Teddy Day 2023:ఈ కలర్ టెడ్డీతో మీ ప్రేమ సక్సెస్ అవుతుందట..!

ప్రేమను తెలిపేందుకు..

స్త్రీ, పురుషుల మధ్య ప్రేమను వ్యక్తం చేసేందుకు టెడ్డీ డే రోజు చాలా మంది మగవారు తమ ప్రియురాలికి టెడ్డీ బేర్ ను గిఫ్టుగా ఇస్తారు. అరుదైన సందర్భాల్లో అమ్మాయిలు కూడా అబ్బాయిలకు గిఫ్టులిస్తుంటారు. మాజీ అమెరికా అధ్యక్షుడు థియోడర్ రూజ్ వెల్డ్.. కూడా ఇదే రోజున ఓ క్యూట్ టెడ్డీ బేర్ పొందారు. ఎందుకంటే హంటింగ్ ట్రిప్ లో జంతువులను వధించొద్దని ఆయన ఆదేశాలు జారీ చేయడంతో ఈ బహుమతిని ఇచ్చారు.

ప్రత్యేక అనుభూతి..

వాలెంటైన్ వీక్ లో మార్కెట్లో చాక్లెట్లు, గులాబీలు, గ్రీటింగ్ కార్డులు ఎన్ని ఇచ్చినా.. దాంతో పాటు ఒక టెడ్డీ బేర్ ను కూడా కచ్చితంగా ఇస్తుంటారు. ఎందుకంటే మీరిచ్చిన టెడ్డీ బేర్ నుండి వారి చూపు అస్సలు కదలదు. దీని వల్ల మీ పార్ట్ నర్ కు ప్రత్యేకమైన అనుభూతి కలుగుతుంది. అయితే మీరిచ్చే టెడ్డీ బేర్ తో పాటు ఈ బ్యూటిఫుల్ మెసెజెలతో వారి మనసులో సుస్థిర స్థానం సంపాదించండి...

రెడ్ కలర్ టెడ్డీ..

టెడ్డీ బేర్ గిఫ్టులు ఇచ్చే సమయంలో రకరకాల సెంటిమెంట్లు ఉంటాయి. కొందరి నమ్మకం ప్రకారం, రెడ్ కలర్ టెడ్డీ బేర్ స్త్రీ, పురుషుల మధ్య భావోద్వేగ సంబంధం తీవ్రతను సూచిస్తుంది. అందుకే చాలా మంది రెడ్ కలర్ టెడ్డీ బేర్లను ఇచ్చి తమ ప్రేమను వ్యక్తం చేస్తుంటారు.

బ్లూ కలర్ టెడ్డీ..

ఒకవేళ మీ పార్ట్ నర్ దీన్ని మనస్ఫూర్తిగా వీటిని అంగీకరిస్తే.. వారు మీ ప్రేమను యాక్సెప్ట్ చేసినట్టే. బ్లూ కలర్ టెడ్డీ బేర్ ను గిఫ్ట్ గా ఇస్తే.. వారి పట్ల చెప్పలేనంత ప్రేమను కలిగి ఉన్నారని సూచిస్తుంది. అదే గ్రీన్ కలర్ టెడ్డీని గిఫ్ట్ గా ఇస్తే.. వారితో మీకు బలమైన ఎమోషన్ ఉన్న రిలేషన్ షిప్ కోరుకుంటున్నట్టు అర్థమట.

బ్రౌన్ కలర్ టెడ్డీ..

ఇక బ్రౌన్ కలర్ టెడ్డీ బేర్ అయితే మీరు త్వరలో మీ లవర్ కు గుడ్ బై చెబుతున్నారని సూచిస్తుంది. కాబట్టి మీరు మీ లవర్ కు ఇచ్చే టెడ్డీ బేర్ రంగులను మీ ద్రుష్టిలో ఉంచుకోండి.