Just In
- 1 hr ago 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- 2 hrs ago ఈ 3 రాశుల వారు ఏప్రిల్ 23 నుండి అప్రమత్తంగా ఉండాలి, అంగారకుడి వల్ల అనేక సమస్యలు ఎదుర్కొంటారు
- 7 hrs ago అయోధ్య బాలరాముడిపై సూర్య తిలకం.. కిరణాలు నుదుటిపై పడేందుకు ఏమి చేసారంటే..!
- 7 hrs ago కొత్తగా పెళ్ళైన జంటలు ఈ విషయాలు తప్పనిసరిగా తెలుసుకోవాలి. మీ లైఫ్ సేవ్ చేస్తుంది
జంటల మధ్య వయసు భేదం మరీ ఎక్కువ ఉంటే కష్టమా?
ప్రేమ గుడ్డిది అంటారు. చాలా సందర్భాల్లో ఇది నిరూపితమైంది కూడా. నిజమైన ప్రేమ ఉంటే వయసును పెద్దగా పట్టించుకోరు. అమ్మాయి 31 సంవత్సరాలు ఉండొచ్చు. అబ్బాయికి 25ఏళ్లు ఉండొచ్చు. స్త్రీ పురుషుల మధ్య 10ఏళ్ల తేడా ఉన్నా వారి మధ్య అనుబంధం బలంగా ఉంటే నడిచిపోతుంది. సంబంధంలో వయసు పాత్ర ఎలాంటిది అనే విషయంపైన 6 మందిని తమ అభిప్రాయాలను అడిగాం. వారు చెప్పిన అభిప్రాయాలివే...
పరిపక్వతతో సంబంధం లేదు...
మాది పెద్దలు కుదిర్చిన సంబంధం. నా భర్త నా కంటే 15ఏళ్లు పెద్ద. పెళ్లికి ముందే మా జంట గురించి చాలా మంది అపహాస్యం చేశాను. ఇప్పుడు మా పెళ్లయి 20ఏళ్లవుతోంది మేము అనోన్య దాంపత్య జీవితాన్ని గడుపుతున్నాం. ఒక్కోసారి చిన్నవయసు వారు మంచి పరిపక్వతను కలిగి ఉంటారు. కొన్నిసార్లు పెద్దవారు కూడా ఎలాంటి పరిపక్వత లేకుండా ఆలోచిస్తారు.
ఎవరి ఇష్టాయిష్టాలు వారివి...
మూడేళ్లుగా నా బాయ్ఫ్రెండ్తో డేటింగ్ చేస్తున్నాను. అతడు నా కంటే 5ఏళ్లు చిన్న. మేమిద్దరం ఒకరినొకరం గౌరవించుకుంటాం, ఎవరి అభిప్రాయాలు, ఇష్టాయిష్టాలు వారికుంటాయి. అందుకే మా ఇద్దరికీ బాగా కుదిరింది. ఎవరినైనా నిజంగా ప్రేమిస్తే వయసు పెద్దగా అడ్డు రాదు.
పెళ్లి అతి పెద్ద సమస్య...
నేను నా కంటే నాలుగేళ్లు చిన్న అయిన అబ్బాయితో డేటింగ్ చేశాను. మా ఇద్దిరికీ ప్రతి విషయంలోనూ అభిప్రాయభేదాలు వచ్చేవి. అదే మా బ్రేకప్కు కారణమైంది. చిన్న విషయాల్లోనూ గొడవపడేవాళ్లం. పెళ్లి మా ఇద్దరిదీ అతి పెద్ద సమస్య. నేనేమో అప్పటికే 30 ఏళ్లకు దగ్గరకొచ్చేశాను. నా ప్రియుడేమో ఇంకా చిన్న వయసు, పెళ్లి గురించిన ఆలోచనే లేదు.
పిల్లల విషయానికొచ్చేసరికి...
వయసు బేధాల వల్ల సంబంధంలో సమస్యలు ఎదురవ్వవచ్చు. నా భర్త 40వ పడిలో ఉన్నాడు. నాకిప్పుడే 30 నిండాయి. అతడికేమో పిల్లలు వద్దని.. నాకేమో పిల్లలు కావాలని.. ఇలా మా సంసార సాగరం సాగిపోతుంది.
ఇద్దరం ఒకేదానిపై నిలవలేకపోయాం..
నా గర్ల్ ఫ్రెండ్ నా కంటే 6ఏళ్లు చిన్న. ఇద్దరి భావోద్వేగాలు కలిసేవి కాదు. ఇరువైపులా స్నేహితులతోనూ కలిసినా అంతగా హాయిగా ఉండేవాళ్లం కాదు. తను ప్రతి విషయానికి గందరగోళపడేది. నాదేమో స్థిరమైన మనస్తత్వం.
మంచి వ్యక్తిగా మారేందుకు...
నా భర్త నా కంటే కేవలం మూడేళ్లు పెద్ద. ఇది మా అనుబంధానికి బలంగా మారింది. అతడు నా కంటే బాగా మెచ్యూర్డ్ గా ఆలోచిస్తాడు. అతడి ఆలోచనలకు అబ్బురం చెందుతాను. మంచి వ్యక్తిగా మారేందుకు అతడి తోడ్పాటు బాగా ఉంది. అతడి మెచ్యూరిటీ కారణంగానే నేను అతడికి పడిపోయాను.