చలికాలమంతా ఆ కౌగిలిలో అలాగే బంధిగా ఉండిపోవాలనిపిస్తుంది... ఆ వెచ్చదనంతో వచ్చే కిక్కే వేరప్పా..

మొదటి కౌగిలింత..

'నిన్ను మొదటిసారి కౌగిలించుకున్న క్షణం నాకు ఇంకా బాగా గుర్తుంది. తొలి కౌగిలి అందించిన అనుభూతిని నేను మాటల్లో చెప్పలేను. అది నిజంగా ఓ అద్భుతమే. ఆ మాధుర్యాన్ని వర్ణించడానికి మాటలను వెతుకుతున్నాను. ఆమె కురులు నాకు సిరులులాగా కనిపించాయి. అక్కడ ఉన్న పూలు సువాసనలను వెదజల్లుతున్నాయి. ఆమె కౌగిలింతలో అలాగే అపరిమితంగా ఉండిపోవాలి అనిపించింది‘ అని 24 ఏళ్ల ఆకాష్ ఆనంద అనే యువకుడు తెలిపాడు.

ఒక్క కౌగిలితో పెళ్లి..

‘తనను కౌగిలించుకున్నాక తన కళ్లలో చూడలేకపోయాను. నాకు సిగ్గేసింది. అయినా తను వినకుండా అలాగే చూసింది. ఆ ఒక్క చూపుతో.. కౌగిలింతతో తననే పెళ్లి చేసుకోవాలనుకున్నాను‘‘ అని కౌశిక్ అనే యువకుడు తెలిపాడు.

అదో తియ్యని భావన..

‘ఆమెను ప్రేమగా కౌగిలించుకున్నప్పుడు నా పట్ల ఆమెకు ఎంత ప్రేమ ఉందో అనుభవపూర్వకంగా తెలుసుకున్నాను. అది ఒక తియ్యని భావన. ఆ క్షణంలో నా మనసులో ఏవేవో భావాలు చెలరేగాయి. కోరికలు గుర్రాలై పరుగెత్తాయి. ‘నేను నిన్ను ప్రేమిస్తున్నాను‘ ‘ఈరోజు నువ్వు చాలా అందంగా ఉన్నావు‘ ‘నువ్వు నాకు దక్కినందుకు నేను చాలా లక్కీ‘ ‘నువ్వు ఇలాగే ఎప్పటికీ నాతోనే ఉండిపోవా‘‘ ‘‘నన్నే మనసారా కోరుకోవా‘ అనే ఆలోచనలన్నీ నా మనసులో వచ్చి వెళ్లిపోతుండేవి. కానీ ఆ కౌగిలితో ఆమె ప్రేమను అనుభవిస్తున్న భావన మాత్రం అలా ఉండిపోయింది‘ అని అనికేత్ తన అభిప్రాయాన్ని వ్యక్తం చేశాడు.

కౌగిలింతతో ప్రేమ..

‘నేను నా ప్రియురాలిని కౌగిలించుకున్నప్పుడు తన మీద నాకు ఎంతో ప్రేమ ఉందో తెలియజేస్తాను. నా కౌగిలింత ద్వారా ఆమె పట్ల నేను ఎంత శ్రద్ధ తీసుకుంటానో తెలియజేసేందుకు ప్రయత్నిస్తాను‘ అని మహదేవన్ వెంకట్రామన్ అనే యువకుడు తన నిర్ణయాన్ని వివరించాడు.

అంతకన్నా ఆనందమేదీ..

‘నేను ప్రేమించిన అమ్మాయి కౌగిలిలో మంచు ముక్కలా కరిగిపోవడం కంటే ఆనందం ఇంకా ఏముంటుంది. నేను నా గర్ల్ ఫ్రెండ్ ను తొలిసారి కౌగిలించుకున్నప్పుడు నా మనసులో ఎలాంటి ఆలోచనలు రాలేదు. నా మనసంతా పూర్తిగా భావోద్వేగంతో నిండిపోయింది. నాకు ఎంతో సుఖంగా సంతోషంగా అనిపించింది‘ అని క్లార్క్ అనే వ్యక్తి అన్నాడు.

నీ కౌగిలి చెరసాలలో..

‘నీ కౌగిలి అనే చెరసాలలో ఎప్పటికీ విడుదల అవ్వని జీవిత ఖైదీగా నన్ను మార్చేశావు‘ అని మరో యువకుడు తన భావాన్ని బయటపెట్టాడు.

ఆ కౌగిలిలో ఉక్కిరి బిక్కిరి..

‘నన్ను కౌగిలింతలతో ముంచేసి ఉక్కిరిబిక్కిరి చేసేశావు. నీ కౌగిలిలో ఏదో మాయ ఉంది. నీ కౌగిలిలో ఎంతో హాయి ఉంది. నీ కౌగిలిలో ఎంతో సుఖం ఉంది‘ అని మరో వ్యక్తి తన అభిప్రాయాన్ని తెలిపాడు.

మరిన్ని విషయాలు..

ఒక అమ్మాయిని హత్తుకున్నప్పుడు ఇంకా ఎన్నో విషయాలు మనసులో మెదలుతాయి. అవేంటో ఇప్పుడు తెలుసుకుందాం.

ప్రత్యేక అనుభూతి..

మీరు బాధలో ఉన్నప్పుడు, మీరు మీ ప్రేయసి నుండి కౌగిలింత అందుకోవడానికి ఎంతో ఆశగా ఎదురు చూస్తుంటారు. ఇలాంటి కౌగిలింత మీకు తేలికైన మరియు ప్రత్యేకమైన అనుభూతిని అందించడమే గాక మీకు మరింత ధైర్యాన్ని ఇస్తుంది.

బలమైన బంధం కోసం..

మీరు మీ భాగస్వామితో బలమైన సంబంధం ఏర్పరచుకోవాలంటే ఒక కౌగిలితో మీరు ఆ పనిని ప్రారంభించవచ్చు. ఒక్క కౌగిలింత వల్ల ఆక్సిటోసిన్ అనే హార్మోన్ విడుదల అవుతుంది. దీని వల్ల మీ ప్రియమైన భాగస్వామిలో చాలా వేడి ఉత్పత్తి అవుతుంది. ఈ హార్మోన్ ఒత్తిడిని తగ్గించడానికి కూడా ఉపయోగపడుతుంది.

భౌతిక ఆకర్షణ..

మీరు మీ భాగస్వామితో భౌతిక ఆకర్షణను ఎలివేట్ చేయాలి అనుకుంటే మీరు ముద్దుల వంటి వాటి జోలికి వెళ్లకూడదు. కౌగిలింత అనేది శారీరక ఆకర్షణను పెంచుతుంది. దీని వల్ల మీరు మీ భాగస్వామి భౌతికంగా చాలా దగ్గరయ్యేందుకు సహాయపడుతుంది.

గొడవలు మర్చిపోయేందుకు..

మీరు మీ భాగస్వామి ఏదైనా సందర్భంలో గొడవలు పడినప్పుడు వాటిని మరచిపోయేందుకు కూడా ఈ కౌగిలింతలను మీరు ఉపయోగించుకోవచ్చు. ఇది మీ గొడవలను మరచిపోయేలా చేస్తుంది. అంతేకాదు మీ మధ్య ప్రేమను మరింత పెంచుతుంది.

అసహనంగా ఉన్నప్పుడు..

మీ ప్రియురాలు అసహనంగా ఉన్న సమయంలో మీరు ప్రేమగా.. ఆమె రెండు చేతులను చాచి, ఆమె ముఖంలో అందమైన నవ్వును చూస్తూ ఒక్క హగ్ ఇవ్వండి. అంతే మీ ఇద్దరు చిరునవ్వుతో ఎంతో ఆనందాన్ని పొందుతారు.

వెచ్చని అనుభూతి..

ఈ చలి కాలంలో చల్లటి వాతావరణంలో మీరు మీ ప్రియురాలిని లేదా భార్యను గట్టిగా ఆలిగంనం చేసుకుంటే మీకు వెచ్చని అనుభూతి అనేది కలుగుతుంది. ఇది మీ ఇద్దరి మధ్య సంబంధానికి మరో మంచి సంకేతం అవుతుంది.