‘నా ప్రాణం కన్నా ఎక్కువగా ప్రేమిస్తున్నా.. కానీ తన స్నేహితులతో తప్పుగా ప్రవర్తిస్తోంది...’

బలమైన ప్రేమ..

హాయ్ ‘నా పేరు రాజా బాబు(పేరు మార్చాం). నా వయసు పాతిక సంవత్సరాలు. నేను స్కూల్ డేస్ లో నుండే ఓ అమ్మాయిని చాలా సిన్సీయర్ గా లవ్ చేస్తున్నాను. మేమిద్దరం ఒకే కాలేజీలో చదువుకున్నాం. అక్కడే మా ప్రేమ మరింత బలపడింది.

ఒకే కంపెనీలో..

మా కాలేజీ ప్రేమ కొనసాగుతుండగానే.. మా ఇద్దరికీ క్యాంపస్ ప్లేస్ మెంట్ వచ్చింది. మా ఇద్దరికీ ఒకే కంపెనీలో జాబ్ వచ్చింది. ఇద్దరూ సాఫ్ట్ వేర్ కంపెనీలో జాయిన్ అయ్యాం. అక్కడ కూడా నేను తనతో ఎక్కువ సమయం గడిపేవాడిని.

అలా దగ్గరయ్యాం..

ఇలా చిన్నప్పటి నుండి మేమిద్దరం చాలా క్లోజ్ గా ఉండేవాళ్లం. మా ఫ్రెండ్స్ మా ఇద్దరికి పెళ్లి జరుగుతుందని.. మేమిద్దరం భార్యభర్తలవుతామని కచ్చితంగా చెప్పేవారు. ఈ క్రమంలోనే తను నాకు మానసికంగా, శారీరకంగా బాగా దగ్గరైంది. తనతో ప్రతి వీకెండ్ కలిసి బాగా ఎంజాయ్ చేసే వాడిని.

నమ్మడం లేదు..

అయితే తను మాత్రం నన్ను పూర్తిగా నమ్మడం లేదు. వారాంతంలో తను ఎక్కువగా తన క్లోజ్ ఫ్రెండ్స్ ను కలుస్తూ ఉంటుంది. వారంతా లేడీసే. వారందరూ కలిస్తే అచ్చమైన తెలుగు బూతులే మాట్లాడుకుంటారు. అందరి పర్సనల్ విషయాలను చాలా ఓపెన్ గా మాట్లాడుకుంటారు. పైగా పడకగదిలో జరిగే ఘట్టం గురించి మాట్లాడతారు.

తనే చెప్పింది..

వారేమి మాట్లాడతారనే విషయాలను నా ప్రియురాలు నాకు వచ్చి స్వయంగా చెబుతుంది. అయితే తను మాత్రం తన పర్సనల్ విషయాలను ఎవ్వరికీ చెప్పనని నాతో చెబుతోంది. కానీ నాకు తన మీద నమ్మకం కుదరడం లేదు. ఇలాంటి అలవాట్లు ఉన్నా ప్రియురాలితో ఇంకా కలిసి ఉండొచ్చా.. లేక తనకు బ్రేకప్ చెప్పాలా? కానీ తనను మాత్రం నేను చాలా నిజాయితీగా ప్రేమిస్తున్నాను. నేనేం చేయాలో నాకు అర్థం కావట్లేదు' అని ఓ కుర్రాడు తన సమస్యను నిపుణులకు చెప్పుకున్నాడు. అందుకు వారు ఏం సమాధానం చెప్పారో ఇప్పుడు తెలుసుకుందాం.

ఆమెకు అర్థమయ్యేలా..

తనను మీరు నిజాయితీగా ప్రేమిస్తున్నారు. కాబట్టి మీ వ్యక్తిగత విషయాల గురించి ఎక్కడా చెప్పకండని తనకు అర్థమయ్యేలా వివరించండి. దీని వల్ల మీరు ఇబ్బందికి గురవుతున్నట్లు చెప్పండి. ఎందుకంటే మీ ఇద్దరి మధ్య శారీరక, మానసిక బంధం ఉందని చెబుతున్నారు.

చులకనవుతారని..

మీ పర్సనల్ విషయాలు అందరికి చెప్పుకుంటే.. ముఖ్యంగా స్నేహితులకు చెబితే.. అందరిలో చులకన కావడమే కాదు.. రిలేషన్ షిప్ లో సమస్యలు వస్తాయని తనకు వివరించండి. ఇలాంటివి మీరు చెప్పినా తను పట్టించుకోకపోతే.. మీ కుటుంబ సభ్యులు లేదా మీ ఇద్దరికి ఉండే కామన్ ఫ్రెండ్ ద్వారా చెప్పించండి.

సీరియస్ తీసుకోమనండి..

మీరు అలా చెప్పించిన తర్వాత ఆ విషయాన్ని తను ఎంత సీరియస్ గా తీసుకున్నారనేది గమనించండి. అయినా ఏ మార్పు రాకపోతే మంచి మానసిక నిపుణులను సంప్రదించండి. అంతేకానీ తొందరపాటులో మీ ప్రేమను దూరం చేసుకోకండి. ఆమెకు తగిన సమయం ఇవ్వండి. మీరు కూడా కొంత సమయం తీసుకోండి. ఎవరి కోసమో మీరు ప్రాణంగా ప్రేమించే భాగస్వామిని వదులుకోకండి. ఒక్క విషయం గుర్తుంచుకోండి. మీ రిలేషన్ షిప్ విషయంలో ఫైనల్ డెసిషన్ మీదే.