సెక్స్ కు మించి సన్నిహితంగా ఉండేందుకు గల మార్గాలేంటో చూడండి...

లైవ్ మ్యూజిక్...

మిమ్మల్ని మీరు సజీవంగా ఉంచుకోవడానికి గొప్ప ఆయుధం సంగీతం. ఇది మిమ్మల్ని రతి క్రీడ మూడ్ లోకి తీసుకెళ్లడమే కాదు.. మీలో కొత్త శక్తిని కూడా నింపుతుంది. ఎందుకంటే సంగీతం ప్రతి ఒక్క సమస్యకు పరిష్కారం చూపుతుంది.

మూన్ లైట్ వాక్...

మీ ఇద్దరు కలిసి మూన్ లైన్ వాక్ చేయండి. ఇది చాలా ప్రత్యేకంగా అనిపిస్తుంది. అయితే మీరు నడుస్తున్న ప్రదేశం సరైనదే అని గుర్తుంచుకోండి. అంటే సేఫ్ అండ్ సెక్యూరిటీపై ఎక్కువ శ్రద్ధ వహించండి. అలా మీరిద్దరూ చేతుల్లో చేయి వేసుకుంటూ కలిసి నడిస్తే ఎంతో హాయిగా అనిపిస్తుంది.

సల్సా డ్యాన్సు...

కామసూత్రాలలో ఉన్న ఈ రహస్యాలను స్త్రీలు తప్పక తెలుసుకోవాలి...!సంగీతం తర్వాత మీ ఇద్దరి మధ్య సాన్నిహిత్యం పెంచేది సల్సా డ్యాన్సు. ఇది మీ ఇద్దరిని కచ్చితంగా దగ్గర చేస్తుంది. మీరిద్దరూ కలిసి ఇంకా ఏదో ఒకటి కొత్తదాన్ని నేర్చుకుంటారు. ఇది శరీర భాషగా కూడా ఉపయోగపడుతుంది.

లాంగ్ డ్రైవ్ కు వెళ్లడం..

ఇప్పుడిప్పుడే కరోనా లాక్ డౌన్ నుండి విముక్తి లభించి, అందరూ రోడ్లపైకి వస్తున్నారు. దేశవ్యాప్తంగా అందరూ రోడ్లపై స్వేచ్ఛగా తిరుగుతున్నారు. ఈ సమయంలో తగిన జాగ్రత్తలు తీసుకుంటూ మీరిద్దరూ లాంగ్ డ్రైవ్ కు వెళ్లండి. అప్పుడు మీఇద్దరికీ చాలా సరదాగా ఉంటుంది. అది ఎంత రొమాంటిక్ గా ఉందో ప్రత్యక్షంగా చూడండి.

లవ్ లెటర్ రాయండి..

మీరు చదువుకునే రోజుల్లో ఎవరినో ఒకరి చూసి ప్రేమలో పడటం అనేది కచ్చితంగా జరిగే ఉంటుంది. అప్పుడు మీరు లవ్ లెటర్ వంటివి రాసే ఉంటారు. ఎందుకంటే ఇది మనసుకు సంబంధించిన విషయం. సోషల్ మీడియాలో విపరీతంగా వ్యాపించిన ఈరోజుల్లో మీ కోరికలను మీరు కాగితంపై ఉంచడం అనేది చాలా ఆసక్తికరంగా ఉంటుంది.

మూవీ నైట్..

మూవీ నైట్ అంటే సినిమా థియేటర్లకు వెళ్లడం.. సెకండ్ షోలకు వెళ్లడమే కాదు.. ఇంట్లో కూర్చొని కూడా మూవీ నైట్ ఎంజాయ్ చేయొచ్చు. ప్రస్తుతం నెట్ ఫ్లిక్స్, అమేజాన్ ప్రైమ్ వంటివి కొత్త సినిమాలను నేరుగా రిలీజ్ చేస్తున్నాయి. కాబట్టి మీ ఇంట్లోనే మంచం మీద మీరిద్దరూ కూర్చొని, పాప్ కార్న్ తింటూ మీ ఇద్దరికిష్టమైన సినిమాలను కలిసి చూడండి. అయితే కామెడీ మూవీని చూసేందుకు ప్రయత్నించండి. ఎందుకంటే మీరిద్దరూ కలిసి చాలా ఎక్కువగా నవ్వుకోవచ్చు. మీ ఇద్దరికి ఇది రొమాంటిక్ గా కూడా ఉంటుంది.

క్యాండిల్ డిన్నర్..

ప్రస్తుతం కరోనా వైరస్ కారణంగా చాలా వరకు రెస్టారెంట్లు, హోటళ్లు తెరచుకోవడం లేదు. కాబట్టి మీరు మీ భాగస్వామితో కలిసి మీ ఇంటి బాల్కనీలో లేదా ఏదైనా మంచి ప్రదేశంలో క్యాండిల్ డిన్నర్ చేస్తే ఆ అనుభూతి అద్భుతంగా ఉంటుంది. దీని వల్ల మీ ఇద్దరి మధ్య సాన్నిహిత్యం మరింత పెరుగుతుంది.

మసాజ్...

ప్రస్తుతం కరోనా లాక్ డౌన్ కారణంగా మసాజ్ సెంటర్లు, స్పా సెంటర్లు చాలా వరకు మూతపడ్డాయి. కాబట్టి మీరిద్దరూ ఒకరికొకరు ఇంట్లోనే ఉంటూ మసాజ్ చేసుకోండి. ఇది మీ ఇద్దరికి రొమాంటిక్ గా ఉండటమే కాదు.. మీకు ఎంతో రిలీఫ్ కూడా ఇస్తుంది. మీరు చాలా రిఫ్రెష్ కూడా అవుతారు. దీని వల్ల మీరు కచ్చితంగా సన్నిహితంగా ఉంటారు.

జస్ట్ స్లీప్..

వినడానికి వింతగా ఉందా? అయితే ఇది వింత ఏమీ కాదు. కలసి పడుకోవడం కూడా పగటిపూట మీ ఇద్దర్ని మరింత దగ్గర చేస్తుంది. ఈ ప్రపంచమంతా పనిలో బిజీగా ఉన్నప్పుడు.. మీరిద్దరూ ఒకరినొకరు హాయిగా కౌగిలించుకుంటూ మెల్లగా నిద్రలోకి జారుకుంటే.. మీ బంధం మరింత బలోపేతమవుతుంది.