Just In
- 2 hrs ago మీకు 2121 నంబర్ తరచుగా కనబుడుతోందా.. అయితే ఎందుకో వెంటనే తెలుసుకోండి..!
- 3 hrs ago వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- 3 hrs ago May Day 2024 Wishes : శ్రామికులు లేనిదే అభివృద్ధి లేదు.. శ్రామికుల దినోత్సవ శుభాకాంక్షలు
- 4 hrs ago పుచ్చకాయ జ్యూస్ లో ఈ ఒక్కటి కలిపి తాగితే చాలు వేసవి ఆరోగ్య సమస్యలు బలాదూర్..మీ శరీరానికి శాంతం..ఉపశమనం
సమంత తొలిచూపులోనే పడిపోయిందట.. కానీ చైతూనే ఆలస్యం చేశాడట...!
అమ్మాయిలు నాగచైతన్య లాంటి అందమైన అబ్బాయి భర్తగా తనకు కావాలి.. అని కోరుకునేలా వారిద్దరి కెమిస్ట్రీ బాగా కలిసిపోతుంది.
మన దేశంలో సెలబ్రెటీల లవ్ స్టోరీలు అంటే ఎవ్వరికైనా చాలా ఆసక్తిగా ఉంటుంది. ఎందుకంటే చాలా మంది ప్రేమ కథలు ముందుగా రుమార్స్ లేదా గాసిప్స్ నుండి మొదలవుతాయి. మొదట్లో అటు హీరో నుండి గానీ.. ఇటు హీరోయిన్ నుండి ఎలాంటి క్లారిటీ ఉండదు.
కానీ మీడియాలో.. సోషల్ మీడియాలో మాత్రం ఒకటే గాసిప్స్ వస్తుంటాయి. అలాంటి కోవకే చెందినదే చైసామ్ ప్రేమ కథ కూడా. ఈరోజు సమంత పుట్టినరోజు సందర్భంగా చాలా మందికి ఇష్టమైన టాలీవుడ్ పెయిర్ చైసామ్ ప్రేమ కథ గురించి ఇప్పుడు తెలుసుకుందాం...
పెళ్లికి ముందు..
సమంత-నాగచైతన్య జంట ‘ఏ మాయ చేసావే‘ తర్వాత మంచి స్నేహితులుగా మారారట. అప్పటి నుండి ఎప్పుడు పడితే అప్పుడు బయట పార్టీలకు, విహార యాత్రలకు వెళ్లేవారట. దీంతో వారిద్దరి మధ్య ఏదో ఉందని అప్పటి నుండే గాసిప్స్ మొదలయ్యాయి. ఆ సమయంలో వారిద్దరూ తమ ఇద్దరి మధ్య ఎలాంటి సంబంధం లేదని చెప్పకపోవడంతో చాలా మంది అనుమానాలు నిజమయ్యాయి.
అల్లరి పిల్ల అనుకున్నాడట..
నాగ చైతన్య తన ప్రేమకు సంబంధించి ఓ ఇంటర్వ్యూలో ఇలా మాట్లాడాడు. ‘‘మా ఇద్దరి మొదటి సినిమా ఏ మాయ చేశావే. నేను మొదట సినిమా షూటింగులో తనని చూసి చాలా అల్లరి పిల్ల అనుకున్నా. తనంటే నాకు అప్పటి నుండే ఇష్టం. మేమిద్దరం మంచి ఫ్రెండ్స్ కూడా. నేను అప్పుడు తనను ఒక స్నేహితురాలిగానే చూశాను.
చైతూని చూసినప్పుడే..
సమంత తనను తొలిసారి సినిమా షూటింగులో చూసిందట. ‘‘నిన్ను చూసినప్పుడే లవ్ లో పడిపోయాను. నువ్వే ఆలస్యం చేశావు. నాది ఎనిమిదేళ్ల ప్రేమ‘‘ అంటూ తనను ఆట పట్టిస్తూ ఉంటుందట. అది ఎంతవరకు నిజమన్న సంగతి తనకు కూడా తెలీదంట.
అన్ని విషయాలు పంచుకునేవాళ్లం..
తొలి నుండి మేం స్నేహితులం కాబట్టి అన్ని విషయాలను పంచుకునేవాళ్లం. అలా ఎప్పుడూ స్నేహితుల నుండి ప్రేమికులు మారిపోయామో నాకే తెలీదు. మా పెళ్లికి ముందు ఒక సంవత్సరం పాటు మేమిద్దరం సాధారణంగా కంటే కాస్త ఎక్కువగా కలిసి బయట తిరిగాం. అలా వెళ్లిన సమయంలో ఓ సారి నాకు ఇలా అనిపించింది.
మంచి అమ్మాయి దొరుకుతుందా?
‘ఎలాగో పెళ్లి చేసుకోవాలని అనుకుంటున్నా కదా. ఇంతకంటే మంచి అమ్మాయి నాకు దొరుకుతుందా?‘ అని సాధారణంగా పెద్దవారు అంటూ ఉంటారు కదా. ‘తెలియని దేవత కంటే తెలిసిన రాక్షసి నయం‘ అని నాకు తెలిసిన రాక్షసి సమంతనే పెళ్లి చేసుకున్నా.
తన అల్లరి పనులన్నీ తెలుసు
పెళ్లికి ముందు, తర్వాత సమంత చేసే చేసిన అల్లరి పనులన్నీ నాకు తెలుసు. కానీ అవన్నీ నాకు నవ్వు తెప్పిస్తుంటాయి. తనపై ఉన్న ప్రేమను మరింత పెంచుతాయి. అందుకే తనంటే రోజు రోజుకీ ప్రేమ పెరిగిపోతూ ఉంటుంది.
నన్ను నవ్విస్తూ ఉండాలి..
నాకు ఇంట్లో నా భార్య నాకు మద్దతు ఇస్తూ, ఎప్పుడూ తను నవ్వుతూ నన్ను నవ్విస్తూ ఉండాలి. అలా ఉంటే చాలు. పని, డబ్బు మిగిలినవన్నీ సెకండరీ నాకు. అందుకే పెళ్లిని ఎంజాయ్ చేస్తున్నా. క్లోజ్ ఫ్రెండ్ ని పెళ్లి చేసుకోవడం ఇంత ఆనందం ఉంటుందని నాకు ముందుగా తెలీదు.
అవి అర్థమయ్యేవి కావు..
పెళ్లికి ముందు బంధాలు, బంధావ్యాల గురించి నాకు చాలా విషయాలు అర్థమయ్యేవి కావు. అంతకుముందు ఖాళీ సమయం దొరికితే చాలు బయటకు వెళ్లాలనుకునే వాడిని. ఇంట్లో ఉండటం అనేది ముసలోళ్లు చేసేపని అనుకునే వాడిని. కానీ ఇప్పుడు ఇంట్లో ఉండి కూడా తనతో ఎక్కువ సమయం గడపాలనిపిస్తోంది. పెళ్లి అయిపోయాక నేను అంతలా మారిపోయాను.
తక్కువ మందినే పిలిచాం..
మా పెళ్లికి మాతో బాగా సన్నిహితంగా ఉన్నవారే హాజరవ్వాలని అనుకున్నాం. అందుకే అతి కొద్ది మందిని మాత్రమే పిలిచి మరీ పెళ్లి చేసుకున్నాం. అంతేకాదు మా ప్రేమను చాటుకునేలా మేం ఇద్దరం మోర్స్ కోడ్ లో మా పెళ్లి తేదీని టాటూ కూడా వేయించుకున్నాం. ఆ పని కూడా మా పెళ్లిరోజే చేశాం‘ అంటూ తమ ప్రేమ, పెళ్లి జీవితం గురించి వివరించాడు నాగచైతన్య.
ఇప్పటికీ తోడున్నాడు..
అయితే సమంత తమ ప్రేమ గురించి ఓ కార్యక్రమంలో మాట్లాడుతూ ‘తెలుగులో తొలి సినిమా నుండి ఇప్పటివరకూ నా జర్నీలో చైతూ తోడున్నాడు. నాగురించి నాకే తెలియని రోజులవి. నేను చాలా వీక్ అనుకునే రోజులవి. అప్పట్లోనే నా గురించి తెలుసుకుని..నన్ను అర్థం చేసుకుని.. నా శక్తిని తెలుసుకుని నేటికీ నాకు తోడుగా ఉన్నాడు. అందుకే తనంటే మొదటి నుండి నాకు ఎంతగానో ఇష్టం.
అలా ఒక్కటయ్యాం..
పెళ్లికి ముందు నేను తనపై ఎక్కువగా ఆధారపడేదాన్ని. మేమిద్దరం ఒక్కటవ్వాలని ఉన్నా, ఏవేవో అడ్డంకులు వచ్చేవి. కొంతకాలం నేను తన ప్రేమలో ఉన్నా.. కానీ తను మాత్రం వేరే అమ్మాయిని ప్రేమించేవాడు. ఆ తర్వాత వారిద్దరూ విడిపోయారు. తర్వాత ఇంకా కొన్ని కారణాల వల్ల మేమిద్దరం దూరంగా ఉండాల్సి వచ్చింది. ఆ తర్వాత మేమిద్దరం కలిసి బయటకు వెళ్లినప్పుడు తనే నాకు ప్రపోజ్ చేశాడు. నాకు కూడా తనంటే మొదటి నుండి ఇష్టం కాబట్టి వెంటనే ఒప్పుకున్నా. అలా మేమిద్దరం ఒక్కటయ్యాం‘ అంటూ సమంత చెప్పుకొచ్చింది.