మీ భర్త ‘ఇలా’ ప్రవర్తిస్తే.. ఫేక్ రిలేషన్ షిప్ లో ఉన్నట్టే..!

మాటలు తగ్గిస్తారు..

తను ఎంత బిజీగా ఉన్నా.. వీలు చేసుకుని మరీ ఎప్పుడూ మీతో ఆప్యాయంగా మాట్లాడే మీ భాగస్వామి అకస్మాత్తుగా మీతో మాటలు తగ్గించడం.. సోషల్ మీడియాలో మీ ఫొటోలకు, వీడియోలకు కామెంట్ చేయకపోవడం.. కనీసం లైక్ కొట్టకపోవడం వంటివి చేస్తే మీరు కాస్త ఆలోచించాల్సిందే.

ఇతర స్త్రీ ఫొటోలకు లైక్ కొట్టడం..

మనలో చాలా మంది సోషల్ మీడియాలో ఫ్రెండ్స్, రిలేటివ్స్, ఫ్యామిలీ మెంబర్స్ ఫొటోలకు లైక్స్, కామెంట్స్ పెట్టడం చాలా కామన్. అయితే మీ భాగస్వామి మీ ఫొటోకు తప్ప ఇతర స్త్రీల ఫొటోలకు లైక్ కొట్టి, క్యూట్ అని.. ఏంజిల్ అని, అద్భుతంగా ఉందని కామెంట్లు పెడుతుంటే మాత్రం వారిని కాస్త అనుమానించాల్సిందే. అక్కడితో ఆగకుండా.. వారితో చాటింగ్ చేసేందుకు తహ తహలాడుతున్నా.. తరచూ వారితో మెసేజ్ చేయడానికి ట్రై చేస్తే మీరు తీవ్రంగా పరిగణించాలి.

ఇతరులను ఆకట్టుకునేందుకు..

సాధారణంగా పెళ్లైన మగవారు తమ బాడీ ఫిట్ నెస్ పై అంతగా శ్రద్ధ చూపరు. అయితే వారు తమ శరీరాక్రుతిపై ఉన్నట్టుండి ఫోకస్ పెడితే.. అప్పటివరకు అందం గురించి అస్సలు పట్టించుకోని మీ శ్రీవారు అందంగా ముస్తాబవ్వడం.. జిమ్ కి వెళ్లడం వంటివి చేస్తుంటే మాత్రం కొంచెం అనుమానించాల్సిందే. ఎవరినో ఇంప్రెస్ చేయడానికే ఇలాంటి ప్రయత్నాలు చేస్తున్నారని అనుమానించొచ్చు.

భోజనం చేసే వేళ..

మీరిద్దరూ ఎప్పుడూ కలిసే భోజనం చేసే అలవాటు ఉండి.. ఇటీవలి కాలంలో మీ భాగస్వామి మీతో కలిసి తినేటప్పుడు మధ్యలో ఫోన్ వస్తే.. సడెన్ గా వారు లేచిపోవడం వంటి పనులు చేస్తే వారిని అనుమానించొచ్చు. లేదంటే.. ఆ ఫోన్ తర్వాత టెన్షన్ పడుతూ బయటికి వెళ్తుంటే, వారు మిమ్మల్ని మోసం చేస్తున్నట్టే.

ఎలా ఎస్కేప్ అవ్వాలా?

ఇతరులతో రిలేషన్ షిప్ లో ఉండే మగాళ్లు, తమ భాగస్వామి నుండి తప్పించుకుని.. ఇతరులను కలిసేందుకు ఏవేవో నాటకాలాడుతుంటారు. అంతేకాదు.. పక్కవారి వైపు చూపులు మొదలైనప్పుడు మీతో ఊరికే గొడవ పడుతూ ఉంటారు. వారిపై ఉండే ఇష్టం.. మీపై ఏ మాత్రం చూపరు. పైగా మీపై కోపంగా ఉంటారు. ఇలా చేస్తుంటే మీరు అనుమానించాల్సిందేనట.

ట్రైనింగ్ లేదా క్యాంపుకు..

మోసం చేసే విషయంలో మగాళ్లు అత్యంత సాధారణ కారణాల్లో ఇదొకటి. నాకు ఆఫీసులో అర్జెంట్ గా పని ఉందని.. నాలుగైదు రోజులు ట్రైనింగ్ కి వెళ్లాలని లేదా క్యాంపు ఉందని చెబుతుంటారు. అలా చెబుతుంటే వారిపై మీరు ఓ కన్నేయాలి. వారు వెళ్లే ప్రదేశాన్ని, లాడ్జి లేదా హోటల్, బుకింగ్ వివరాల గురించి తెలుసుకోవాలి. లేదంటే వాళ్లు మిమ్మల్ని మోసం చేస్తూ.. తమ ప్రియురాలితో ఎంచక్కా ఎంజాయ్ చేస్తారు.