మగాళ్లు చెప్పే ఏ రకమైన అబద్ధాలను అమ్మాయిలు ఎక్కువగా నమ్ముతారో తెలుసా...

నువ్వు లేకుండా నేనుండలేను..

చాలా మంది మగాళ్లు తమ వైవాహిక జీవితంలో ఇలాంటి అబద్ధాన్ని ఎక్కువగా చెబుతారట. ముఖ్యంగా తన భార్య పుట్టింటికి వెళ్లే సమయంలో భర్తలు భార్యపై ప్రేమను వ్యక్తపరుస్తూ ‘నువ్వు లేకుండా నేను ఉండలేను' అని చెబుతూ ఉంటారట. అయితే అసలు విషయం మాత్రం వేరే ఉంటుందట. భార్య ఎప్పుడెప్పుడు పుట్టింటికి వెళ్తుందా? తమ బ్యాచ్ లర్ లైఫ్ ను మరోసారి ఆనందంగా గడిపేందుకు ఎంతో ఆశతో ఎదురుచూస్తారట. భర్తగా భార్య ముందు చేయలేనివన్నీ తమ భాగస్వామి వెళ్లిపోయాక అన్నింటినీ ఎంచక్కా ఎంజాయ్ చేస్తారట.

తనను చూడలేదు..

మగాళ్ల కళ్లు మామూలుగానే కుదురుగానే ఉండవు. అదీ ఎవరైనా అందమైన అమ్మాయి కనబడితే చాలు.. కనురెప్పలు కొట్టకుండా అలానే తదేకంగా చూస్తు ఉంటారు. అదే పెళ్లి జరిగిన తర్వాత కూడా అదే చేసినప్పటికీ, తమ భార్య ముందు మాత్రం ఆ విషయాన్ని అస్సలు ఒప్పుకోరట. నేను ఆ అమ్మాయిని చూడలేదు.. అక్కడ ఏదో డిజైన్ బావుంది లేదా ఇంకా ఏదైనా కారణాన్ని చెబుతారట.

భయాల గురించి..

సాధారణంగా మగాళ్లందరూ చాలా ధైర్యంగా, బలంగా ఉంటారని చెబుతూ ఉంటారు. ఇలాంటి వారితో తాము సేఫ్ గా ఉన్నామని ప్రతి ఒక్క మహిళ భావిస్తు ఉంటుంది. అయితే వాస్తవానికి, మగాళ్లు కూడా అమ్మాయిల మాదిరిగానే ఎమోషనల్ అవుతారట. వారికి కూడా సెన్సిటివ్ మనసు ఉంటుందని, వారికి కూడా భయమేస్తుందట. అయితే అది వారు బయటపెట్టరట.

రొమాన్స్ విషయంలో..

ప్రతి ఒక్క మగాడికి రొమాన్స్ విషయంలో పూర్తి అవగాహన ఉంటుందని.. తాము ఆ కార్యం పట్ల ఎంతో ఆసక్తితో ఉన్నామని.. తమకంతా తెలుసనే భావనలో ఉంటూ.. అమ్మాయిల ముందు ఫోజులు కొడతారట. కానీ వాస్తవ పరిస్థితి మాత్రం చాలా భిన్నంగా ఉంటుందట. ఎందుకంటే చాలా మంది మగాళ్లకు సెక్స్ గురించి పూర్తిగా తెలియదు. వారిలో కొందరు ఉన్నతంగా వ్యవహరించడానికి ప్రయత్నిస్తారు. అందుకే ఈ విషయంలో అమ్మాయిలు కొన్ని భంగిమల పట్ల అవగాహన పెంచుకోవాలని, రక్షణకు తొలి ప్రాధాన్యత ఇవ్వాలని నిపుణులు చెబుతున్నారు.

గొప్పలు చెప్పుకోవడం..

మనలో చాలా మంది మగవారు గొప్పలు చెప్పుకోవడం వంటివి చేస్తారు. ముఖ్యంగా కెరీర్ విషయానికొస్తే.. తాము చిన్నప్పటి నుండి కష్టపడి పైకొచ్చామని చెబుతారు. కానీ ఇదంతా నిజం కాదు. చాలా మందికి పేరేంట్స్ బ్యాక్ గ్రౌండ్, ఇతర మద్దతు ఉంటుంది.