పెళ్లైన కొత్తలో... కపుల్స్ ఫేస్ చేసే ప్రాబ్లమ్స్

గుడ్ న్యూస్ ఎప్పుడు ?

పెళ్లైన కొన్ని రోజులకే.. అందరూ అడిగే ప్రశ్న గుడ్ న్యూస్ ఎప్పుడు అని. అదేనండి.. పిల్లలు ఎప్పుడు, గుడ్ న్యూస్ ఎప్పుడు చెబుతారు వంటి కామన్ క్వశ్చన్స్ తో పెద్దవాళ్లు న్యూ కపుల్స్ ని ఇబ్బందికి గురిచేస్తుంటారు.

అత్త, మామలతో

చాలా మంది స్నేహితులు, రిలేటివ్స్ అత్తమామలకు దూరంగా ఉండమని కొత్త జంటకు సలహా ఇస్తుంటారు. అయితే ఇది వాళ్ల వ్యక్తిగత విషయం. వాళ్లు డిసైడ్ అవ్వాలి, వాళ్లతో కలిసి ఉండాలా ? వద్దా ? అన్నది వీళ్లు చెప్పడం చాలా ఇబ్బందికరంగా ఉంటుంది.

హనీమూన్

వర్క్ కారణంగా, కొన్ని పనుల కారణంగా హనీమూన్ కాస్త లేట్ అయ్యే అవకాశాలున్నాయి. అంతేకాదు.. వర్క్ టెన్షన్ లో ఇది వాయిదా పడుతూ ఉంటుంది. అయితే.. చాలా మంది హనీమూన్ ఎక్కడ, ఎలా జరుపుకుంటారని ప్రశ్నలతో విసుగు తెప్పిస్తూ ఉంటారు.

వర్క్ చేయనిస్తాడా ? లేదా ?

కొత్తగా పెళ్లైన జంటకు ఎదురయ్యే ఇబ్బందుల్లో ఇదొకటి. అతను నిన్ను వర్క్ చేయడానికి అంగీకరిస్తాడా ? లేదా ? అని. ఇది వాళ్లిద్దరి మధ్య అండర్ స్టాండింగ్ ని బట్టి ఉంటుంది.

వంట

పెళ్లైన తర్వాత వంట చేయడం అమ్మాయిల డ్యూటీ. తనకోసం, తన భర్త కోసం వంట చేస్తుంది. అయితే.. చాలా మంది వంటపై అనేక రకాల ప్రశ్నలతో విసుగెత్తిస్తుంటారు. వంట చేస్తావా మీ భాగస్వామి కోసం అన్నప్రశ్నలు పెళ్లికూతుళ్లను ఇబ్బందికి గురిచేస్తాయి.

సెక్స్ లైఫ్

కొత్తగా పెళ్లైన జంటకు ఎదురయ్యే సూటి ప్రశ్నల్లో ఇదొకటి. చాలా చిత్రహింసలకు గురిచేసే అంశమిది. మీ సెక్స్ లైఫ్ ఎలా ఉంది అంటూ.. ఎవరైనా క్వశ్చన్ చేస్తే.. ఆ జంటకు చాలా కోపం వచ్చేస్తుంది.