ఫస్ట్ బ్రేకప్.. ఫస్ట్ ఎంగేజ్ మెంట్.. మరెన్నో సంగతులు షేర్ చేసుకున్న కాజల్...!

కాజల్ ఫస్ట్ లవ్..

కాజల్ అగర్వాల్ ఇప్పటికీ విజయవంతమైన హీరోయిన్ గా రాణిస్తోంది. అలాంటి అందాల భామకు కూడా ఫస్ట్ లవ్, ఫస్ట్ బ్రేకప్ స్టోరీ ఉందట. ఇండస్ట్రీకి వచ్చిన తొలి రోజుల్లో తాను ఓ అబ్బాయితో ప్రేమలో పడిందట.

ఫస్ట్ బ్రేకప్..

అయితే కొన్ని కారణాల వల్ల తనకు బ్రేకప్ చెప్పిందట. అంతేకాదు ఆ అబ్బాయి కొన్ని నియమ నిబంధనలు పెట్టాడట. అవి తనకు నచ్చకపోవడంతో ఆ ప్రేమను వదులుకుందట.

సినీ రంగంపై చెడు అభిప్రాయం..

తను ప్రేమించిన వ్యక్తికి సినిమా రంగంపై కూడా మంచి అభిప్రాయమనేదే లేదట. అంతేకాదు తనను కూడా ఈ సినీ రంగం నుండి తప్పుకోమని ఒత్తిడి చేసేవాడట. అదే సమయంలో తాను హీరోయిన్ బిజీ కావడంతో.. అతనితో గడిపేందుకు సమయం దొరకకపోవడంతో తనకు దూరమైనట్లు చెప్పుకొచ్చింది.

ఓ రియాల్టీ షోలో..

ఇటీవల ఓ రియాల్టీ షోలో పాల్గొన్న కాజల్ బ్రేకప్ గురించి కొన్ని ఆసక్తికరమైన వ్యాఖ్యలు చేసింది. ‘మంచో.. చెడో.. లవ్ లో ఫెయిల్ అయితే లైఫ్ ఎండ్ అయినట్లు కాదు. నెమ్మదిగా ఆ బాధ నుండి బయటకు వచ్చేయాలి. బ్రేకప్ తర్వాత కొత్త జీవితం ప్రారంభించాలి..' అంటూ వేదాంత ధోరణిలో మాట్లాడింది.

తనకు కాబోయే భర్త గురించి..

మరోవైపు అదే సమయంలో తనకు కాబోయే శ్రీవారికి ఎలాంటి లక్షణాలు ఉండాలో కూడా అప్పుడే డిసైడ్ చేసుకుందట. ముఖ్యంగా అతను సినీ పరిశ్రమకు చెందిన వ్యక్తి కాకూడదని.. అతనికి ఎక్కువగా దైవ భక్తి ఉండాలని చెప్పుకొచ్చింది కాజల్.

పెళ్లి కళ వచ్చేసింది..

ఇదిలా ఉండగా.. ఇప్పటివరకు సినిమాల్లో బిజీగా ఉన్న కాజల్.. తన జీవితంలో ఇంతవరకు పెళ్లి అనే టాపిక్ రాలేదని చెప్పింది. కానీ కరోనా వంటి మహమ్మారి సమయంలో తనకు ఆ సమయం వచ్చినట్టు కనిపించిందని చెప్పుకొచ్చింది.

తాజాగా ముంబై బిజినెస్ మెన్ ని..

అందరూ ఊహించినట్టుగానే కాజల్ అగర్వాల్ తన పెళ్లి గురించి స్వయంగా ప్రకటించింది. సోషల్ మీడియా ద్వారా తాను ముంబైకి చెందిన బిజినెస్ మ్యాన్ గౌతం కిచ్లును త్వరలో పెళ్లి చేసుకోబోతున్నట్లు ప్రకటించింది. అక్టోబర్ 30వ తేదీన అతి కొద్ది మంది ఆత్మీయుల మధ్య తన పెళ్లి జరగనున్నట్టు వివరించింది. పెళ్లి తర్వాత తాను సినిమాలను చేస్తానని, ఇప్పటివరకు తనను ఆదరించిన అభిమానులందరికీ ధన్యవాదాలు చెబుతూ.. తన కొత్త జీవితానికి కూడా మీ ఆశీర్వాదాలు కావాలని కోరుకుంటున్నట్టు విజ్ణప్తి చేసింది.

ఎందరో హీరోయిన్లు..

ప్రేమలో పడటం.. వివిధ కారణాల వల్ల బ్రేకప్ చెప్పడం వంటి విషయాల్లో కాజల్ లాంటి బాధితులు సినీ ఇండస్ట్రీలో చాలా మందే ఉన్నారు. నయనతార, హన్సిక, దీపికా పదుకొనే, సమంత, అమలాపాల్, శ్రుతి హాసన్ వంటి హీరోయిన్ల అందరూ ఈ బ్రేకప్ బాధను అనుభవించి బయటపడ్డవారే. మానసిక స్థైర్యం విషయంలో వారిని మనం ఆదర్శంగా తీసుకుంటే.. మనం కూడా వారిలాగే విజయవంతంగా జీవితాన్ని రన్ చేయొచ్చు. ఇది కేవలం సినిమా రంగం వారికే కాదు.. అన్ని రంగాల్లో రాణించే వారికి వీరి జీవితాలు ఆదర్శంగా నిలబడతాయనడంలో ఎలాంటి సందేహం లేదు.

Image courtesy : Twitter