ఈ రాశుల వారు ఆ విషయాల్లో నిగ్రహంగా ఉండలేరట...! ఎక్కువగా ఆందోళన చెందుతూ ఉంటారట...

వృషభరాశి..

ఈ రాశి వారు చూడటానికి చాలా ప్రశాంతంగా మరియు ఎంతో సహనంతో ఉన్నట్టు కనిపిస్తారు. కానీ వీరు కొన్ని ప్రత్యేక సందర్భాలలో మాత్రం నిగ్రహం కోల్పోతారు. ప్రత్యేకించి వీరిని ఏదైనా విషయంలో కొంచెం రెచ్చగోడితే చాలు.. వీరు పూర్తిగా అదుపుతప్పి ప్రవర్తిస్తారట. వీరిని కంట్రోల్ చేయడం కొంత కష్టంగా మారుతుందట.

మిధున రాశి..

ఈ రాశి వారు చాలా విషయాల్లో నిగ్రహాన్ని కలిగి ఉంటారు. అయితే ప్రతి చిన్న విషయానికి వీరు అసౌకర్యంగా, ఏదో కోల్పోయినట్టు ఫీలవుతుంటారు. వీరిని ఎవరైనా ఇబ్బందిపెడితే మాత్రం అరిచి గోల గోల చేస్తారు. వీరు చాలా విషయాల్లో ఆందోళన పడుతూ చిరాకుగా ఉంటారు. వీరికి బాధ నుండి ఎలా బయటకు రావాలో అనే విషయం గురించి పెద్దగా అవగాహన ఉండదు.

కన్యరాశి..

ఈ రాశి వారు వ్యక్తిగతంగా చాలా బలంగా ఉంటారు. ప్రతి పనిని పరిపూర్ణంగా చేయాలనుకుంటారు. అలాగే కొన్ని పనులను అప్పటికప్పుడు చేసేస్తుంటారు. అయితే వారు అనుకున్న విషయాలు సమయానికి అవ్వకపోతే, వీరికి కోపం బాగా వస్తుంది. అయితే అలాంటి సందర్భాల్లో వీరు బాగా పని చేస్తారు.

ఇప్పుడే పెళ్లి ఎందుకు చేసుకున్నామా అనిపించే సందర్భాలేవో తెలుసా...

వృశ్చిక రాశి..

ఈ రాశి వారు చాలా సందర్భాలలో దూకుడుగా ఉంటారు. అయితే వీరు అనవసరమైన విషయాల్లో తలదూర్చడం వంటివి చేయరు. అనవసరంగా ఎవరితోనూ వాదనకు దిగరు. అయితే ఏదైనా సందర్భంలో కచ్చితంగా అవసరమని అనిపిస్తే మాత్రం వాదనకు దిగుతారు. కానీ ఆందోళన వంటి సందర్భంలో దాని నుండి తప్పించుకునేందుకు చిన్నగా ప్రయత్నిస్తారు.

మీన రాశి..

ఈ రాశి వారు చాలా సున్నితంగా ఉంటారు. దీని కారణంగా చిన్న చిన్న విషయాలకు ఎక్కువగా బాధపడతారు. అయితే వీరు, గొడవలను నివారించడాన్ని మాత్రం బాగా ఇష్టపడతారు. ఏదైనా విషయంలో అవసరం అనుకుంటే తమను తాము నియంత్రించుకోగలుగుతారు. కానీ త్వరగా కోపం తెచ్చుకుంటారు. అదే సమయంలో వేగంగానే ప్రశాంతంగా మారిపోతారు.