ఫస్ట్ టైం రొమాన్స్ టైంలో మగువలు ఎక్కువగా ఏం ఆలోచిస్తారంటే...!

అనేక సందేహాలు..

మనలో చాలా మంది అమ్మాయిలకు ఫస్ట్ టైమ్ రొమాన్స్ లో పాల్గొనేటప్పుడు లేదా తమ భాగస్వామిని తన రిలేషన్ షిప్ లోకి ఆహ్వానిస్తున్నప్పుడు మనసులో అనేక సందేహాలు సాధారణంగానే వస్తుంటాయి. అసలు తను ఎలా పర్ఫార్మ్ చేస్తాడు.. తన అంచనాలను అందుకుంటాడా లేదా తనకు ఆ కోరికలంటే ఎక్కువా కాదా అనే విషయాలతో పాటు ఇంకా రకరకాల ఆలోచనలు చేస్తారంట.

ఇతరులతో రిలేషన్..

ఫస్ట్ టైమ్ రొమాన్స్ లో పాల్గొనే వారిలో చాలా మంది మహిళలు తన భాగస్వామికి ఇది వరకే ఎవరితో అయినా శారీరక సంబంధాలున్నాయా అనే అనుమానం కలుగుతుందట. అయితే ఈ ప్రశ్నను వారు తమ మదిలోనే దాచుకుంటారట. దానికి సమాధానం అడిగే ప్రయత్నం అస్సలు చేయరట. ఎందుకంటే అలాంటి విషయాలు అడగటం వల్ల వారు తప్పుగా అనుకుంటారేమోననే ఆలోచన తనలో ఉంటుందట.

ఎయిడ్స్ పరీక్షలు చేయించుకున్నారా?

చాలా మంది మహిళల్లో ఈ ప్రశ్న అడగాలని చాలా మందికి ఉంటుంది. అయితే ఎవ్వరూ ఇలాంటి వాటిని అడిగేందుకు సాహసం చేయరు. అయితే అమ్మాయిలందరూ ఇలాంటి ప్రశ్నలను నిర్మోహమాటంగా అడగొచ్చు. అంతేకాదు దీనికి కచ్చితంగా నెగిటివ్ అనే సమాధానం రాబట్టుకుంటే చాలా బెటర్. ఎందుకంటే ఒక్కసారి పగిలిన అద్దం మళ్లీ అతుక్కోవడం దాదాపు అసాధ్యం.

లైంగిక సమస్యలు..

చాలా మంది మహిళలకు ఈ ప్రశ్నను అడగడానికి చాలా ఇబ్బందిగా ఉంటుంది. అయితే ఇది కూడా కచ్చితంగా అడగాల్సిన ప్రశ్నే. ఎందుకంటే తొలిసారి ఆ కార్యంలో పాల్గొనే వారు సుఖవ్యాధులు, లైంగిక సమస్యలను దాచితే.. మీకు కూడా అవి సోకే ప్రమాదం ఎక్కువగా ఉంటుందట. గనేరియా, హెర్పిస్ వంటి వ్యాధులు సోకితే అవి దీర్ఘకాలం పాటు వేధిస్తాయి. కాబట్టి ఇలాంటి విషయాల గురించి ముందు అడగడం మంచిది.

కండోమ్స్ విషయంలో..

చాలా మంది మగాళ్లకు కండోమ్స్ వాడే విషయంలో అనేక అనుమానాలు ఉంటాయి. వాటిని ధరించి ఆ కార్యంలో పాల్గొనడం వల్ల మజా ఉండదని భావిస్తుంటారు. అయితే ఆ విషయంలో కూడా మీరు వారితో మాట్లాడి క్లారిటీ తీసుకుంటే బెటర్. ఎందుకంటే రిస్క్ తీసుకోవడం మంచిది కాదు కదా. కండోమ్ ఉపయోగించడం వల్ల అవాంఛిత గర్భం రాకుండా ఉండటంతో పాటు.. లైంగికపరమైన వ్యాధులు కూడా రాకుండా ఉంటాయని భావిస్తారు.

ఏం కోరుకుంటున్నారు..

సాధారణంగా స్త్రీ, పురుషుల మధ్య బంధాన్ని మరింత బలపరిచేది సెక్స్ అని చెప్పడంలో ఎలాంటి సందేహం లేదు. ఇద్దరు వ్యక్తులు రిలేషన్ షిప్ లో స్ట్రాంగ్ గా ఉన్నారా లేదా అనే విషయాలు దీని ద్వారా తెలిసిపోతుంది. కాబట్టి చాలా మంది మహిళలు తమతో దీర్ఘకాలం బంధంలో కొనసాగాలని భావిస్తున్నాడా? లేదా అనే క్లారిటీకి తను ఇచ్చే సమాధానాన్ని బట్టి నిర్ణయించుకుంటారు.