ఈ చిట్కాలను ఫాలో అయితే మ్యాట్రిమోనియల్ సైట్లలో ఫేక్ ప్రొఫైల్ ను కనిపెట్టడం చాలా ఈజీ...!

ప్రొఫైల్ ఫొటో..

మీరు మ్యాట్రిమోనియల్ సైటులో ఏదీ నకిలీది, ఏది నిజమైనది గుర్తించడానికి మొట్టమొదట ఫొటో బాగా సహాయపడుతుంది. ప్రొఫైల్ ఫొటో లేని వారు , అలాంటి వివరాలను చూసే అవసరమే లేదు. ఒక వేళ ఫొటో ఉన్నప్పటికీ అది ఏ సెలబ్రెటీది కాకుండా.. వారి అసలైన ఫొటో అయితే ఎంత నమ్మశక్యంగా ఉందో చెక్ చేయండి.

పేరుతో ఉన్న ఫొటో..

కొంతమందికి ఫొటో ఎడిటింగ్ బాగా ఇష్టం. కాబట్టి మీరు మ్యాట్రిమోనియల్ సైటులోని అకౌంట్ నుండి ఏదైనా అభ్యర్థనను స్వీకరించినట్లయితే, అప్పుడు వారి పేరుతో పాటు ఫొటోను జాగ్రత్తగా పరిశీలించాలి. ఫొటో ఎడిటింగ్ చేసిందా లేదా న్యాచురల్ ఉన్నదేనా అనేది తెలుసుకోవాలి. ఒకవేళ ఫొటో విభిన్న లక్షణాలతో ఉంటే దాన్ని మీరు విస్మరించడం మంచిది.

వేరే వాళ్లు క్రియేట్ చేయొచ్చు..

ప్రతి ఒక్కరి జీవితంలో పెళ్లి అనే మధురమైన ఘట్టం ఒక్కసారే వస్తుంది. కాబట్టి అలాంటి పెద్ద నిర్ణయం గురించి అబ్బాయి లేదా అమ్మాయి తీవ్రంగా ఆలోచించకపోవచ్చు, లేదా వారు తమ నిజమైన గుర్తింపును దాచాలనుకుంటారు. లేదా వారి అకౌంట్ వివరాలను వేరొకరితో క్రియేట్ చేయొచ్చు.

సోషల్ మీడియా సైట్లలో..

మీరు చూసిన ప్రొఫైల్ పేరును ఇతర సోషల్ మీడియాలో (ఫేస్ బుక్, ట్విట్టర్, ఇన్ స్టాగ్రామ్ వంటి వాటిలో) కూడా సెర్చ్ చేయండి. అక్కడ ఉండే పేర్లు.. ఇక్కడ పేర్లు మరియు అందులో ఉండే ఫొటోలు.. ఇక్కడ ఉండే ఫొటోలు సరైనవా కాదా చూడండి. దీని వల్ల మీరు ఆ ప్రొఫైల్ నిజమా? కాదా? అని తెలుసుకోవడానికి మార్గం సులభమవుతుంది. ఒకవేళ ఆ వివరాలు మ్యాచ్ కాకపోతే మీరు ఆ ప్రొఫైల్ ను మరచిపోవచ్చు.

తరచుగా సవరణలు..

మ్యాట్రిమోనియల్ వెబ్ సైటులకు సంబంధించి నిర్వహించిన పరిశోధనల ప్రకారం, చాలా మంది వ్యక్తులు తమ వివరాలను నకిలీ ఖాతాలు లేదా ఫేక్ ఐడీలను క్రియేట్ చేసే వ్యక్తులు తమ అకౌంట్ల వివరాలను తరచుగా సవరించుకుంటూ ఉంటారు. ముందుగా వ్యక్తి ఉన్న ఫొటోను మారుస్తూ ఉంటారు. అభిరుచులు మారుస్తారు. ఉద్యోగ వివరాలను కూడా మారుస్తుంటారు. కాబట్టి మీరు ఎవరినైనా ఫైనల్ చేసే ముందు ఈ వివరాలను చెక్ చేయడం మరచిపోవద్దు.

డబ్బులు అడిగితే..

మ్యాట్రిమోనియల్ వెబ్ సైట్ ద్వారా ఆన్ లైనులో చాలా మంది ఇతర వ్యక్తులను మోసం చేశారని మీరు ఇదివరకే చాలా వార్తల్లో.. టివీల్లో చూసే ఉంటారు. కాబట్టి ఎవరైతే మ్యాట్రిమోనియల్ సైట్లలో డబ్బులను అడుగుతారో అలాంటి వారిని మీరు తిరస్కరించడమే మంచిది.

తొందరపెడితే..

కొందరు వ్యక్తులు సరైన ఐడి, సరైన వివరాలు మ్యాట్రిమోనియల్ సైట్లలో క్రియేట్ చేసినప్పటికీ.. తొలిసారి సమావేశానికి ప్లాన్ చేసి.. అక్కడ అన్ని పనులను త్వరగా పూర్తి చేయాలని ఒత్తిడి చేస్తారు. తన సౌలభ్యం కోసం అని కల్లబొల్లి కబుర్లు చెబితే మీరు అలాంటి వారిని విస్మరించడమే మంచిది.

క్రాస్ చెక్ చేసుకోండి..

మీరు మ్యాట్రిమోనియల్ సైటులో ఏదైనా ప్రొఫైల్ ను ఫైనల్ చేసి ఉంటే, వారి సంబంధాన్ని నిర్ధారించడానికి లేదా వారిని వివాహం చేసుకునే విషయంలో తొందరపడకుండా, ముందుగా మీరు మీ కుటుంబ సభ్యులతో మరియు బంధువులతో క్రాస్ చెక్ చేయండి.