తాళి కట్టే టైమ్ కి వరుడికి షాకిచ్చిన వధువు.. ‘నా లవర్ వస్తాడంటూ... తననే పెళ్లి చేసుకుంటానని..’

తమిళనాడులో..

తమిళనాడు రాష్ట్రం నీలగిరి జిల్లా మట్టకండి గ్రామంలో కరోనా టైములో ప్రియదర్శి అనే యువతి అదే గ్రామానికి చెందిన ఓ యువకుడితో వివాహం జరిపించేందుకు అక్టోబర్ 29న ముహుర్తాన్ని నిర్ణయించారు.

కరోనా కారణంగా..

కరోనా మహమ్మారి కారణంగా అతికొద్ది మంది బంధువులను, స్నేహితులను మాత్రమే ఈ వివాహ వేడుకకు ఆహ్వానించారు. అందరూ అనుకున్నట్టుగానే వివాహ వేడుకకు అన్ని ఏర్పాట్లు పూర్తి చేశారు తల్లిదండ్రులు.

పెళ్లిపీటల మీద..

అయితే పెళ్లిపీటల మీద ఉన్న ప్రియదర్శి అనే పెళ్లికూతురు సరిగ్గా తాళికట్టే శుభ ముహుర్తం సమయానికి తన మనసు మార్చుకుంది. ఎందుకంటే తన మనసులో మరొకరు ఉన్నారు. అయితే ఆ విషయాన్ని పెళ్లిపీటల మీద కూర్చునేంత వరకు ఎవరికీ చెప్పలేదు.

తాళికట్టే సమయానికి..

సరిగ్గా తాను ఓ ఇంటి వాడిని అవుతున్నానంటూ సంబంరంలో ఉన్న పెళ్లికొడుక్కి ఒక్కసారిగా షాకిచ్చింది. శుభముహుర్తం వచ్చేసిందని వధువు మెడలో మూడు ముళ్లు వేయమని పంతులు గ్రీన్ సిగ్నల్ ఇచ్చిన వెంటనే వరుడికి రెడ్ సిగ్నల్ ఇచ్చింది. సరిగ్గా తాళికట్టే సమయానికి తన ప్రియుడి గురించి చెప్పింది.

వరుడికి షాక్..

‘ఒక అరగంట ఓపిక పట్టండి. నా ప్రియుడు వస్తున్నాడు. తనే వచ్చి నా మెడలో తాళి కడతాడు' అని చెప్పేసరికి వరుడికి దిమ్మతిరిగింది. ఈ మాటలకు షాకైన తను క్లారిటీ కోసం ‘ఏమంటున్నావ్' అని మరోసారి పెళ్లికూతురిని ప్రశ్నించాడు.

తననే పెళ్లాడతా..

తన ప్రశ్నకు ప్రియదర్శి అనే పెళ్లికూతురు ఇలా బదులిచ్చింది. ‘నాకు ఈ వివాహం ఇష్టం లేదు. నేను ఓ యువకుడిని ప్రేమించాను. తననే పెళ్లి చేసుకుంటాను' అని చెప్పింది. ఆ వధువు మాటలు విన్న బంధువులు, వరుడి తల్లిదండ్రులు తెల్లముఖం పెట్టారు.

కోపంతో కొట్టడానికి..

వరుడు ఇదే విషయాన్ని తమ బంధువులకు చెబుతుండగానే.. ప్రియదర్శి పెళ్లి పీటల మీద నుండి పైకి లేచింది. దీంతో వరుడి బంధువులలో ఓ మహిళ వధువుని కొట్టినంత పని చేసింది.

నచ్చిన వాడితోనే..

కానీ వధువు తల్లిదండ్రులు మాత్రం తన కుమార్తె మనసు తెలుసుకుని.. ఆమెకు నచ్చిన వాడితోనే పెళ్లి జరిపిస్తామని చెప్పారు. తమ కూతురి ప్రేమను అర్థం చేసుకున్న ప్రియదర్శి పేరేంట్స్ అదే మండపంలో తను ప్రేమించిన వాడికే ఇచ్చి పెళ్లి జరిపించారు.

ఈ తంతును ఆసక్తిగా..

దీంతో ఈ వివాహ వేడుకకొచ్చిన బంధువులందరూ ఈ పెళ్లి తంతును చివరివరకు ఉండి చాలా ఆసక్తిగా తిలకించారు. మరో విశేషం ఏమిటంటే.. పెళ్లికొడుకు కూడా ప్రియదర్శి ప్రేమను అర్థం చేసుకుని.. ఏ గొడవ చేయకుండా అక్కడి వెళ్లిపోవడం గమనార్హం. అంతేకాదు వారి బంధువులందరికీ నచ్చజెప్పి అక్కడి నుండి తీసుకెళ్లడం విశేషం.