలా వెంటనే కలయికలో పాల్గొంటే, తమలో ఎక్కువ శక్తి ఉండి ఆ ఘట్టాన్ని బాగా ఆస్వాదిస్తామని చాలా మంది భావిస్తారని, కానీ ఇందులో ఏ మాత్రం వాస్తవం లేదని చెబుతున్నారు నిపుణులు. భోజనం చేశాక ఎక్కువగా కలయికలో పాల్గొంటే కడుపులో మంట, అసిడిటీ వంటి సమస్యలు వచ్చే అవకాశాలు ఉన్నాయని హెచ్చరిస్తున్నారు.

ఆయుర్వేదంలోనూ..

ఇదే కలయిక గురించి ఆయుర్వేద నిపుణులు కూడా ఆసక్తికరమైన విషయాలను చెబుతున్నారు. అర్థరాత్రికి ముందు కలయికలో పాల్గొంటే మంచిదని చెబుతున్నారు. ఎందుకంటే అప్పుడు నిద్ర పోవడానికి మంచి సమయం ఉంటుందని సూచిస్తున్నారు. అదే విధంగా పౌర్ణమి వంటి సమయంలో కలయికలో పాల్గొంటే చాలా ప్రయోజనాలు ఉన్నాయని చెబుతున్నారు. ఇలా చేయడం వల్ల ఆలుమగలిద్దరూ కూడా ఆ కార్యాన్ని బాగా ఆస్వాదించగలరని చెబుతున్నారు.

ఉదయం సమయంలో..

అయితే సైన్స్ ప్రకారం ఉదయం 6 గంటల నుండి 8 గంటల మధ్య పురుషులకు కలయికలో పాల్గొనాలనే కోరికలు ఎక్కువగా ఉంటాయట. ఈ సమయంలో వారి శక్తి కూడా బాగా ఎక్కువగా ఉంటుదట. అయితే మహిళల్లో మాత్రం ఇందుకు విరుద్ధంగా ఉంటుందట. కాబట్టి ఈ సమయంలో కలయికలో మెరుగైన ఫలితాలు రాకపోవచ్చని నిపుణులు చెబుతున్నారు.

స్త్రీలకు ఆ సమయంలో..

అయితే అమ్మాయిలకు ఉదయం 8 నుండి 10 గంటల మధ్య ఎండార్ఫిన్లు అనే హార్మోన్లు విడుదలవుతాయి. కాబట్టి ఈ సమయంలో మహిళలకు కోరికలు ఎక్కువగా పెరుగుతాయట. కానీ అబ్బాయిలకు ఈ సమయంలో కోరికలు తగ్గిపోతాయని నిపుణులు చెబుతున్నారు. కానీ, ఇద్దరికీ ఇష్టమైతే ఆ సమయంలో కూడా కలయికలో పాల్గొనవచ్చని చెబుతున్నారు నిపుణులు.

మధ్యాహ్న వేళలో..

అదేవిధంగా మధ్యాహ్నం 2 నుండి సాయంత్రం 4 గంటల మధ్య స్త్రీ ప్రత్యుత్పత్తి వ్యవస్థ బాగా పని చేస్తుందట. అంతేకాదు, ఈ సమయంలో పురుషుల నుండి విడుదలయ్యే వీర్యంలో కూడా నాణ్యత ఎక్కువగా ఉంటుందట.. కాబట్టి ఈ సమయంలో కలయికలో పాల్గొంటే గర్భం దాల్చే అవకాశం ఎక్కువగా ఉంటుందని చెబుతున్నారు. అలాగే రాత్రి 8 నుండి 10 గంటల వరకు భార్యభర్తలిద్దరిలోనూ శక్తి బాగా పెరుగుతుందట. ఇలా పెరగడం వల్ల కలయికకు చాలా అనువుగా ఉంటుదట.

అప్పుడే మెరుగైన ఫలితాలు..

కలయిక విషయంలో సమయాన్ని చూసినట్టుగానే కాలాన్ని కూడా చూడాలంటున్నారు నిపుణులు. సాధారణంగా చాలా మందికి అన్ని కాలాల్లోనూ విభిన్నంగా ఉంటుదట. కాబట్టి కలయికలను కాలాలను బట్టి చేయడం మంచిదని చెబుతున్నారు. అన్ని కాలాలతో పోలిస్తే, శీతాకాలంలో కలయికల వల్లే అనేక లాభాలు ఉంటాయని చెబుతున్నారు. గర్భం కోసం ఎదురుచూసే వారు ఈ సమయంలోనే కలవడం వల్ల మెరుగైన ఫలితాలు ఉంటాయని చెబుతున్నారు.